#IPL2019 मुंबई इंडियन्सचा रोमहर्षक विजय – eNavakal
News आघाडीच्या बातम्या क्रीडा देश

#IPL2019 मुंबई इंडियन्सचा रोमहर्षक विजय

हैदराबाद- मुंबई इंडियन्सने यंदाच्या आयपीएल क्रिकेट स्पर्धेत जेतेपदाचा शानदार चौकार मारला. आयपीएल स्पर्धेतील सर्वात यशस्वी संघ आज मुंबईचा ठरला. यंदाच्या हंगामात सलग चौथ्यांदा मुंबईने बलाढ्य चेन्नई संघाला पराभूत करण्याचा पराक्रम केला. निर्णायक सामन्यात रोमहर्षक लढतीत अवघ्या एका धावेने मुंबईने चेन्नईला नमवून चौथ्यांदा जेतेपदाची मोहर आयपीएल चषकावर उमटवली. मलिंगाने सामन्यातील शेवटच्या चेंडूवर शार्दूल ठाकूरला पायचित करून मुंबईच्या विजयावर शिक्कामोर्तब केले.

आयपीएल चषक क्रिकेट स्पर्धेच्या अंतिम फेरीत गतविजेत्या चेन्नई संघाला यंददेखील जेतेपद राखण्यासाठी मुंबईने 150 धावांचे आव्हान ठेवले आहे. नाणेफेक जिंकून मुंबईचा कर्णधार रोहित शर्माने प्रथम फलंदाजी घेतली. पण प्रथम फलंदाजीचा निर्णय फारसा मुंबईला फायदेशीर ठरला नाही. चेन्नईच्या गोलंदाजांनी सुरेख मारा करून मुंबईला 50 षटकांत 8 बाद 149 धावांवर रोखण्यात यश मिळविले. दबावाखाली आणि धोनीच्या सुरेख नेतृत्वामुळे मुंबईची मधली फळी कोसळली. शर्मा-डीकॉक जोडीने मुंबईला 45 धावांची चांगली सलामी करून दिली. दीपक चहरच्या दुसर्‍याच षटकांत डीकॉकने 3 षटकार मारून तब्बल 20 धावा फटकावल्या. मुंबईच्या डावांतील याच षटकांत सर्वाधिक धावा निघाल्या. तर यंदाच्या आयपीएल स्पर्धेत चहरचे सर्वात महागडे षटक होते. पण तरीदेखील डीकॉक बाद झाल्यानंतर पुन्हा कर्णधार धोनीने त्याच्याचकडे चेंडू सोपविला. मग त्याने मुंबईचा कर्णधार रोहित शर्माचा महत्त्वाचा बळी घेऊन चेन्नईला मोठे यश मिळवून दिले.

त्याअगोदर डिकॉकला ठाकूरने 29 धावांवर बाद करून मुंबईला पहिला धक्‍का दिला. शर्मा डिकॉक जोडी माघारी परतल्यानंतर मुंबईची घसरगुंडी सुरू झाली. गेल्या सामन्यात मुंबईच्या विजयात मोठा वाटा उचलणार्‍या सूर्यकुमार यादवचा 15 धावांवर त्रिफळा उडविला. तर कृणाल पांड्याचा शार्दुल ठाकूरने आपल्याच गोलंदाजीवर धावत जाऊन अप्रतिम झेल टिपला. त्यानंतर आलेल्या पोलार्डनेच मुंबईतर्फे सर्वाधिक नाबाद 41 धावा केल्या. त्याने 25 चेंडू खेळताना 3 चौकार आणि 3 षटकार ठोकले. हार्दिक पांड्या या सामन्यात मात्र मोठी खेळी करू शकला नाही. त्याला चहरने 16 धावांवर पायचीत पकडले. चेन्नईतर्फे चहरने सर्वाधिक 3 बळी घेतले. तर शार्दुल ठाकूर इम्रान ताहिरने प्रत्येकी 2 बळी घेतले.

Sharing is caring!

You may also like

Read More

post-image
आघाडीच्या बातम्या क्रीडा

विराटची टीम इंडिया आज वेस्ट इंडीजला भिडणार

चेन्नई – टी-२० मालिकेपाठोपाठ आजपासून भारत-वेस्ट इंडीज यांच्यातील तीन सामन्यांच्या वनडे मालिकेला प्रारंभ होत आहे. विराट कोहलीचा भारतीय संघ दक्षिण आफ्रिका, बांगलादेश यांच्यापाठोपाठ आता...
Read More
post-image
महाराष्ट्र राजकीय

आज दुपारी १२ वाजता विरोधी पक्षांची बैठक; १ वाजता पत्रकार परिषद

नागपूर – उद्यापासून सुरू होणाऱ्या हिवाळी अधिवेशनात सरकारला घेरण्याची रणनीती आखण्याबाबत आज विरोधी पक्षांची बैठक पार पडणार आहे. आज दुपारी १२ वाजता रविभवनातील विरोधी...
Read More
post-image
आघाडीच्या बातम्या महाराष्ट्र

अरेरे! उद्यापासून दूध महागणार

पुणे – इंधन आणि कांद्याच्या दरवाढीनंतर आता दूधाच्या किंमतीही वाढणार आहेत. राज्यात गायीचे दूध सोमवारपासून लिटरमागे दोन रुपयांनी महागणार आहे. त्यामुळे गायीच्या दुधाच्या एका लिटरसाठी...
Read More
post-image
News आघाडीच्या बातम्या देश

आजपासून चारचाकी वाहनांना महामार्गावर ‘फास्ट टॅग’ सुरू

नवी दिल्‍ली- चारचाकी वाहनाधारकांचा प्रवास वेगवान होण्यासाठी आज रविवारपासून राष्ट्रीय महामार्ग प्राधिकरणाकडून ‘फास्ट टॅग’ सुविधा उपलब्ध करुन देण्यात येणार आहे. राष्ट्रीय महामार्गावरील वाढत्या वाहनांना...
Read More
post-image
आघाडीच्या बातम्या महाराष्ट्र राजकीय

उद्यापासून हिवाळी अधिवेशन; नव्या सरकारची परीक्षा

नागपूर – राज्य विधिमंडळाच्या हिवाळी अधिवेशनाला उद्यापासून सुरुवात होणार असून यात शिवसेना-राष्ट्रवादी-काँग्रेसच्या महाराष्ट्र विकास आघाडी सरकारचा कस लागणार आहे. उद्या मुख्यमंत्री उद्धव ठाकरे यांच्या...
Read More