#IPL2019 आज माजी विजेत्या मुंबईची सलामी दिल्लीशी – eNavakal
News आघाडीच्या बातम्या क्रीडा मुंबई

#IPL2019 आज माजी विजेत्या मुंबईची सलामी दिल्लीशी

मुंबई – यंदाच्या आयपीएल क्रिकेट स्पर्धेत माजी विजेत्या रोहित शर्माच्या मुंबई संघाची सलामीची लढत दिल्ली संघाशी होणार आहे. तीन वेळा ही स्पर्धा जिंकणारा मुंबई संघ यंदा जेतेपदाचा चौकार मारण्यासाठी सज्ज झाला आहे. मुंबई संघाची गोलंदाजीची ताकद हार्दिक पांड्या आणि जसप्रित बुमराह या दोन गोलंदाजांवर राहणार आहे. विश्वचषक स्पर्धेला थोडा अवधी बाकी असताना मुंबई संघ व्यवस्थापन या दोन गोलंदाजांचा कसा वापर करणार हेदेखील बघणे महत्त्वाचे ठरेल.

हार्दिक पांड्याला पाठदुखापतीने त्रस्त केल्याने ऑस्ट्रेलियाविरुद्धच्या वनडे आणि टी-20 मालिकेत तो खेळू शकला नव्हता. तर याच मालिकेत काही सामन्यांमध्ये बुमराहालादेखील विश्रांती देण्यात आली होती. या दोघांना जास्त गोलंदाजी देणे उचित ठरणार नाही, असे मुंबई संघाचे संचालक आणि भारताचे माजी वेगवान गोलंदाज जहीर खानने सांगितले.

फलंदाजीची मदार कर्णधार रोहित शर्मा याच्यावर प्रामुख्याने राहणार आहे. मुंबई संघात यंदा प्रथमच खेळणारा भारताचा माजी अष्टपैलू खेळाडू युवराजसिंगची कामगिरी कशी होते. ते बघणेदेखील महत्त्वाचे ठरेल. कर्णधार रोहित शर्मा ऑस्ट्रेलियाविरुद्धच्या मालिकेत फार चमक दाखवू शकला नव्हता. तेव्हा आयपीएलमधील त्याच्या कामगिरीकडे निवड समिती सदस्यांचे लक्ष असेल. शर्मा बरोबरच युवराजसिंग, पोलार्ड, कटिंग आणि सुर्यकुमार यादव यांच्यावर फलंदाजीची मदार राहणार आहे.

अंबाती रायडूला या स्पर्धेत चमक दाखवून भारतीय संघातील आपले स्थान निश्चित करता येईल. युवा फिरकी गोलंदाज मयांक मार्कंडेच्या कामगिरीकडेदेखील निवड समितीचे लक्ष असेल. दिल्ली संघाने यंदा आपले नाव बदलले असून, शिखर धवनवर त्यांची मोठी मदार असेल. धवन व्यतिरिक्त फटकेबाजी फलंदाज यष्टीरक्षक ऋषभ पंत आणि श्रेयश अय्यर हेदेखील दिल्ली संघाचे प्रमुख फलंदाज आहेत. ईशांत शर्मा प्रथमच दिल्ली संघातर्फे या मौसमात खेळणार आहेत. त्याला बाऊल्ट, रबाडा आणि नथुसिंग यांची कशी साथ मिळते, हेदेखील बघणे महत्त्वाचे ठरेल. उभय संघातील पहिली लढत रंगतदार होण्याची शक्यता नाकारता येत नाही.

मलिंगा पहिल्या 6 सामन्यांना मुकणार

मुंबई संघाचा वेगवान गोलंदाज श्रीलंकेचा लसिथ मलिंगा यंदाच्या आयपीएल स्पर्धेत पहिल्या 6 सामन्यांना मुकणार आहे. स्पर्धेदरम्यान श्रीलंकेत होणार्‍या सुपर वनडे स्पर्धेत तो खेळणार असल्यामुळे आयपीएलमधील पहिल्या 6 सामन्यात तो खेळू शकणार नाही. विश्वचषक स्पर्धेत संघात स्थान मिळविण्यासाठी श्रीलंकेचे प्रमुख खेळाडू या स्पर्धेत खेळणार आहे. विश्वचषक स्पर्धेत स्थान मिळविण्यासाठी आयपीएलचे पहिले सहा सामने सोडण्यास आपण तयार असल्याचे मलिंगाने सांगितले. गतवर्षी त्याने गोलंदाजी मार्गदर्शक म्हणून काम पाहिले होते. यंदाच्या हंगामात मात्र तो पुन्हा एकदा खेळणार आहे. मुंबई संघाने 2 कोटी देऊन मलिंगाला पुन्हा करारबद्ध केले. न्यूझीलंड गोलंदाज अ‍ॅडम मिलनेदेखील दुखापतीमुळे स्पर्धेतून अंग काढून घेतले.

Sharing is caring!

You may also like

Read More

post-image
News महाराष्ट्र राजकीय

बीडमध्ये काकांच्या कारभारावर पुतण्याचा बॅनरबाजीतून निशाणा

बीड- बीडच्या राजकारणामध्ये पहिल्यांदाच काका-पुतणे आमने-सामने उभे राहणार असल्याने त्यांच्यातील संघर्ष गल्लीबोळातही दिसू लागला आहे. राज्याचे मंत्री जयदत्त क्षीरसागर यांच्या विकासकामांवर त्यांचे पुतणे संदीप...
Read More
post-image
News देश राजकीय

काँग्रेससोबत युती नको, स्वतंत्र लढणार – देवेगौडा

बंगळुरू- कर्नाटकामध्ये मध्यावधी निवडणूक होण्याची शक्यता आहे. जर तसे झाले तर कोणासोबतही युती न करता स्वतंत्र लढण्यासाठी तयार राहू, असे माजी पंतप्रधान आणि जनता...
Read More
post-image
News महाराष्ट्र

उरण वीज प्रकल्पाचा गॅसपुरवठा पूर्ववत

उरण- उरण ओएनजीसीच्या गॅस प्रकल्पाला लागलेल्या आगीमुळे गेल्या 10 दिवसांपासून बंद असलेला महानिर्मितीच्या उरण वीज प्रकल्पाचा गॅसपुरवठा कालपासून पूर्ववत सुरू झाला आहे. यामुळे एका...
Read More
post-image
News महाराष्ट्र वाहतूक

बोरोटी रेल्वे यार्डमध्ये ब्लॉक! कलबुर्गी-सोलापूर पॅसेंजर रद्द

सोलापूर- मध्य रेल्वेच्या सोलापूर विभागातील सोलापूर वाडी सेक्शनच्या बोरोटी रेल्वे स्थानक यार्डमध्ये उद्या बुधवारी ट्रॉफिक ब्लॉक घेण्यात येणार आहे. या ब्लॉकच्या काळात प्रवासी गाड्यांमध्ये...
Read More
post-image
News महाराष्ट्र राजकीय

इंदुरीकर महाराजांचा मलाच पाठिंबा! बाळासाहेब थोरातांची प्रतिक्रिया

अहमदनगर- संगमनेरयेथे मुख्यमंत्र्यांच्या व्यासपीठावर प्रसिद्ध कीर्तनकार निवृत्ती महाराज दिसल्यानंतर ते बाळासाहेबांच्या विरोधात लढणार असल्याच्या चर्चांना वेग आला होता. मात्र स्वत: इंदुरीकर महाराजांनी हे वृत्त...
Read More