#IPL2019 आज कोलकाता-चेन्‍नई दोन बड्या संघात मुकाबला – eNavakal
आघाडीच्या बातम्या क्रीडा

#IPL2019 आज कोलकाता-चेन्‍नई दोन बड्या संघात मुकाबला

चेन्‍नई – आयपीएल चषक क्रिकेट स्पर्धेतील कोलकाता-चेन्‍नई या दोन बड्या संघात मुकाबला रंगणार आहे. गुणतालिकेत दोन्ही संघांनी प्रत्येकी चार सामने जिंकून 8 गुण मिळवून अनुक्रमे पहिला आणि दुसरा क्रमांक मिळविला. दोन माजी विजेत्यांमध्ये ही लढत जोरदार होणार यात शंका नाही. कोलकात्याचा जबरदस्त फॉर्मात असलेला फटकेबाज फलंदाज रसेलला चेन्‍नई संघ कसा रोखणार याकडे त्यांच्या चाहत्यांचे लक्ष असेल.

रसेलने यंदाच्या या स्पर्धेत आपल्या तुफानी फटकेबाजीने प्रतिस्पर्धी गोलंदाजांची चांगलीच धुलाई केली आहे. त्याने आपल्या संघाला काही अशक्यप्राय विजय या स्पर्धेत मिळवून दिले आहेत. तसेच गोलंदाजीत चमक दाखवताना रसेलने काही महत्त्वाचे बळीदेखील टिपले. सध्याच्या घडीला आयपीएलमध्ये तो सर्वोत्तम अष्टपैलू खेळाडू ठरला आहे. कोलकाता आणि चेन्‍नई संघाला प्रत्येकी एका पराभवाला सामोरे जावे लागले आहे. यंदाच्या मोसमात हे दोन बडे संघ प्रथमच आमनेसामने आज असणार आहेत. कागदावर दोन्ही संघांची फलंदाजी आणि गोलंदाजी चांगलीच भक्‍कम आहे. घरच्या मैदानावर खेळत असलेल्या चेन्‍नई संघाला त्यांच्या चाहत्यांचा फायदा मिळेल. तसेच खेळपट्टीदेखील त्यांना हवी तशी तयार करण्याचा फायदादेखील मिळेल.

चेन्‍नईच्या प्रमुख फलंदाजांनी अद्याप म्हणावा तसा सूर गवसलेला नाही. कर्णधार धोनीचा अपवाद वगळता इतर कुठल्याच फलंदाजाला सातत्यपूर्ण चांगली फलंदाजी अद्याप करता आलेली नाही. फटकेबाजीसाठी प्रसिद्ध असलेल्या वॅटसन अद्याप एकही सामन्यात अर्धशतक काढू शकला नाही. तीच गोष्ट त्यांचा अनुभवी फलंदाज सुरेश रैनाबाबत म्हणता येईल. आयपीएल स्पर्धेत सर्वप्रथम 6 हजार धावांचा टप्पा गाठणार्‍या रैना मोठी खेळी अद्याप करू शकला नाही. लीन-नरीनने कोलकात्याला काही सामन्यात चांगली सलामी करून दिली आहे.

या दोघांना चांगला सूर गवसला असून आजच्या लढतीत त्यांची धडाकेबाज फलंदाजी कायम राहील, अशीच अशा संघव्यवस्थापन करत असेल. गोलंदाजीत एकापेक्षा एक सरस गोलंदाज कोलकात्याकडे आहेत. ते चेन्‍नईला किती कमी धावसंख्येत रोखतात यावरच कोलकाता संघाचे यश-अपयश अवलंबून आहे. आजच्या लढतीतील विजेता संघ गुणतालिकेत अव्वल क्रमांकावर झेप घेईल. आपल्या घरच्या मैदानावर विजय मिळविण्यास चेन्‍नई संघाचा नक्‍कीच आवडेल. पण सामना जिंकण्यासाठी चेन्‍नईला चांगलीच मेहनत करावी लागणार आहे.

Sharing is caring!

You may also like

Read More

post-image
News महाराष्ट्र

कांदा, टोमॅटोपाठोपाठ आता लिंबू महागले

कोल्हापूर – कांदा, लसूण आणि टोमॅटोपाठोपाठ आता लिंबूही महागला आहे. ऑक्टोबर हिट आणि निवडणूक प्रचाराचा काळ यामुळे लिंबाचा प्रतिनग दर पाच रुपये झाला आहे....
Read More
post-image
News आघाडीच्या बातम्या मुंबई

बेस्ट बोनसबाबत कोर्टात 22 ऑक्टोबरला पुढील सुनावणी

मुंबई – बेस्ट कर्मचार्‍यांमधील शिवसेनेची बेस्ट कामगार सेना आणि भाजपाची कामगार संघटना या दोन संघटनांनी वेतनवाढीबाबत बेस्ट प्रशासनाशी करार केला आहे. मात्र इतर संघटनांना...
Read More
post-image
News मुंबई

‘# मोदी परत जा!’ आता मराठीतून हॅश टॅग सुरू! महाराष्ट्रातूनही विरोध

मुंबई -राज्यात निवडणूक प्रचारांची रणधुमाळी सुरू असताना मात्र पंतप्रधान नरेंद्र मोदी यांच्या महाराष्ट्र दौर्‍याला अनेकांकडून विरोध होताना दिसत आहे. काल रविवारी सकाळपासून ट्विटरवर ‘#...
Read More
post-image
News देश

सोशल मीडियावरील अकाउंटना आधार लिंक करणे गरजेचे नाही

नवी दिल्ली- बॅँकेपासून ते मॅट्रिमोनियल साईट्सपयर्र्ंत सर्वत्र आधार कार्ड अत्यावश्यक करण्यात आले आहे. त्याप्रमाणे सोशल मीडिया अकाउंटनाही आधार लिंक करावे या मागणीसाठी दाखल झालेली...
Read More
post-image
News महाराष्ट्र

शाळेच्या परीक्षेची वेळ बदलून उस्मानाबादेत उद्धव ठाकरेंची सभा

उस्मानाबाद – शिवसेना पक्षप्रमुख उद्धव ठाकरे यांच्या उस्मानाबादमधील प्रचारसभेसाठी शाळेच्या परीक्षेची वेळ बदलल्याची धक्‍कादायक माहिती समोर आली आहे. एखाद्या राजकीय नेत्याच्या सभेसाठी विद्यार्थ्यांना वेठीस धरण्याचाच...
Read More