#INDvsWI भारत मालिका विजयासाठी सज्ज – eNavakal
आघाडीच्या बातम्या क्रीडा

#INDvsWI भारत मालिका विजयासाठी सज्ज

हैदराबाद – राजकोट येथे झालेल्या पहिल्या कसोटी सामन्यात टीम इंडियाने पाहुण्यांचा एक डाव 272 धावांनी धुव्वा उडवून भारतीय कसोटी सामन्यांच्या इतिहासात सर्वात मोठ्या विजयाची नोंद केली होती. आता दुसर्‍या कसोटीतदेखील त्याचीच पुनरावृत्ती टीम इंडिया करेल. यात शंका नाही.
दुबळा वेस्टइंडिज संघ भारताला कितपत झुंज देतो एवढीच उत्सुकता या सामन्याबाबत आहे. एरवी कागदावर तरी फलंदाजी आणि गोलंदाजी या खेळाच्या दोन्ही प्रमुख अंगात टीम इंडियाचेच पारडे भक्कम आहे. पहिल्या कसोटीत खेळलेला विजयी संघच बहुदा उद्याच्या सामन्यासाठी कायम राहण्याची शक्यता आहे. कदाचित मुंबईचा वेगवान गोलंदाज शार्दुल ठाकूरला संधी मिळण्याची शक्यता व्यक्त केली जात आहे. उमेश यादवऐवजी शार्दुलला खेळविण्याचा विचार संघव्यवस्थापन करत आहे.

आगामी ऑस्ट्रेलिया मालिका ध्यानात घेऊन सलामीत कोण खेळणार? याचा अंतिम फैसला उद्या सामना सुरू होण्यापूर्वी केला जाईल. मुंबईकर पृथ्वी शॉने आपल्या पहिल्याच कसोटीत खेळताना दमदार शतक ठोकले होते. तर त्याचा सहकारी राहुल मात्र भोपळा न फोडताच तंबूत परतला होता. त्याला खेळविण्यात संघव्यवस्थापनाला कितपत रस आहे. याचाही निकाल सामना सुरू होण्यापूर्वी लागेल. दुसर्‍या कसोटीत पृथ्वी शॉ काय चमक दाखवितो. याकडेदेखील सगळ्यांचे लक्ष असेल. उपकर्णधार अजिंक्य रहाणेच्या फॉर्माबाबत संघव्यवस्थापनाला चिंता लागून राहिली आहे. कारण गेल्या 14 महिन्यात अजिंक्यला कसोटी शतकाने हुलकावणी दिली आहे. त्याला या कसोटीत मोठी धावसंख्या करावी लागेल.

विंडिज कर्णधार होल्डर अद्यापही पूर्णपणे तंदुरूस्त नाही. तसेच त्यांचा वेगवान गोलंदाज गॅब्रियलदेखील पूर्णपणे अद्याप फिट नसल्याचे समजते. त्यामुळे विंडिज गोटात काहिसे चिंतेचेच वातावरण आहे. वेगवान गोलंदाज रोशन भारतात परतला असून आता या सामन्यात खेळणार आहे. पहिल्या कसोटीत पॉवेल आणि चेजने संयमी फलंदाजी करून विंडिजचा थोडाफार डाव सावरण्याचा प्रयत्न केला होता. विंडिज फलंदाजांनी संयमाने फलंदाजी करणे गरजेचे आहे. तसे झाल्यास ते भारतीय गोलंदाजांचा थोडाफार मुकाबला करू शकतील.

Sharing is caring!

You may also like

Read More

post-image
News महाराष्ट्र

वसईत बीएसएनएलची इंटरनेट सेवा ठप्प

वसई – बीएसएनएलच्या इंटरनेटचे सर्व्हर वारंवार डाऊन होत असल्यामुळे वसईतील दस्त नोंदणी रखडत चालली असून त्याचा फटका मात्र दररोज नोंदणी कार्यालये व त्याच्या लाखो...
Read More
post-image
News मुंबई

पालिकेचा केंद्र शासनाच्या ‘डिजिटल इंडिया’ पुरस्काराने सन्मान

मुंबई – पालिकेद्वारे नागरिकांना देण्यात येणार्‍या विविध सेवा सुविधा नागरिकांना ऑनलाईन पद्धतीने सहजपणे उपलब्ध व्हाव्यात, विविध परवानग्या, दाखले, अनुज्ञप्ती पत्रे यासारख्या सेवा सुविधा माहिती...
Read More
post-image
News महाराष्ट्र

पालिकेच्या रुग्णालयातील एक्स-रे मशीन कोमात

वसई- वसई-विरार महापालिकेच्या नालासोपार्‍यातील रुग्णालयाची एक्स-रे मशीन महिनाभरापासून नादुरुस्त असून आरोग्य विभागाच्या हलगर्जीपणामुळे गोरगरीब रुग्णांना हजारो रुपयांचा भुर्दंड हकनाक सोसावा लागत आहे. नालासोपारा पुर्वेकडील...
Read More
post-image
News विदेश

‘जैश’चे मुख्यालय पाकिस्तानने घेतले ताब्यात

इस्लामाबाद – भारताच्या कारवाईच्या भीतीने पाकिस्तानने जैश-ए-मोहम्मदचे मुख्यालय ताब्यात घेतले आहे. मौलाना मसूद अजहरच्या जैश-ए-मोहम्मदचे मुख्यालय बहावलपूरमध्ये आहे. पंजाब सरकारने हे मुख्यालय ताब्यात घेतल्याची...
Read More
post-image
News महाराष्ट्र

प्रकृती बिघडल्याने संभाजी भिडे रुग्णालयात

महाड- शिवप्रतिष्ठान संस्थेचे संस्थापक संभाजी भिडे यांना रक्तदाब कमी झाल्याचा त्रास झाल्याने महाड येथील ग्रामीण रूग्णालयात उपचारांसाठी दाखल करण्यात आले आहे. आज सायंकाळच्या सुमारास...
Read More