#INDvsNZ न्यूझीलंडचा भारतावर ८० धावांनी विजय – eNavakal
आघाडीच्या बातम्या क्रीडा देश

#INDvsNZ न्यूझीलंडचा भारतावर ८० धावांनी विजय

वेलिंग्टन – वनडे मालिकेपाठोपाठ आता आजपासून सुरू झाली आहे. असलेल्या 3 सामन्यांच्या टी-20 मालिकेत देखील पाहुणा भारतीय क्रिकेट संघ विजय मिळवण्यास उत्सुक आहे. मात्र आज पहिल्याच सामन्यात न्यूझीलंडने भारतावर ८० धावांनी विजय मिळवला आहे.

वनडे मालिकेत 4-1 असा आजवरचा सर्वात मोठा विजय भारतीय संघाने मिळवला होता. आता त्याचीच पुनरावृत्ती करण्यास भारतीय संघ सज्ज झाला आहे. आजच्या सामन्यात भारताने नाणेफेक जिंकून क्षेत्ररक्षणाचा निर्णय घेतला. न्यूझीलंडचे फलंदाज सी मुन्रो (३४), सिफर्ट (८४)कर्णधार विल्यम्सन (३४), मिचेल (८), टेलर (23), कॉलिन दि ग्रँडहॉम (३) बाद झाले. भारतासमोर न्यूझीलंडने २१९ धावांचे लक्ष्य ठेवले आहे. जिंकण्यासाठी भारताला २२० धावा कराव्या लागणार आहेत. फलंदाजीच्या सुरुवातीलाच रोहित शर्मा(१) बाद झाला तर त्याच्या पाठोपाठ धवन (२९), वी शंकर (27), पंत (४), कार्तिक (५) आणि पांड्या (४) बाद झाला.

युवा यष्टीरक्षक रिषभ पंत, कृणाल पांड्या आणि वेगवान गोलंदाज सिद्धार्थ कौरा यांचा टी-20 मालिकेसाठी खास समावेश भारतीय संघात करण्यात आला आहे. पंतच्या समावेशामुळे भारताची फलंदाजीची ताकद आणखी वाढली आहे. त्याची फटकेबाजी भारतीय संघाला एक हातीदेखील विजय मिळवून देऊ शकते. सलग 11 वी टी-20 मालिका जिंकून भारतीय संघाला पाकिस्तानच्या विक्रमाची बरोबरी करण्याची संधी आहे. पाकिस्तानने सलग 10 वेळा टी-20 मालिका जिंकून नवा विक्रम केला होता. आता रोहित शर्माचा भारतीय संघ त्या विक्रमाची बरोबरी करेल, असा विश्वास तमाम भारतीय क्रिकेटप्रेमींना आहे.

जुलै 2017 मध्ये वेस्ट इंडिजकडून भारतीय संघ टी-20 मालिकेत शेवटी पराभूत झाला होता. त्यानंतर मात्र झालेल्या 9 मालिकांमध्ये भारतीय संघाने शानदार विजय मिळवला आहे. कागदावर तरी भारतीय संघाचे पारडे जड आहे. विराटच्या गैरहजेरीत युवा फलंदाज शुभम गिलला पुन्हा एकदा तिसर्‍या क्रमांकावर संधी मिळण्याची शक्यता आहे. तसेच दिनेश कार्तिकला देखील आगामी विश्वचषक स्पर्धेच्या दृष्टीने चांगली फलंदाजी करून भारतीय संघातील स्थान निश्चित करता येईल. कर्णधार रोहित, शिखर धवन, धोनी, कार्तिक, केदार जाधव, हार्दिक पांड्या यांच्यावर भारताची फलंदाजीची मदार राहिल. तर भुवनेश्वर कुमार चहल, कौल, पांड्या बंधू यांच्यावर भारताची गोलंदाजीची धुरा राहणार आहे. पाठीला झालेल्या दुखापतीमुळे न्यूझीलंडचा अनुभवी फलंदाज मार्टिन गुप्टिल या टी-20 मालिकेला मुकणार आहे. त्याचा मोठा फटका न्यूझीलंड संघाला बसू शकतो.

टी-20 सामन्यात रोहित शर्माला विराट कोहलीचा 12 सामने जिंकण्याचा विक्रम मोडित काढण्याची संधी मिळाली आहे. रोहितने 11 सामने आतापर्यंत जिंकले आहेत. न्यूझीलंडविरुद्ध त्याने आतापर्यंत 2 वेळा टी-20 सामन्यात नेतृत्व केले. त्यात 1 सामना भारताने गमावला आणि 1 सामना भारताने जिंकला. कृणाल आणि हार्दिक पांड्या बंधू या सामन्यात खेळले तर आंतरराष्ट्रीय सामन्यात भारतातर्फे खेळणारी ते तिसरे बंधू ठरतील. या अगोदर अमरनाथ बंधू आणि पठाण बंधू भारतातर्फे एकाच सामन्यात खेळले होते.

Sharing is caring!

You may also like

Read More

post-image
News मुंबई

दहीहंडी निमित्त आज शाळांना सुट्टी जाहीर

मुंबई- दहीहंडी उत्सव असल्याने उद्या शनिवारी मुंबई, ठाणे आणि नवी मुंबईतील शाळांना सुट्टी जाहीर करण्यात आली आहे. विद्यार्थ्यांची कोणतीही गैरसोय होऊ नये म्हणून उद्या...
Read More
post-image
News देश

राहुल गांधी आज काश्मिरला जाणार

नवी दिल्ली- कॉँग्रेसचे माजी अध्यक्ष राहुल गांधी हे विरोधी पक्षाच्या 9 नेत्यांसोबत आज  काश्मिरच्या दौर्‍यावर जाणार आहेत. जम्मू-काश्मिरमधील कलम 370 रद्द केल्यानंतर राहुल गांधी यांचा...
Read More
post-image
News मुंबई

विमानतळ धावपट्टीवर अनधिकृत प्रवेश करणार्‍या तरुणाला अटक

मुंबई – विमानतळाच्या धावपट्टीवर अनधिकृत प्रवेश केल्याप्रकरणी एका 24 वर्षांच्या तरुणाला काल विमानतळ पोलिसांनी अटक केली. कामरान अब्दुल हलीम शेख असे या आरोपी तरुणाचे...
Read More
post-image
News मुंबई

मध्य, हार्बर आणि पश्चिम मार्गावर रविवार 25 ऑगस्टला मेगाब्लॉक

मुंबई- मध्य, हार्बर आणि पश्चिम मार्गावर सिग्नल यंत्रणेच्या कामासाठी रविवार 25 ऑगस्ट रोजी मेगा ब्लॉक घेण्यात येणार आहे. कल्याण-ठाणे अप जलद मार्गावर सकाळी 11.20...
Read More
post-image
News महाराष्ट्र

आम आदमी पार्टी महाराष्ट्रात विधानसभा निवडणूक लढवणार

मुंबई – राज्यात आगामी विधानसभा निवडणूकांसाठी सर्वच पक्ष तयारीला लागले असताना आता ‘आम आदमी पक्षाने’ महाराष्ट्रात विधानसभा निवडणुक लढविण्याची घोषणा केली आहे. ‘आप’चे राष्ट्रीय...
Read More