#INDvENG शेवटच्या सत्रात टीम इंडियाचे जोरदार ‘कमबॅक’ – eNavakal
आघाडीच्या बातम्या क्रीडा विदेश

#INDvENG शेवटच्या सत्रात टीम इंडियाचे जोरदार ‘कमबॅक’

एजबस्टन, लंडन – कालपासून सुरू झालेल्या भारत-इंग्लंड यांच्यातील पहिल्या कसोटी सामन्यात टीम इंडियाने शेवटच्या सत्रात इंग्लंडचे 6 बळी घेऊन या सामन्यात जोरदार ‘कमबॅक’ केले. चहापानानंतर 4 बाद 216 धावा अशा सुस्थितीत असलेल्या इंग्लंड संघाची नंतर मात्र घसरगुंडी उडाली. 69 धावांत त्यांचे 5 फलंदाज तंबुत परतले. पहिल्या दिवस अखेर इंग्लंडने 88 षटकांत 9 बाद 285 धावांची मजल मारली.

भारताचा बुजुर्ग फिरकी गोलंदाज अश्विनने 4 बळी घेऊन इंग्लंड धावसंख्येला व्यसण घातले. तर वेगवान गोलंदाज मोहम्मद शमीने 2 आणि उमेश यादव, ईशांत शर्माने प्रत्येकी 1 बळी घेऊन अश्विनला चांगली साथ दिली. इंग्लंड संघाचा हा 1 हजारावा ऐतिहासिक कसोटी सामना होता. या सामन्यात इंग्लंड संघाचा कर्णधार रुटने नाणेफेक जिंकून प्रथम फलंदाजी करण्याचा निर्णय घेतला. त्यांची सुरुवात मात्र खराब झाली. सलामीवीर कुक 13 धावांवर अश्विनचा बळी ठरला. त्यानंतर जेनिंग 42, रुट 80 आणि बेअरस्टो 70 धावा यांच्या दमदार खेळीमुळे इंग्लंडला 250 धावांचा टप्पा गाठता आला. कर्णधार रुटने आपल्या कारकीर्दितील 6 हजार धावांचा टप्पा ओलांडला. इंग्लंडतर्फे 6 हजार धावा सर्वात वेगात पूर्ण करणारा तो तिसरा फलंदाज ठरला. नुकत्याच झालेल्या वनडे मालिकेतील शेवटच्या दोन सामन्यात रुटने शतके काढली होती. येथे मात्र त्याचे शतक 20 धावांनी हुकले.

विराटच्या थेट फेकीने रुट धावचित झाला. तब्बल 11 व्यांदा रुटला अर्धशतकाचे रुपांतर शतकामध्ये करता आले नाही. त्याने बेअरस्टोसोबत 4 थ्या विकेटसाठी शतकी भागीदारी करून इंग्लंडचा डाव सावरला. दिवसअखेर अ‍ॅन्डरसन 0 आणि कुरेन 24 धावांवर खेळत आहेत. भारताने या सामन्यात पुजाराला विश्रांती देऊन राहुलला संधी दिली. तसेच युवा फिरकी गोलंदाज कुलदीप यादवला संधी न देता 4 वेगवान गोलंदाज खेळवण्याचा निर्णय भारतीय संघ व्यवस्थापनाने घेतला.

Sharing is caring!

You may also like

Read More

post-image
News देश

छत्तीसगड विधानसभा निवडणुकीसाठी काँग्रेसकडून उमेदवारांची पहिली यादी जाहीर

रायपूर – नोव्हेंबर महिन्यात छत्तीसगडमध्ये विधानसभा निवडणूक पार पडणार असून दोन टप्प्यात ही निवडणूक होणार आहे. काँग्रेसने उमेदवारांची पहिली यादी आज जाहीर केली. यात...
Read More
post-image
News मुंबई

म्हाडातील मुख्य अधिकार्‍यांना नवीन गाड्या मिळण्याची शक्यता

मुंबई- म्हाडातील नवनिर्वाचित अध्यक्ष व सभापती यांना इनोव्हा गाड्या देण्यात आल्या आहेत. याच धर्तीवर म्हाडातील मुख्य अधिकारी यांना कार्यालयीन कामकाजासाठी नवीन गाड्या दिल्या जाणार...
Read More
post-image
News महाराष्ट्र

मुंब्रा मदरसातून अपहरण झालेला तरुण सापडला

ठाणे- 14 ऑक्टोबर रोजी संध्याकाळी 7 वाजण्याच्या नुरुल उलूम मदरसा येथून दोन अज्ञात इसमांनी अपहरण केलेला 18 वर्षीय तरुण हसन अहमद हा आज दुपारी कल्याण...
Read More
post-image
News देश

राजकीय पक्षांनी महिलांसाठी तक्रार समिती स्थापन करावी – मनेका गांधी

नवी दिल्ली -देशात चालत असलेल्या मीटू कँपेनच्या पार्श्वभूमीवर महिला व बालविकास मंत्री मनेका गांधींनी देशातील सर्व राजकीय पक्षांना महत्त्वाचे आवाहन केले. राजकीय पक्षांनी महिलांसाठी...
Read More
post-image
News देश

श्रीलंकेचे पंतप्रधान दिल्लीमध्ये दाखल! नरेंद्र मोदींची शनिवारी भेट घेणार

नवी दिल्ली -श्रीलंकेचे पंतप्रधान राणील विक्रमसिंघे आजपासून तीन दिवसांच्या भारत दौर्‍यावर आले आहेत. आज संध्याकाळी ते राजधानी दिल्लीमध्ये पोहचले. माध्यमांमध्ये आलेल्या वादग्रस्त विधानादरम्यान विक्रमसिंघे...
Read More