इटानगर – अरुणाचल प्रदेशाच्या लोंडिंग जिल्ह्यातील निगीनू गावात आसाम रायफल्स- अरुणाचल प्रदेश पोलीसचे संयुक्त पथक आणि एनएससीएन संघटनेच्या नागा बंडखोरांमध्ये झालेल्या चकमकीत सहा बंडखोर ठार झाल्याची घटना आज सकाळी घेतली. तर या चकमकीत आसाम रायफल्सचा एक जवान जखमी झाला.
या संयुक्त पथकाला निगीनू गावात बंडखोर आढळून आल्याची माहिती मिळाली. त्यानंतर हे पथक कारवाईसाठी निगीनू गावात पोहोचले. त्यादरम्यान बंडखोर आणि पथकाच्या जवानांमध्ये जोरदार गोळीबार झाला. त्यात सहा बंडखोर ठार झाले आणि शस्त्रेही जप्त करण्यात आली. चकमकीनंतर जखमी जवानाला लष्करी रुग्णालयात दाखल करण्यात आले असून ‘नॅशनल सोशलिस्ट कौन्सिल ऑफ नागालँड’ या माओवादी संघटनेचे सर्वजण सदस्य होते.
