#CWC19 आज ऑस्ट्रेलिया-पाकिस्तान आमने सामने – eNavakal
आघाडीच्या बातम्या क्रीडा

#CWC19 आज ऑस्ट्रेलिया-पाकिस्तान आमने सामने

लंडन – विश्वचषक क्रिकेट स्पर्धेत आज दोन माजी विश्वविजेते पुन्हा एकदा आमने सामने येत आहेत. गतविजेते ऑस्ट्रेलिया आणि पाकिस्तान यांच्यात आज जोरदार मुकाबला रंगणार आहे. दोन्ही संघ कागदावर बलवान असल्यामुळे ही लढत अटीतटीची होईल अशीच दोन्ही देशांच्या क्रिकेटप्रेमींची अपेक्षा आहे. सलामीच्या लढतीत ऑस्ट्रेलियाने अफगाणिस्तानला नमविले होते.

दुसर्‍या लढतीत त्यानी विंडीजला पराभूत केले होते. तिसर्‍या सामन्यात मात्र भारतीय संघाकडून त्यांना पराभव पत्करावा लागला. सलामीच्या सामन्यात पाकिस्तानला मात्र विंडीजकडून दारुण पराभवाला सामोरे जावे लागले होते पण पुढच्याच लढतीत त्यानी यजमान इंग्लंडला पराभूत करून स्पर्धेत मोठी खळबळ माजविली होती. तिसरा सामना त्यांचा पावसामुळे होऊ शकला नव्हता. त्यामुळे श्रीलंकेविरुद्धच्या या लढतीत त्यांना एका गुणावर समाधान मानावे लागले होते. भारताविरुद्ध पराभव विसरून आता नव्या जोमाने आम्ही आजच्या लढतीत खेळू, असे ऑस्ट्रेलियन कर्णधार फिंचने सांगितले. पाकिस्तानला आम्ही कमी लेखत नाहीत. कुठल्याही क्षणी हा संघ सामन्यात कम बॅक करू शकतो. असेही फिंच म्हणाला.
या सामन्यात कर्णधार फिंच, वॉर्नर, माजी कर्णधार स्मिथ यांच्यावर त्यांची फलंदाजीची मोठी मदार असेल, तर कमीन्स, झंपा, स्टार्क, रिचर्डसन यांच्यावर गोलंदाजीची मदार असेल. भारताविरुद्ध त्यांच्या गोलंदाजांनी खराब कामगिरी केल्यामुळे भारताला मोठी धावसंख्या काढता आली होती. आता आजच्या लढतीत त्यांच्या गोलंदाजांना आपल्या कामगिरीत चांगलीच सुधारणा करावी लागणार आहे. तरच ते या सामन्यात विजयाची आशा धरू शकतात. तसेच कर्णधार फिंच, मॅक्सवेल यांनादेखील फलंदाजीत मोठी धावसंख्या काढावी लागणार आहे.

पाकिस्तान आपला स्पर्धेतील दुसरा विजय मिळविण्यासाठी जोरदार प्रयत्न करेल. सलामीवीर हक, झमान, बाबर आझम, हाफिज, मलिक यांच्यावर त्यांची फलंदाजीची दारोमदार असेल. तर गोलंदाजीत आफ्रिदी, मोहम्मद, रियाझ, सोहेल यांच्यावर त्यांना अवलंबून राहावे लागणार आहे. ऑस्ट्रेलियाला आम्ही चांगली झुंज देऊन सामना जिंकण्यासाठी जोरदार प्रयत्न करू, असे कर्णधार सर्फराज अहमदने सागितले. इंग्लंडला नमविल्यामुळे आमच्या संघाचा आत्मविश्वास उंचावला आहे. सर्वच खेळाडू चांगली कामगिरी करण्यासाठी कटिबद्ध असल्याचेही सर्फराज म्हणाला. या खेळपट्टीवर मोठी धावसंख्या होण्याची शक्यता आहे. खेळपट्टी सुरुवातीला गोलंदाजांना आणि नंतर फलंदाजांना साथ देईल. सामन्यातील दोन्ही संघ सामन्यापूर्वी जाहीर करण्यात येतील. दोन्ही संघांसाठी ही महत्त्वपूर्ण लढत आहे. विश्वचषक स्पर्धेत झालेल्या उभय संघातील लढतीत नेहमीच रंगतदार झाल्या आहेत. आजची लढतदेखील रंगतदार होईल, अशी आशा दोन्ही देशांचे क्रिकेटप्रेमी करत असतील. नाणेफेक जिंकणार्‍या संघाला फायदा होईल. प्रथम फलंदाजी करणारा संघ चांगली धावसंख्या काढू शकेल, असे खेळपट्टी तयार करणार्‍या क्युरेटरने सांगितले. दोन्ही संघातील खेळाडूंची अंतिम निवड सामन्यापूर्वीच होण्याची शक्यता आहे. दोन्ही संघातील प्रमुख खेळाडू पूर्णपणे तंदुरुस्त असल्याचे संघव्यवस्थापनातर्फे सांगण्यात आले. ऑस्ट्रेलिया संघ स्पर्धेतील तिसरा विजय मिळवून उपांत्य फेरीत प्रवेश करण्याच्या दृष्टीने जोरदार प्रयत्न करेल.

दुखापतग्रस्त स्टॉयनीस पाकच्या लढतीला मूकणार

आज होणार्‍या पाकिस्तानविरुद्धच्या लढतीत ऑस्ट्रेलियाचा अष्टपैलू खेळाडू मार्कस् स्टॉयनीस हाताला झालेल्या दुखापतीमुळे सामन्याला मूकणार आहे. भारताविरुद्धच्या सामन्यात धोनीचा झेल घेताना त्याच्या हाताला दुखापत झाली होती. ती दुखापत आता चिघळली असल्यामुळे आजच्या लढतीत तो खेळू शकणार नाही. ऑस्ट्रेलियाने त्याच्या जागी अष्टपैलू मिचेल मार्शला तातडीने पाचारण केले आहे.

Sharing is caring!

You may also like

Read More

post-image
आघाडीच्या बातम्या महाराष्ट्र राजकीय

अमित शहा मुंबईत दाखल; गोरेगावमध्ये सभेचे आयोजन

मुंबई – महाराष्ट्र विधानसभा निवडणुकीच्या तारखा अखेर जाहीर झाल्या आहेत. त्यासोबतच आचारसंहिताही लागू करण्यात आली आहे. त्यानंतर भारतीय जनता पक्षाचे राष्ट्रीय अध्यक्ष व केंद्रीय...
Read More
post-image
आघाडीच्या बातम्या मनोरंजन

‘तुमच्याकडे काही काम नसेल तर मीम्स बनवा’, सोनाक्षीचे ट्रोलर्सना उत्तर

मुंबई – कौन बनेगा करोडपती -11 मध्ये अभिनेत्री सोनाक्षी सिन्हाच्या रामायण या पौराणिक कथेतील प्रश्‍नावरील उत्तराने सोशल मीडियावर प्रचंड ट्रोल व्हावे लागत आहे. सोनाक्षी...
Read More
post-image
लेख

व्हिएतनाम युद्धाविरोधात उभी राहिलेली अमेरिकेची आघाडीची अभिनेत्री जेन फोंडा

साठ-सत्तरच्या दशकातील अमेरिकेची आघाडीची, सुप्रसिद्ध, नामवंत अभिनेत्री जेन फोंडा एका वेगळ्याच कारणासाठी सगळ्या जगभर ओळखली जाते आणि अमेरिकेतील लाखो लोकांकडून तिच्यावर आजही प्रखर टीका...
Read More
post-image
देश

एव्हरेस्ट सर करणाऱ्या पहिल्या महिलेला गुगलची मानवंदना

नवी दिल्ली – जगप्रसिद्ध गिर्यारोहक आणि माउंट एव्हरेस्ट सर करणाऱ्या पहिल्या महिला जुन्को ताबेई यांचा आज 80 वा स्मृतिदिन आहे. यानिमित्ताने गुगलने खास डूडल...
Read More
post-image
देश

भारत २०२१ पर्यंत पहिल्या भारतीयाला स्वतःच्या रॉकेटमधून अंतराळात पाठवणार

नवी दिल्ली – आज ‘लँडर विक्रम’च्या अवतार कार्याचा शेवटचा दिवस होता. मात्र लँडर विक्रमशी संपर्क होऊ शकला नाही. उरली सुरली आशा संपल्यावर इस्त्रो’चे प्रमुख डॉ....
Read More