मॅटवर मातीचा विजय; ‘बाला रफिक शेख’ झाला महाराष्ट्र केसरी – eNavakal
आघाडीच्या बातम्या क्रीडा

मॅटवर मातीचा विजय; ‘बाला रफिक शेख’ झाला महाराष्ट्र केसरी

जालना – जालना येथील आझाद मैदानावर संपन्न झालेल्या प्रतिष्ठेच्या महाराष्ट्र केसरी कुस्ती स्पर्धेत बुलढाण्याच्या बाला रफिक शेखने गतविजेत्या पुण्याच्या अभिजीत कटकेला पराभूत करून मानाचा महाराष्ट्र केसरी किताब पटकावला. हा किताब पटकावणारा बाला विदर्भातील पहिला पहिलवान ठरला आहे.

विशेष म्हणजे या स्पर्धेत कुस्ती विभागात अव्वल क्रमांक पटकावून बालाने किताबाच्या लढतीत प्रवेश केला होता. तर मॅट विभागात कटकेने बाजी मारून किताबाच्या लढतीची अंतिम फेरी गाठली. या अंतिम सामन्यापूर्वी कटकेचेच पारडे जड होते. तोच यंदादेखील दुसर्‍यांदा किताब जिंकणार अशीच चर्चा कुस्ती वर्तुळातदेखील होती. पण किताबाच्या अंतिम लढतीत बालाने कटकेला 11-3 गुणांनी सहज नमवून या स्पर्धेत मोठ्याच धक्कादायक निकालाची नोंद केली. त्यामुळे सलग दुसर्‍या वर्षी ही स्पर्धा जिंकण्याचे कटकेचे स्वप्न भंग पावले. निर्णायक लढतीत सुरुवातीला कटकेने आक्रमक खेळ करून सामन्यातून पहिला गुणदेखील वसूल केला. पण त्यानंतर बालाने स्वत:ला सावरले आणि आक्रमक खेळ करून कटकेवर डाव उलटवला. त्याने पहिल्याच मिनिटाला 2 महत्त्वाचे गुण वसूल केले.

मग त्यानंतर त्याने गुणांची आघाडी वाढवून आपले जेतेपद निश्‍चित केले विश्रांतीला बालाने 3-1 गुणांची आघाडी घेतली होती. विश्रांतीनंतर त्यात आणखी 8 गुणांची भर टाकून बालाने अभिजीतला कुस्तीत कमबॅक करू दिले नाही. खास करून बालाने एकेरी पट काढून जास्तीत जास्त गुण वसूल केले. अंतिम फेरीची लढत रंगतदार न झाल्यामुळे मैदानात गर्दी करणार्‍या हजारो कुस्तीप्रेमींची मात्र काहीशी निराशाच झाली. विजेत्या बालाला 2 लाख रुपये आणि चांदीची गदा विधानपरिषदेचे विरोधीपक्षनेते धनंजय मुंडे आणि स्पर्धेचे प्रमुख संयोजक ना. अर्जुन खोतकर यांच्याहस्ते देण्यात आले.
बालाने आपला विजय स्व. गणपतराव आंदळकर यांना समर्पित केला. कारण सुरुवातीला बालाला घडविण्यात आंदळकर यांचा मोठा वाटा होता. बालाच्या या जबरदस्त कामगिरीमुळे त्याचे कुटुंब कमालीचे खूश झाले. त्यांच्या आनंदाला पारावारच उरला नाही. पुण्याच्या ज्या हनुमान आखाड्यात बाला सराव करतो तेथे दिवाळी साजरी करण्यात आली. आता बालाचे लक्ष मानाच्या हिंद केसरी किताबाकडे आहे. अत्यंत खडतर परिस्थितीवर मात करून बालाने मिळविलेले हे यश निश्‍चितच कौतुकास्पद आहे. कुस्तीचा वसा त्याने आपल्या वडिलांकडून घेतला होता.

Sharing is caring!

You may also like

Read More

post-image
महाराष्ट्र

जीवनविद्या मिशनतर्फे वर्सोवा चौपाटीवर स्वच्छता अभियानाचे आयोजन

मुंबई – आज बृहन्मुंबई महानगरपालिकेच्या सहकार्याने जीवनविद्या मिशनतर्फे वर्सोवा चौपाटीवर स्वच्छता अभियानाचे आयोजन करण्यात आले आहे. आज सकाळी आठ ते दुपारी १२ या वेळेत...
Read More
post-image
महाराष्ट्र

वसई-विरारमध्ये मुसळधार; अनेक रस्ते पाण्याखाली

मुंबई – मुंबई उपनगरासह परिसरात रात्रीपासून पावसाने दमदार हजेरी लावली आहे. या पावसामुळे अनेक ठिकाणी पाणी साचण्यास सुरुवात झाली आहे. तर काही ठिकाणी वाहतूककोंडी होण्यासही...
Read More
post-image
मुंबई

आरेतील स्थानिक आदिवासी समाजातर्फे वृक्षपूजनाच्या कार्यक्रमाचे आयोजन

मुंबई – मेट्रो कारशेडसाठी आरेमधील वृक्षतोडीला मुंबईकरांकडून तीव्र विरोध होत आहे. सोशल मीडियावरून जनतेकडून प्रचंड रोष व्यक्त करण्यात येत आहे. आरेतील स्थानिक आदिवासी समाजातर्फे, मेट्रो...
Read More
post-image
महाराष्ट्र राजकीय

भाजपावासी झाल्यानंतर उदयनराजेंचे साताऱ्यात जंगी स्वागत

सातारा – राष्ट्रवादीचे खासदार उदयनराजे भोसले यांनी भाजपात प्रवेश केल्यानंतर ते साताऱ्यात परतल्यावर त्यांच्या समर्थकांकडून त्यांचे जंगी स्वागत करण्यात आले. भाजपावासी झालेल्या राजेंचे स्वागत...
Read More
post-image
आघाडीच्या बातम्या क्रीडा

आजपासून भारत विरुद्ध दक्षिण आफ्रिका टी-20 मालिकेला प्रारंभ

धर्मशाला – यजमान भारत विरुद्ध द. आफ्रिका संघातील तीन सामन्यांच्या टी-20 मालिकेला आज याठिकाणी पहिल्या सामन्याने प्रारंभ होणार आहे. पुढील वर्षी ऑस्ट्रेलियात टी-20 विश्वचषक स्पर्धा...
Read More