9 हजार रुपये चोरी प्रकरणी वारांगणेची हत्या; पळून गेलेल्या 22 वर्षीय आरोपीला अटक – eNavakal
गुन्हे मुंबई

9 हजार रुपये चोरी प्रकरणी वारांगणेची हत्या; पळून गेलेल्या 22 वर्षीय आरोपीला अटक

मुंबई- नऊ हजार रुपये चोरी केले म्हणून एका 30 वर्षीय वारांगणेची हत्या करुन पळून गेलेल्या अब्दुल हमीद अन्सारी या 22 वर्षीय आरोपीस कुठलाही पुरावा नसताना एमआरए मार्ग पोलिसांनी डोंगरी येथून अटक केली. त्याच्यावर अमीना अब्दुल गणी खान या वारागंणेची हत्या केल्याचा आरोप असून याच गुन्ह्यांत तो सध्या पोलीस कोठडीत आहे. चर्नीरोड येथील पिला हाऊस परिसरात अमीना खान ही वेश्याव्यवसाय करीत होती. रविवारी ती तिच्या मैत्रिणीसोबत सीएसटी रेल्वे स्थानकाबाहेर उभी होती. यावेळी तिथे एक तरुण आला आणि काही कळण्यापूर्वीच त्याने अमीनाची चाकूने वार करुन हत्या केली.

या हत्येनंतर तो एका टॅ3सीतून पळून गेला होता. या घटनेनंतर एमआरए मार्ग पोलिसांनी पळून गेलेल्या आरेापीविरुद्ध हत्येचा गुन्हा नोंदवून त्याचा शोध सुरु केला होता. कुठलाही पुरावा नसताना वरिष्ठ पोलीस निरीक्षक सुखलाल वर्पे यांनी तीन विशेष पथकाची नियुेी करुन आरोपीच्या अटकेसाठी शोध मोहीम सुरु केली होती. ही शोधमोहीम सुरु असतानाच वरिष्ठ पोलीस निरीक्षक सुखलाल वर्पे यांच्या पथकातील गुलाबराव मोरे, सुभाष दुधगांवकर, सुहास माने, रविंद्र पाटील, किरण पाटील, योगेश भोसले, पीरमोहम्मद शेख, विनोद कांबळे, विलास खाडये, कैलास भोईटे, यांनी डोंगरी परिसरातून अब्दुल हमीद अन्सारी या संशयित तरुणाला चौकशीसाठी ताब्यात घेतले होते. चौकशीत त्यानेच अमीनाची चाकूने भोसकून
हत्या केल्याचे उघडकीस आले होते. अब्दुल हा डोंगरीतील पाला गल्ली, गुडलक हॉटेलजवळील एका फ्रॉक बनविण्याच्या कारखान्यात टेलर म्हणून काम करीत होता. तो नेहमीच पिला हाऊस, पांडुरंग चाळीतील कुंटनखान्यात वेश्यागमनासाठी जात होता. तिथेच त्याची ओळख अमीनाशी झाली होती. तिच्यासोबत शारीरिक संबंध ठेवल्यानंतर अमीनाने त्याचे नऊ हजार रुपये चोरी केले होते. त्याने तिच्याकडे पैशांची मागणी केली, मात्र तिने पैसे देण्यास नकार दिला. त्याचा त्याच्या मनात राग होता. त्यामुळे त्याने फुटपाथवरील हॉकर्सकडून एक धारदार चाकू खरेदी केला होता. 4 मार्चला रात्री साडेदहा वाजता तो अमीनाच्या पाठलाग करीत छत्रपती शिवाजी टर्मिनस रेल्वे स्थानकाजवळ आला. त्यानंतर त्याने काही कळण्यापूर्वीच तिची चाकूने भोसकून हत्या केली.

Sharing is caring!

You may also like

Read More

post-image
महाराष्ट्र

धनगर समाजाला आरक्षण मिळेपर्यंत मेगाभरती रद्द करण्याची मागणी

पुणे – जोपर्यंत धनगर समाजाला अनुसुचित जमातीचे (एसटीचे) आरक्षण मिळत नाही, तोपर्यंत राज्य सरकारने ‘मेगाभरती’ रद्द करावी. तसेच मध्यप्रदेश सरकारने ज्याप्रमाणे गोंड गोवारी समाजाला...
Read More
post-image
News मुंबई

खलिस्तान निर्मितीचा पुरस्कर्ता अटक

मुंबई,  – खलिस्तान निर्मितीचा पुरस्कर्ता असलेल्या एका 45 वर्षांच्या संशयित आरोपीस पुणे एटीएसने अटक केली आहे. त्याचा दहशतवादी कृत्यामध्ये सहभाग असल्याचे काही पुरावे एटीएसच्या...
Read More
post-image
महाराष्ट्र

चार मराठी चित्रपटांची महिनाभरात 50 ते 60 कोटींची कमाई

मुंबई – मराठी चित्रपटसृष्टीला यशाचे प्रभावी टॉनिक मिळाले आहे. …आणि डॉ. काशिनाथ घाणेकर, नाळ, मुळशी पॅटर्न आणि मुंबई-पुणे-मुंबई 3 या चारही चित्रपटांनी यशाचा चौकार मारला....
Read More
post-image
News मुंबई

पोलीस महासंचालक दत्ता पडसलगीकर यांना मुदतवाढ

मुंबई,- राज्याचे पोलीस महासंचालक दत्ता पडसलगीकर यांना सेवत देण्यात आलेल्या मुदतवाढीचे राज्य सरकारने आज समर्थन केले. त्यांना दिलेली मुदतवाढ ही राज्य आणि केंद्र सरकारने...
Read More
post-image
क्रीडा

बेलेच्या गोलामुळे माद्रिदचा विजय

माद्रिद – स्पॅनिश साखळी फुटबॉल स्पर्धेत बलाढ्य रियल माद्रिदने बेलेने नोंदवलेल्या एकमेव गोलांच्या जोरावर शानदार विजय मिळवला. माद्रिदने आपल्या साखळी लढतीत तळाला असलेल्या ह्यूसेका...
Read More