5 राज्यांतील निकालांनी भाजप सावध 19 तारखेला ‘वर्षा’वर आमदारांची बैठक – eNavakal
आघाडीच्या बातम्या राजकीय

5 राज्यांतील निकालांनी भाजप सावध 19 तारखेला ‘वर्षा’वर आमदारांची बैठक

मुंबई – मध्यप्रदेश, राजस्थान, छत्तीसगड, तेलंगणा आणि मिझोरम या पाच राज्यांत झालेल्या पराभवामुळे प्रदेश भाजपने सावध पवित्रा घेतला आहे. या वातावरणाचा फटका येत्या लोकसभा आणि विधानसभा निवडणुकीत बसू नये यासाठी मुख्यमंत्री देवेंद्र फडणवीस यांनी बुधवार 19 डिसेंबरला वर्षावर राज्यातील आमदारांची बैठक बोलाविली आहे. या बैठकीत राज्य सरकार आणि आमदारांच्याही कामगिरीवर चर्चा करण्यात येणार आहे.

मध्यप्रदेश, राजस्थान, छत्तीसगड या तीन महत्वाच्या राज्यात भाजपला सत्ता गमवावी लागली आहे. लोकसभा निवडणुकीच्या तोंडावर लागलेले हे निकाल म्हणजे भाजपला इशारा मानला जात आहे. राज्यात तर विधानसभेचीही निवडणूक होणार आहे. या निवडणुकीत फटका बसू नये म्हणून मुख्यमंत्री फडणवीस हे आतापासून सावध झाले आहेत. मुख्यमंत्र्यांनी यापूर्वी उत्तन येथील रामभाऊ म्हाळगी प्रबोधिनी आणि दादर येथील प्रदेश कार्यालयात आमदारांची बैठक घेतली होती. या बैठकीत आमदारांच्या कामगिरीचा आढावा घेतानाच त्यांच्या मतदारसंघातील सर्वेक्षणाचे अहवालही हाती सोपविण्यात आले होते. सुमारे 40 ते 45 आमदारांना कामगिरीत सुधारणा केली नाही तर तिकिटे कापण्याचाही इशाराही मुख्यमंत्र्यांनी दिला होता. मात्र 19 तारखेच्या बैठकीत आमदारांच्या कामगिरीबरोबरच राज्यातील जनमताचा कानोसाही मुख्यमंत्री घेतील, अशी चर्चा आहे. राज्य सरकारने घेतलेले निर्णय आणि पुढील दोन महिन्यात कोणते निर्णय घ्यायचे यावरही बैठकीत चर्चा होण्याची शक्यता आहे.

Sharing is caring!

You may also like

Read More

post-image
News देश

भारताच्या अभिजीत बॅनर्जींना अर्थशास्त्राचा नोबेल पुरस्कार

नवी दिल्ली – भारतीय शास्त्रज्ञ अभिजीत बॅनर्जी यांना यंदाचा अर्थशास्त्रातील नोबेल पुरस्कार जाहीर झाला आहे. गरिबी हटाव या योजनेसाठी प्रयत्न करणार्‍या अभिजीत बॅनर्जीं यांना...
Read More
post-image
News महाराष्ट्र

कांदा, टोमॅटोपाठोपाठ आता लिंबू महागले

कोल्हापूर – कांदा, लसूण आणि टोमॅटोपाठोपाठ आता लिंबूही महागला आहे. ऑक्टोबर हिट आणि निवडणूक प्रचाराचा काळ यामुळे लिंबाचा प्रतिनग दर पाच रुपये झाला आहे....
Read More
post-image
News आघाडीच्या बातम्या मुंबई

बेस्ट बोनसबाबत कोर्टात 22 ऑक्टोबरला पुढील सुनावणी

मुंबई – बेस्ट कर्मचार्‍यांमधील शिवसेनेची बेस्ट कामगार सेना आणि भाजपाची कामगार संघटना या दोन संघटनांनी वेतनवाढीबाबत बेस्ट प्रशासनाशी करार केला आहे. मात्र इतर संघटनांना...
Read More
post-image
News मुंबई

‘# मोदी परत जा!’ आता मराठीतून हॅश टॅग सुरू! महाराष्ट्रातूनही विरोध

मुंबई -राज्यात निवडणूक प्रचारांची रणधुमाळी सुरू असताना मात्र पंतप्रधान नरेंद्र मोदी यांच्या महाराष्ट्र दौर्‍याला अनेकांकडून विरोध होताना दिसत आहे. काल रविवारी सकाळपासून ट्विटरवर ‘#...
Read More
post-image
News देश

सोशल मीडियावरील अकाउंटना आधार लिंक करणे गरजेचे नाही

नवी दिल्ली- बॅँकेपासून ते मॅट्रिमोनियल साईट्सपयर्र्ंत सर्वत्र आधार कार्ड अत्यावश्यक करण्यात आले आहे. त्याप्रमाणे सोशल मीडिया अकाउंटनाही आधार लिंक करावे या मागणीसाठी दाखल झालेली...
Read More