हॉकर्स झोनची जुनीच यादी प्रसिध्द केल्याने स्थायी समितीत गदारोळ, यादी रद्द करण्याची मागणी – eNavakal
News मुंबई

हॉकर्स झोनची जुनीच यादी प्रसिध्द केल्याने स्थायी समितीत गदारोळ, यादी रद्द करण्याची मागणी

मुंबई – मुंबईत फेरीवाला व ना फेरीवाला क्षेत्रातील रस्त्यांची यादी तयार करून लोकांच्या हरकती व सूचनांसाठी ठेवण्यासाठी ठेवण्यात आली. मात्र, ही यादी लोकांच्या हरकती व सूचना नोंदवण्यासाठी ठेवताना महापौर, महापालिका सभागृह आणि स्थायी समित्यांच्या माध्यमातून नगरसेवकांसमोर आणण्याऐवजी परस्पर जाहीर करण्यात आली आहे. नागरी पथविक्रेता समित्यांची निवड न करता तसेच न्यायालयाच्या आदेशानुसार काही रस्ते वगळून हे क्षेत्र निश्चित करणे आवश्यक असताना परस्पर जुनीच यादी लोकांसमोर ठेवल्याने स्थायी समितीत आज नगरसेवकांनी गदारोळ घातला. ही यादी त्वरीत रद्द करण्याची मागणी नगरसेवकांनी केली.
महापौर, महापालिका सभागृह तसेच स्थायी समितीला डावलून फेरीवाला क्षेत्राबाबत बनवलेल्या रस्त्यांची यादी लोकांच्या हरकती व सुचनांसाठी प्रदर्शित करण्यात आली आहे. प्रसारमाध्यमांच्या माध्यमातून ही बाब नगरसेवकांना समजत असून प्रत्यक्षात नगरसेवकांना याची कोणतीही कल्पना देण्यात आलेली नाही. त्यामुळे एकप्रकारे संभ्रमाची स्थिती मुंबईत निर्माण झाल्याची बाब हरकतीच्या मुद्दाद्वारे भाजपाचे गटनेते मनोज कोटक यांनी केली आहे. त्यामुळे ही यादी त्वरीत रद्द करण्यात यावी, अशी मागणी त्यांनी केली. याला भाजपाचे प्रभाकर शिंदे यांनी पाठिंबा दिला. 2014 मध्ये केलेल्या सर्वेमधील पात्र फेरीवाले आणि या माध्यमातून देण्यात येणारे 85 हजार फेरीवाल्यांच्या जागा यामुळे ही मुंबई ज्वालामुखीच्या तोंडावर उभी असल्याचा आरोप त्यांनी केला.
मुंबई महापालिका न्यायालयाचे आदेश दाखवून मुंबईकरांना फसवत असल्याचा आरोप भाजपाचे मकरंद नार्वेकर यांनी केला. तर प्रशासन नगरसेवकांना काही महापौरांनाही विश्वासात घेत नसल्याचा आरोप राष्ट्रवादी काँग्रेसच्या गटनेत्या राखी जाधव यांनी केला. त्यामुळे हरकती व सूचनांसाठी जाहीर केलेली फेरीवाला क्षेत्रांची यादी रद्द करण्याची मागणी जाधव यांनी केली. मुळात जिथे दहा फुटापेक्षा मोठी पदपथ आहेत तिथेच फेरीवाला क्षेत्र बनवता येतात. परंतु घाटकोपरमध्ये एवढा मोठा पदपथच नाही. मग तिथे फेरीवाला क्षेत्र कसे बनवले? असा सवाल भाजपाचे पराग शाह यांनी केला. आठ दिवसांपूर्वी महापालिका सभागृहात आपण यावर हरकतीचा मुद्दा उपस्थित केला होता. त्यावर चार दिवसांमध्ये उत्तर देण्याचे आदेश महापौरांनी दिले होते. पण महापौरच हा विषय विसरले असल्यामुळे सत्ताधारी पक्ष याबाबत गंभीर नसल्याचा आरोप विरोधी पक्षनेते रवी राजा यांनी केला.

बैठकीला उपायुक्त अनुपस्थित राहिल्यामुळे सभा तहकूब
फेरीवाला विभागाची जबाबदारी ही उपायुक्त (विशेष) निधी चौधरी यांच्याकडे आहे. परंतु या विषयावर मोठी चर्चा रंगलेली असताना यावर त्यांनी उपस्थित राहून माहिती द्यावी, अशी मागणी सर्वच सदस्यांनी केली. लोकप्रतिनिधींना माहिती देण्यापूर्वी ट्विटरवरून आधीच जाहीर केली जाते, असे आरोप त्यांच्यावर करण्यात आले. परंतु वारंवार निरोप पाठवूनही काही कामामुळे बैठकीला उपस्थित राहण्यास निधी चौधरींना विलंब झाला. त्यामुळे प्रशासन जाणून बुजून असे वागत असून जर नगरसेवक आणि समित्यांचा अपमान होत असल्यामुळे स्थायी समितीची सभाच तहकूब करण्यात आली.

Sharing is caring!

You may also like

Read More

post-image
आघाडीच्या बातम्या मुंबई

अर्थसंकल्प सादर! अटल बिहारी वाजपेयींचे स्मारक मुंबईत उभारणार

मुंबई – आज पावसाळी अधिवेशनाच्या दुसऱ्या दिवशी मुख्यमंत्री देवेंद्र फडणवीस यांच्या नेतृत्वाखालील सरकारचा शेवटचा अतिरिक्‍त अर्थसंकल्प विधिमंडळात सादर करण्यात आला. विधानसभेत अर्थमंत्री सुधीर मुनगंटीवार,...
Read More
post-image
देश

अनिल अंबानीच्या कंपनीवर चिनी बँकांचे अब्जावधीचे कर्ज

मुंबई – उद्योगपती मुकेश अंबानी हे आशिया खंडातील सर्वात श्रीमंत व्यक्‍ती आहेत. तर त्यांचा धाकटा भाऊ उद्योगपती अनिल अंबानी हे भारतातील सर्वात कर्जबाजारी उद्योगपती...
Read More
post-image
देश

‘चमकी’चे १०० हून अधिक बळी! कशामुळे होतो हा आजार?

नवी दिल्ली – एक्यूट इंसेफेलाइटिस सिंड्रोम अर्थात चमकी तापामुळे बिहारमध्ये आतापर्यंत १०० हून अधिक मुलांचा मृत्यू झाला आहे. तर या तापाच्या रुग्णांची संख्याही झपाट्याने...
Read More
post-image
आघाडीच्या बातम्या मनोरंजन

बिग बॉस मराठी २ : आज रंगणार ‘शेरास सव्वा शेर’

मुंबई – बिग बॉस मराठीच्या घरामध्ये काल कॅप्टनसी कार्य वैशाली माडे, विद्याधर जोशी आणि अभिजीत केळकर या उमेदवारांमध्ये रंगले. ज्यात वैशाली माडे घराची नवी...
Read More
post-image
आघाडीच्या बातम्या देश

जेट एअरवेज अखेर दिवाळखोरीत

नवी दिल्ली – आर्थिक अडचणीत सापडलेल्या जेट एअरवेज कंपनी अखेर दिवाळखोरीत काढण्याचा निर्णय स्टेट बँकेने सोमवारी जाहीर केला. जेटमधील भांडवली हिस्सा विकत घेण्याबाबत एकाही...
Read More