हिजबुल मुजाहिद्दीन संघटनेशी संबंध नाही! गौतम नवलखांचा हायकोर्टात दावा – eNavakal
News मुंबई

हिजबुल मुजाहिद्दीन संघटनेशी संबंध नाही! गौतम नवलखांचा हायकोर्टात दावा

मुंबई – पुणे जिल्ह्यातील भीमा-कोरेगाव हिंसाचार आणि माओवादी संघटनेशी संबंध असल्याच्या आरोपामुळे वादाच्या भोवर्‍यात अडकलेल्या गौतम नवलखा यांचा हिजबुल मुजाहिद्दीन संघटनेशी कोणताच संबंध नव्हता. नवलखा हे काश्मीर येथे सत्यशोधन पडताळणी समितीच्या वतीने एका कामासाठी गेले होते. तर माओवाद्यांकडे काम करत असताना नवलखा हे सरकारच्यावतीने शांतता दूत म्हणून काम पाहत होते. त्यामुळे अशी व्यक्ती देशाविरोधात कशी कारवाई करू शकते, असा सवाल अ‍ॅड.युग चौधरी यांनी आज उपस्थित केला. नवलखा यांच्या अटकपूर्व जामीन अर्जावर अ‍ॅड. चौधरी यांनी आज युक्तीवाद पूर्ण केला.
भीमा-कोरेगाव हिंसाचारातील नक्षलवाद्यांशी संबंध असल्याच्या आरोपावरुन गौतम नवलखा, आनंद तेलतुंबडे यांच्यासह इतर काही जणांविरुद्ध पोलिसांनी गुन्हा दाखल केला आहे. हा गुन्हा रद्द करण्यासाठी नवलखा यांनी हायकोर्टात अर्ज केला. हायकोर्टाने हा अर्ज फेटाळून लावल्यानंतर त्यांनी सर्वोच्च न्यायालयात धाव घेतली. सर्वोच्च न्यायालयाने त्यांना दिलासा देण्यास नकार दिला. परंतू 12 नोव्हेंबरपर्यंत त्यांना अटकेपासून संरक्षण दिले होते. ही मुदत संपल्याने त्यांनी पुणे सत्र न्यायालयात अटकपूर्व जामिनासाठी याचिका दाखल केली. पुणे सत्र न्यायालयाने त्यांचा जामीन अर्ज फेटाळून लावला. त्यामुळे नवलखा यांनी अ‍ॅड. युग चौधरी यांच्यावतीने मुंबई उच्च न्यायालयात अटक पूर्व जामीन अर्ज केला. त्या अजार्वर न्यायमूर्ती प्रकाश नाईक यांच्यासमोर आज सुनावणी झाली.
यावेळी अ‍ॅड. चौधरी यांनी बाजू मांडताना नवलखा यांच्या विरोधातील सर्व कागदपत्रे हे बंद लिफाफ्यात न्यायलयात सादर करण्यात येतात. त्यामुळे आम्हाला त्यावर बाजू मांडता येत नसल्याचा दावा केला. तसेच नवलखा हे काश्मिर येथे सत्य शोधन समितीच्यावतीने गेले होते. नवलखा यांच्या पुस्तकांची अनेक मान्यवरांनी दखल घेतली असून नोबेल पुरस्कार विजेते अमर्त्य सेन यांनीही स्तुती केली आहे. अशी व्यक्ती देशाविरोधात कशी कारवाई करू शकते, असा सवाल उपस्थित करत चौधरी यांनी आपला युक्तिवाद पूर्ण केला.

Sharing is caring!

You may also like

Read More

post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
News देश

अरुण जेटली, सुषमा स्वराज, जॉर्ज फर्नांडिस, पी.व्ही.सिंधू, मेरी कोम यांना पद्मविभूषण

नवी दिल्ली – प्रजासत्ताक दिनाच्या पूर्वसंध्येला केंद्र सरकारने पद्मविभूषण आणि पद्मभूषण पुरस्कार जाहीर केले. भाजपाचे ज्येष्ठ नेते आणि माजी केंद्रीय अर्थमंत्री अरुण जेटली, माजी...
Read More
post-image
News महाराष्ट्र

रेडी मिक्स सिमेंटच्या 12 प्लांटवर कारवाई! ठाणे पालिकेची हायकोर्टात माहिती

मुंबई – ठाण्यातील बेकायदा रेडी मिक्स सिमेंट प्लांटविरोधात ठाणे महापालिकेने मोहीम हाती घेतली असून 18 पैकी 12 प्लांटवर प्रशासनाने कारवाईचा बडगा उगारला आहे. ही कारवाई...
Read More
post-image
News विदेश

कोरोना व्हायरसची जगभरात दहशत! चीनमध्ये 41 जणांचा मृत्यू

दिल्ली – कोरोना व्हायरसची जगभरात दहशत निर्माण झाली आहे. चीनमध्ये सुमारे 41 जणांचा या विषाणूजन्य संसर्गाने मृत्यू झाला आहे. या रोगाचा प्रसार होऊ नये...
Read More
post-image
News महाराष्ट्र

रायगडावरील वाघ्याचा पुतळा हटवणारे निर्दोष

माणगाव- छत्रपती शिवाजी महाराजांच्या रायगड किल्ल्यावरील समाधीच्या मागे असलेला वाघ्याचा पुतळा हटवल्याच्या खटल्यात संभाजी ब्रिगेडच्या 73 जणांची माणगाव सत्र न्यायालयाने सबळ पुराव्याअभावी शुक्रवारी निर्दोष...
Read More
post-image
News महाराष्ट्र

अंबाबाई आणि जोतिबा मंदिराचे होणार स्ट्रक्‍चरल ऑडिट

कोल्हापूर – करवीर निवासिनी अंबाबाईचे मंदिर आणि श्री जोतिबा मंदिराचे स्ट्रक्‍चरल ऑडिट (इमारत संरचना पाहणी) लवकर केली जाणार आहे. दोन्ही मंदिराचे स्ट्रक्‍चरल ऑडिट स्ट्रक्टवेल...
Read More