स्वयंसेवक संघाची भव्य ‘रामराज्य रथयात्रा’ निघणार, अयोध्येपासून रामेश्वरपर्यंत 6 जिल्हे, 39 दिवस, 40 सभांचे आयोजन – eNavakal
News देश राजकीय

स्वयंसेवक संघाची भव्य ‘रामराज्य रथयात्रा’ निघणार, अयोध्येपासून रामेश्वरपर्यंत 6 जिल्हे, 39 दिवस, 40 सभांचे आयोजन

अयोध्या – आगामी लोकसभा निवडणुकीच्या प्रमुख प्रचाराचे बिगूल 13 फेब्रुवारीला महाशिवरात्री दिवशीच वाजणार आहे. या दिवशी अयोध्या ते रामेश्वर अशी भव्य ‘रामराज्य रथयात्रा’ निघणार आहे. 6 जिल्हे, 39 दिवस आणि 40 सभा असे या रथयात्रेचे प्रचंड नियोजन राष्ट्रीय स्वयंसेवक संघ आणि विश्व हिंदू परिषद करणार असून या रथयात्रेमुळे संपूर्ण वातावरण ढवळून निघणार आहे.                                                                                                    भाजपा नेते लालकृष्ण आडवाणी यांची विशाल रथयात्रा निघाली आणि 6 डिसेंबर 1992 या दिवशी बाबरी मशीद पाडून जे वातावरण निर्माण झाले, त्यामुळे केंद्रात भाजपाचे सरकार आले. त्यानंतर पुन्हा एकदा अशाच रथयात्रेचे नियोजन केले आहे. अयोध्येत राम मंदिर बनविणारच ही घोषणा देत ही यात्रा जशी पुढे जाईल, तसे वातावरण भगवामय होऊन 2019 च्या लोकसभा निवडणुकीत भाजपाला पुन्हा दणदणीत यश येईल अशी अपेक्षा आहे. अयोध्येत राम मंदिर उभारणी, देशात रामराज्याची स्थापना आणि शाळेच्या पुस्तकात रामायणाचा धडा घेणे ही या यात्रेची उद्दिष्टे आहेत. उत्तरप्रदेश, मध्यप्रदेश, महाराष्ट्र, केरळ, तामिळनाडू, कर्नाटक या सहा राज्यांतून ही यात्रा जाणार आहे. त्यामुळे या सहाही राज्यांत कडक सुरक्षा ठेवण्याचा आदेश केंद्र सरकारने दिला आहे. या यात्रेवेळी प्रत्येक राज्यात किमान सहा सभा होणार आहेत. या सभांचे आयोजनही भव्यदिव्य केले जाईल.
रामराज्य रथयात्रेचे अधिकृत आयोजक श्री रामदास युनिव्हर्सल सोसायटी आहे आणि या रथयात्रेचे नेतृत्व स्वामी कृष्णानंद सरस्वती आणि शक्ती शांतानंद महर्षी करणार आहेत. प्रत्यक्षात मात्र या रथयात्रेचे पूर्ण नियोजन राष्ट्रीय स्वयंसेवक संघ आणि विश्व हिंदू परिषदेच्या हाती आहे. अयोध्येतील विश्व हिंदू परिषदेचे कार्यालय हे राम मंदिर उभारणीच्या आंदोलनावेळी 1990 साली स्थापन करण्यात आले होते. याच कार्यालयात राम मंदिरासाठी लागणार्‍या शीला जमवून त्या योग्य आकारात तयार करण्याचे काम सुरू आहे. याच कार्यालयापासून रथयात्रेचा प्रारंभ होणार आहे. उत्तरप्रदेशचे मुख्यमंत्री योगी आदित्यनाथ 13 फेब्रुवारीला महाशिवरात्री दिवशी दुपारी 2 वाजता रथयात्रेचा प्रारंभ करतील. शोभा यात्रेने रामराज्य रथयात्रेची सुरुवात होईल.

Sharing is caring!

You may also like

Read More

post-image
महाराष्ट्र

आदित्य ठाकरे उद्या नाशिक शहरात जाणार

नाशिक – शिवसेना नेते आणि युवसेनाप्रमुख आदित्य ठाकरे यांच्या जनआशीर्वाद यात्रेला गुरुवारी सुरुवात झाली. यात्रेच्या पहिल्याच दिवशी ‘ही जनआशीर्वाद यात्रा निवडणुकीसाठी किंवा प्रचारासाठी नाही....
Read More
post-image
देश

सोन्याचे भाव वाढण्याची शक्यता! ३६ हजाराच्या घरात जाणार

मुंबई – आंतरराष्ट्रीय बाजारात सोन्याची मागणी वाढल्याने सोने महागण्याची चिन्हे दिसत आहेत. आज सोन्याचा भाव सर्वाधिक होण्याची शक्यता आहे. त्यामुळे सोने खरेदी करण्याच्या विचारात...
Read More
post-image
महाराष्ट्र

पालघरच्या सातपाटी परिसरात यंदा पापलेटच्या उत्पादनात घट

पालघर – राज्यासह जगभरात निर्यात होणार्‍या पालघरच्या सातपाटी परिसरातील पापलेट या मत्स्याच्या प्रकारामध्ये यंदा प्रचंड घट झाली आहे. पापलेटचे उत्पादन गेल्या हंगामापेक्षा 190 टनांनी घटले...
Read More
post-image
देश

मनोहर पर्रिकरांच्या स्मारकासाठी अर्थसंकल्पात १० कोटींची तरतूद

पणजी – गोव्यामधील मिरामार बीचवर गोव्याचे दिवंगत मुख्यमंत्री मनोहर पर्रीकर यांचे स्मारक उभारले जाणार आहे. या स्मारकासाठी गोव्याच्या अर्थसंकल्पात 10 कोटी रुपयांची तरतूद करण्यात...
Read More
post-image
देश

भाजपाकडे २ हजार कोटी कुठून आले? मायावतींची आगपाखड

नवी दिल्ली – बहुजन समाज पार्टीच्या नेत्या मायावती यांना जबरदस्त आर्थिक दणका बसला आहे. त्यांचा भाऊ आनंदकुमार याचा नोएडा येथील ७ एकर भूखंड गुरुवारी...
Read More