सर्व मुस्लिम बांधवांनी देशासाठी एकत्र यावे! उध्दवजींचे आवाहन – eNavakal
News निवडणूक महाराष्ट्र राजकीय

सर्व मुस्लिम बांधवांनी देशासाठी एकत्र यावे! उध्दवजींचे आवाहन

माणगाव- पाकिस्तान आमचा दुश्मन आहे तसा तुमचाही दुश्मन आहे. जर उद्या युध्द झाले तर पाकिस्तानने टाकलेला बॉम्ब घर पाहून पडणार नाही, धर्म बघून पडणार नाही. म्हणून सर्व मुस्लिम बांधवांनी देशासाठी एकत्र आले पाहिजे, असे आवाहन शिवसेना पक्षप्रमुख उध्दव ठाकरे यांनी केले. उध्दव ठाकरे आज रायगड जिल्ह्यातील माणगाव येथे युतीचे उमेदवार अनंत गीते यांच्या प्रचारार्थ घेतलेल्या जाहीर सभेत बोलत होते.
पुढे बोलताना उध्दवजी म्हणाले की, आपल्या समोर मुद्दा सरळ आहे. उमेदवार कसा आहे तो काय करणार आहे. रायगड म्हणजे शिवराय. अंतुले साहेबांनी कुलाबाचे रायगड असे नाव केले, अस े आमचे जुने नाते आहे. भगव्याला कलंक लागणार नाही याची मला चिंता नाही. जयंत पाटील यांनी या मातीशी आणि जमिनीशी द्रोह करू नये. तुम्ही मार्ग चुकीचा निवडला आहात वेळीच सावरा असा उपदेशही त्यांनी यावेळी शेकापचे जयंत पाटील यांना दिला. पुढे बोलताना उध्दव ठाकरे म्हणाले की, भविष्यात आपण नदीजोड प्रकल्प करणार आहोत. ही निवडणुक गीते साहेबांना निवडुन देण्यासाठी नाही आहे. धनुष्यबाणाला मत म्हणजे स्वतःच्या हितासाठी दिलेले मत. गेल्या काही दिवसांपुर्वी आमचे भाजपासोबत मतभेद होते. ते मतभेद वैयक्तिक नसून जनतेसाठी होते आणि आताही युती जनतसाठीच केलेली आहे. ही युती देव, देश आणि धर्मासाठी केली आहे. पाच वर्ष आम्ही काम करत होतो तेव्हा हे थंडगार झोपले होते आणि आता निवडणुकीच्या तोंडावर शेतकर्‍यांची भेट घेत आहेत. आता शरद पवारांना दुष्काळग्रस्त शेतकरी दिसत आहे का?, शिवसेना रस्त्यावर उतरून आंदोलन करत होती तेव्हा तुम्ही कुठे होता? असा सवालही त्यांनी यावेळी उपस्थित केला. माझ्या कोकणवासियांची जमिन घेऊन हे कारखानदार होणार आणि माझ्या शेतकर्‍याला वार्‍यावर सोडणार. यासाठीच येथील प्रकल्पांना विरोध केला. शिवरायांना आपण देव का मानतो कारण ते रयतेचे राजे होते. काँग्रेस आणि राष्ट्रवादीची 50-60 वर्ष केंद्रात आणि राज्यात सत्ता होती. ते इतके माजलेत की पाच वर्षात सुधारणार नाहीत. देशद्रोहाचे कलम काँग्रेस काढून टाकणार, हे तुम्हाला पटतेय का? आमचे पंतप्रधान पदाचे उमेदवार नरेंद्र मोदी हे ठरलेले आहेत. पण काँग्रेसमध्ये त्यांचा उमेदवार अजून ठरलेला नाही. शरद पवारांना राहुल गांधी, राहुल गांधीला शरद पवार, ममतांना मायावती आणि मायावतींना अखिलेश पंतप्रधान चालेल का? असा सवालही उद्धव ठाकरे यांनी यावेळी केला. राहुल गांधींच्या आजीने गरिबी हटावची घोषणा केली, त्यांच्या घरातल्यांची हटली पण गरिबांचे काय? अशी बोचरी टीकाही राहुल गांधींवर केली. विरोधकांचे डिपॉझिट जप्त होईल असा विजय मला रायगडात हवा आहे असे आवाहन उध्दव ठाकरे यांनी यावेळी केले.

Sharing is caring!

Leave a Comment

Your email address will not be published.

You may also like

Read More

post-image
आघाडीच्या बातम्या निवडणूक महाराष्ट्र

तिसऱ्या टप्प्यातील प्रचाराचा आज शेवटचा दिवस

मुंबई – लोकसभा निवडणुकीतील तिसऱ्या टप्प्यासाठी प्रचाराच्या तोफा आज थंडावणार आहेत. या टप्प्यात २३ एप्रिलला राज्यातल्या १४ मतदारसंघांत मतदान होणार आहे. यामध्ये जळगाव, रावेर,...
Read More
post-image
अपघात आघाडीच्या बातम्या देश

आग्रा-लखनऊ एक्स्प्रेस वेवर भीषण अपघात; ७ ठार ३४ जखमी

मैनपुरी – उत्तर प्रदेशमध्ये आग्रा-लखनऊ एक्स्प्रेस वेवर ट्रक आणि बसच्या भीषण अपघातात ७ जणांचा मृत्यू झाला असून जवळपास ३४ जण गंभीर जखमी झाले आहेत....
Read More
post-image
आघाडीच्या बातम्या क्रीडा

#IPL2019 दिल्लीचा पंजाबवर सहज विजय

नवी दिल्ली – आयपीएल चषक क्रिकेट स्पर्धेतील शनिवारच्या दुसर्‍या लढतीत दिल्लीने पंजाबवर सहज विजय मिळवला. दिल्लीने प्रथम फलंदाजी करणार्‍या पंजाबला १६३ धावांत रोखण्यात यश...
Read More
post-image
आघाडीच्या बातम्या मुंबई वाहतूक

तिन्ही रेल्वे मार्गांवर आज मेगा ब्लॉक

मुंबई – मध्य, पश्‍चिम, हार्बर मार्गावर आज मेगा ब्लॉक घेण्यात येणार असून, पश्‍चिम मार्गावरील चर्चगेट ते मुंबई सेंट्रल स्थानकादरम्यान डाऊन जलद लाईनवर आज सकाळी 10.35...
Read More
post-image
आघाडीच्या बातम्या संपादकीय

(संपादकीय) एका छोट्या मुलीने जगभरात वादळ निर्माण केलंय आपण कधी जागृत होणारच नाही का?

मुंबईत बसणार्‍याला खूप उकडतंय, पुण्यात तर चटके असह्य होतायत, विदर्भ मराठवाड्यात सतत दुष्काळ पडतोय, पश्‍चिम महाराष्ट्र आणि कोकणात चैत्रात पाऊस पडतोय, गारांचा मारा होतोय,...
Read More