श्रीदेवीचे पार्थिव अखेर मुंबईत दाखल, मात्र संकट अजून संपलेली नाहीत – eNavakal
News मुंबई

श्रीदेवीचे पार्थिव अखेर मुंबईत दाखल, मात्र संकट अजून संपलेली नाहीत

 मुंबई- अभिनेत्री श्रीदेवी यांच्या मृत्यूनंतर त्यांचे पार्थिव आणण्यासाठी निर्माण झालेले अडथळे दूर झाल्याने अखेर आज रात्री त्यांचे पार्थिव मुंबईत दाखल झाले. यावेळी चाहत्यांनी एकच गर्दी केली होती. श्रीदेवी यांच्या मृत्यूप्रकरणी जे गुढ निर्माण झाले होते ते अद्यापही संपलेले नाही. श्रीदेवी यांची सख्खी बहिण श्रीलता उद्या अंत्यसंस्कारानंतर मोठा गौप्यस्फोट करणार असल्याने त्यांच्या मृत्यूनंतरही संकटे कायम आहेत.
श्रीदेवी यांच्या वडिलांच्या मृत्यूपर्यंत त्यांचे आयुष्य आकाशात उडणार्‍या एखाद्या पक्ष्याप्रमाणे होते. मात्र कर्जबाजारी झाल्याने त्यांच्या वडिलांचे निधन झाले. त्यांची बहिण श्रीलता हिने शेजारी राहणार्‍या एका गृस्थासोबत लग्न केले होते. त्यानंतर श्रीदेवी आणि तिची आई दोघीच राहत होत्या. श्रीदेवी यांच्या आईने केलेली चुकीची गुंतवणुक कायद्याच्या कचाट्यात अडकली होती. ही मालमत्ता सोडवण्यासाठी त्यांनी उर्वरित पैसादेखील खर्च केला आणि त्यामुळे श्रीदेवी यांच्या कुटुंबियांना पै-पैसाठी झगडावे लागले. यातच श्रीदेवी यांची आई आजारी झाली. त्यांना उपचारासाठी इंग्लंडला नेण्यात आले. त्यांच्या डोक्यावर शस्त्रक्रिया करण्यात आली. शस्त्रक्रिया करूनही त्यांचे निधन झाले.
त्यानंतर श्रीदेवींच्या आयुष्यात बोनी कपूर आले. बोनी कपूर स्वतः मोठ्या कर्जात होते. अशा परिस्थितीत ते श्रीदेवींसोबत फक्त दुःख वाटू शकत होते. आईने सर्व मालमत्ता ही श्रीदेवींच्या नावे केली होती. आईने जेव्हा कागदपत्रांवर स्वाक्षरी केली तेव्हा ती शुद्धीत नसल्याचा दावा श्रीलता यांनी केला होता. मालमत्तेतील अर्धा हिस्सा मिळवण्याकरीता श्रीलता यांनी श्रीदेवीविरोधात कोर्टात धाव घेतली. कोर्टात अजूनही याबाबत खटला सुरू आहे.
दरम्यान, दुबई या ठिकाणी लग्न समारंभासाठी श्रीदेवी त्यांच्या पती आणि मुलीसह गेल्या होत्या. तिथेच त्यांचा अकस्मात मृत्यू झाला. हा मृत्यू कार्डिअ‍ॅक अरेस्टने झाल्याची माहिती आधी समोर आली. मात्र फॉरेन्सिक अहवालानुसार हा मृत्यू बाथटबमधील पाण्यात अपघाताने पडल्याने झाल्याचे समोर आले. त्यांच्या पार्थिवाचे शवविच्छेदनही करण्यात आले. तसेच दुबईतील सगळी कायदेशीर प्रक्रिया पार पडल्यानंतर श्रीदेवी यांचे पार्थिव आज रात्री 9ः30 वाजता मुंबई विमानतळावर दाखल झाले होते. विमानतळाबाहेर चाहत्यांनी एकच गर्दी केल्याने पोलिसांचा मोठा फौजफाटा तैनात करण्यात आला होता. श्रीदेवी यांच्या पार्थिवावर उद्या बुधवारी दुपारी 3ः30 वाजता विलेपार्ले सेवा समाज स्मशानभूमीत अंत्यसंस्कार करण्यात येणार आहेत. तसेच अंधेरीतील लोखंडवाला कॉम्प्लेक्स येथील सेलिब्रेशन स्पोर्ट्स क्लब येथे उद्या सकाळी 9.30 ते 12.30 वाजेपर्यंत श्रीदेवी यांचे पार्थिव अंत्यदर्शनासाठी ठेवण्यात येणार आहे.

Sharing is caring!

You may also like

Read More

post-image
आघाडीच्या बातम्या मुंबई

मराठीत बोलायला सांगितल्याने कुरियर बॉयचा तरुणींवर हल्ला

मुंबई – आज सकाळी 11.30 वाजता दादरच्या न.चिं. केळकर रोडवरील गुरुकृपा अपार्टमेंटमध्ये राहणार्‍या पेडणेकर भगिनींच्या घरी कुरियरवाला आला. या भगिनींनी कुरियरद्वारे स्वामी समर्थांची पुस्तके मागविली...
Read More
post-image
आघाडीच्या बातम्या देश

मध्य प्रदेशात पबजीवर बंदी आणण्याचा विचार

भोपाळ – अलिकडे स्मार्ट मोबाईल फोनवर पबजी खेळ खेळण्याचा जीवघेणा छंद वाढीस लागला आहे. हा खेळ खेळता खेळता अनेकांना त्याचे व्यसन लागत आहे. त्यामुळे तरुणाईला...
Read More
post-image
आघाडीच्या बातम्या देश विदेश

‘क्रोकोडाइल हंटर’ स्टीव्ह यांना गुगलची आदरांजली

नवी दिल्ली – ऑस्ट्रेलियातील प्रसिद्ध पशूप्रेमी स्टीव्ह इरविन यांची आज 57 वी जयंती आहे. त्यांच्या जयंतीनिमित्त गुगलने खास डुडल तयार करून त्यांना मानवंदना दिली आहे. स्टीव्ह इरविन यांना ‘क्रोकोडाइल...
Read More
post-image
आघाडीच्या बातम्या देश

‘जैश’च्या २ संशयित अतिरेक्यांना उत्तर प्रदेशात अटक

सहारनपूर – सहारनपूर जिल्ह्यातील देवबंद येथून जैश ए मोहम्मदच्या दोन संशयित दहशतवाद्यांना अटक करण्यात आली आहे. उत्तर प्रदेशातील दहशतवादविरोधी पथकाने शुक्रवारी ही कारवाई केली. या संशयितांकडून...
Read More
post-image
आघाडीच्या बातम्या मनोरंजन

प्रियांका-फरहानच्या ‘स्काय इज पिंक’ची तारीख ठरली

मुंबई – अभिनेत्री प्रियंका चोप्रा आणि अभिनेता फरहान अख्तर यांचा आगामी चित्रपट ‘स्काय इज पिंक’ कधी प्रदर्शित होणार याविषयी चाहत्यांना प्रचंड उत्सुकता आहे. पण आता...
Read More