श्रीदेवींचा खून झाला होता! आयपीएस अधिकाऱ्याचा दावा – eNavakal
आघाडीच्या बातम्या मनोरंजन

श्रीदेवींचा खून झाला होता! आयपीएस अधिकाऱ्याचा दावा

नवी दिल्ली – बॉलिवूडची ‘चांदनी’अर्थात ज्येष्ठ अभिनेत्री श्रीदेवी यांचा मृत्यू हा अपघात नसून खून होता, असा खळबळजनक दावा केरळचे डीजीपी आणि आयपीएस अधिकारी ऋषिराज सिंह यांनी केला आहे. सिंह हे केरळ येथे पोलीस महासंचालक (कारागृह) म्हणून कार्यरत आहेत. गुन्हेगारी घटना सोडवण्यात तरबेज अधिकारी अशी त्यांची ओळख आहे. त्यांच्या या दाव्यामुळे आता नव्या वादाला तोंड फुटण्याची शक्यता आहे. डॉ. उमादथन या मित्राच्या हवाल्याने त्यांनी हा दावा केला आहे. उमादथन यांचे अलीकडे निधन झाले.

सिंह यांनी डॉ. उमादथन यांना समर्पित करणारा लेख लिहिताना श्रीदेवींबाबतचा दावा केला आहे. डॉ. उमादथन एक नावाजलेले फॉरेन्सिक सर्जन होते, गंभीर गुन्हे विशेषत: मर्डर मिस्ट्री उलगडण्यात ते ‘उस्ताद’ मानले जात असत. सिंह यांच्या म्हणण्यानुसार, डॉ. उमादथन यांना श्रीदेवी यांच्या मृत्यूविषयी एकदा विचारले असता त्यांनी श्रीदेवी यांचा मृत्यू अपघाती नसून खून असल्याचे म्हटले होते. एका फुटाच्या बाथटबमध्ये मद्यधुंद व्यक्ती बुडू शकत नाही. कुणीतरी जाणूनबुजून बुडवल्याशिवाय बुडणे शक्यच नाही. श्रीदेवी यांच्याबाबतीतही हेच घडले होते. त्यावेळी त्यांच्या खोलीत कुणीतरी अन्य व्यक्तिही होती ज्याने श्रीदेवी यांचे पाय धरून ठेवले आणि मग त्यांचं डोकं पाण्यात बुडवण्यात आलं, अशी माहिती या लेखात सिंह यांनी दिली आहे. ‘केरला कौमुदी’ या केरळच्या वृत्तपत्रात त्यांनी हा लेख लिहिला आहे.

दरम्यान, गेल्या वर्षी २४ फेब्रुवारीच्या रात्री दुबईतील जुमेरा एमिरेट्स टॉवर्स या पंचतारांकित हॉटेलमध्ये श्रीदेवी यांचा मृत्यू झाला होता. त्यांच्या मृत्यूने सर्व कलाकारांसह चाहत्यांना मोठा धक्का बसला होता. त्यांच्या मृत्यूबद्दल अनेक शंकाही उपस्थित करण्यात आल्या. मात्र मद्यप्राशनामुळे श्रीदेवी यांचा तोल गेल्याने त्या बाथटबमध्ये पडल्या आणि बाथटबमधील पाण्यात बुडून त्यांचा मृत्यू झाला, असे फॉरेन्सिक तपासणीतून उघड झाले होते. परंतु आता आयपीएस अधिकारी ऋषिराज सिंह यांच्या दाव्यामुळे अनेक प्रश्न पुन्हा उपस्थित झाले आहेत.

Sharing is caring!

Leave a Comment

Your email address will not be published.

You may also like

Read More

post-image
आघाडीच्या बातम्या देश राजकीय

कॉंग्रेस-जेडीएसच्या बंडखोरांचा आज फैसला

नवी दिल्ली – कर्नाटकातील राजकीय नाट्यावर आज निकाल लागण्याची शक्यता आहे. कर्नाटकातील कॉंग्रेस-जेडीएस आघाडीच्या १५ बंडखोर आमदारांनी केलेल्या याचिकेवर आज सर्वोच्च न्यायालय निर्णय देणार...
Read More
post-image
आघाडीच्या बातम्या देश

कुलभूषण जाधव प्रकरणाचा आज निर्णय

नवी दिल्ली – पाकिस्तानच्या अटकेत असलेले भारतीय नौसेना सेवानिवृत्त अधिकारी कुलभूषण जाधव यांच्या प्रकरणाचा निकाल आंतरराष्ट्रीय न्यायालयात आज 17 जुलै रोजी सायंकाळी साडेसहा वाजता...
Read More
post-image
आघाडीच्या बातम्या महाराष्ट्र मुंबई

डोंगरीत ४ मजली इमारत कोसळली; तिघांचा मृत्यू

मुंबई – आज सकाळी साडे अकरा वाजताच्या सुमारास डोंगरी परिसरात एक निवासी इमारत कोसळली आणि अनेकांचे जीवन उद्ध्वस्त झाले. या इमारतीच्या ढिगाऱ्याखाली दडपून तिघांचा मृत्यू...
Read More
post-image
आघाडीच्या बातम्या महाराष्ट्र

रावसाहेब दानवेंचा राजीनामा! चंद्रकांत पाटील भाजपचे नवे प्रदेशाध्यक्ष

मुंबई – भाजपाचे प्रदेशाध्यक्ष रावसाहेब दानवे यांनी आपल्या पदाचा राजीनामा दिला आहे. विशेष म्हणजे त्यांच्या राजीनाम्यानंतर काही वेळातच चंद्रकांत पाटील यांची भाजपा प्रदेशाध्यक्षपदी निवड करण्यात...
Read More
post-image
आघाडीच्या बातम्या महाराष्ट्र

दहावी, बारावीच्या फेरपरीक्षा उद्यापासून सुरू

पुणे – महाराष्ट्र राज्य माध्यमिक व उच्च माध्यमिक शिक्षण मंडळातर्फे दहावी व बारावीच्या फेरपरीक्षा उद्या बुधवारपासून सुरू होणार आहेत. पुणे, नगर आणि सोलापूर जिल्ह्यात दहावीच्या...
Read More