शेतकऱ्यांच्या प्रश्नासाठी ठाण्यात मनसेचा एल्गार – eNavakal
आघाडीच्या बातम्या महाराष्ट्र राजकीय

शेतकऱ्यांच्या प्रश्नासाठी ठाण्यात मनसेचा एल्गार

ठाणे – शासनाबद्दल शेतकर्‍यांचा रोष व्यक्त करण्यासाठी आणि आत्महत्याग्रस्त शेतकर्‍यांच्या कुटुंबियांना त्यांच्या उत्पादनाच्या विक्रीकरता 100 गाळे मिळावेत या आणि अन्य मागण्यांसाठी महाराष्ट्र नवनिर्माण सेनेने आज ठाण्यामध्ये जोरदार मोर्चा काढत शक्तिप्रदर्शन केले.

भारतीय जनता पक्ष आणि महाराष्ट्र नवनिर्माण सेना यांच्यामध्ये पदपथावर उभारलेल्या आंबा विक्री केंद्रावरून झालेल्या वादानंतर शासनाचे लक्ष वेधण्यासाठी हा मोर्चा काढण्यात आला होता. सुरुवातीस हा मोर्चा महापालिका कार्यालयावर नेला जाणार होता. मात्र नंतर हा मोर्चा जिल्हाधिकारी कार्यालयावर नेण्यात आला. गावदेवी मैदानापासून सुरू झालेला हा मोर्चा राम मारूती रोड, तलावपाळी, कोर्टनाका मार्गे जिल्हाधिकारी कार्यालयावर नेण्यात आला. तसेच ठाणे, मराठवाडा येथील कार्यकत्यार्र्ंसह कोकणातील भाजीपाला, आंबा उत्पादक शेतकरी सहभागी झाले होते. महिलांचीही उपस्थिती या मोर्चात लक्षणीय होती. शेतकर्‍यांना हक्काची बाजारपेठ मिळावी अशा आशयाचे फलक आणि मनसेचे झेंडे हाती घेत मोर्चेेकरी या मोर्चात सहभागी झाले होते. यावेळी सरकारविरोधात घोषणाबाजीही करण्यात आली.
जिल्हाधिकार्‍यांना यावेळी मोर्चातील शिष्टमंडळानं आपल्या मागण्यांचं एक निवेदन दिलं.  आत्महत्या करणार्‍या शेतकर्‍यांच्या कुटुंबियांना त्यांच्या उत्पादनांच्या विक्रीसाठी  महापालिका क्षेत्रात 100 स्टॉल्स महापालिकेनं उपलब्ध करून द्यावेत. संबंधित शेतकर्‍यांकडे 20 हजार रुपये हफ्ता मागणार्‍यांवर खंडणीचा गुन्हा दाखल करावा अशा मागण्या या निवेदनात करण्यात आल्या आहेत. या मोर्चात महाराष्ट्र नवनिर्माण सेनेचे नेते बाळा नांदगावकर यांच्यासह इतर काही नेते आणि हजारो कार्यकर्ते सहभागी झाले होते.
काय आहे नेमकं प्रकरण ?

ठाण्यात ९ मे रोजी मनसेने त्यांच्या कार्यालयाबाहेर आंबा विक्रीसाठी एका शेतकरी कुटुंबियांना स्टॉल लावू दिला. रत्नागिरीहून आलेल्या शेतकऱ्याने लावलेला हा स्टॉल अनधिकृत असल्याचं सांगत भाजपाने हा स्टॉल हटवण्याचा प्रयत्न केला. यानंतर मनसे आणि भाजपाचे कार्यकर्ते भिडले. अखेर पोलिसांनी हस्तक्षेप करून हे प्रकरण मिटवले.

Sharing is caring!

You may also like

Read More

post-image
दिनविशेष

दिनविशेष : बॉलिवूडचे ‘डान्सिंग स्टार’ मिथुन चक्रवर्ती

आज बॉलिवूडचे ‘डान्सिंग स्टार’ मिथुन चक्रवर्ती यांचा वाढदिवस. त्यांचा जन्म १६ जून १९५० साली  झाला. मिथुन चक्रवर्ती यांनी बी. एस. सी.ची पदवी घेतल्यानंतर पुण्यातील फिल्म इंस्टिटय़ूटमधून...
Read More
post-image
आघाडीच्या बातम्या मनोरंजन

बिग बॉस २ : ‘फादर्स डे’निमित्त सदस्यांना मिळणार सरप्राईझ

मुंबई – बिग बॉस मराठी सिझन २ मध्ये आजदेखील दोन तासांचा विशेष भाग रंगणार आहे. बिग बॉस मराठीच्या घरातील सदस्य खूप दिवसांपासून त्यांच्या मुलांपासून,...
Read More
post-image
विदेश

हाँगकाँगचे प्रत्यार्पण विधेयक अखेर स्थगित

हाँगकाँग – मागील आठवड्यापासून वादग्रस्त ठरलेले प्रत्यार्पण विधेयक अखेर सरकारने स्थगित केले. या विधेयकाला हाँगकाँगच्या नागरिकांनी जोरदार विरोध केला होता. या मुद्यावर काढण्यात आलेल्या मोर्चात...
Read More
post-image
देश

…तर प्रेयसीला पोटगी देणे अनिवार्य – हायकोर्ट

नवी दिल्ली – एखादे प्रियकर-प्रेयसी अनेक वर्षांपासून नवरा बायकोसारखे एकत्र राहत असतील तर कलम १२५ नुसार प्रेयसीला उदारनिर्वाह करण्यासाठी (पोटगी) पैसे मागण्याचा अधिकार देण्यात...
Read More
post-image
देश

पश्चिम बंगालचे डॉक्टर ममता बॅनर्जींसोबत सशर्त चर्चेस तयार

कोलकाता – पश्चिम बंगालच्या मुख्यमंत्री ममता बॅनर्जी यांच्या मागणीनंतर संपावर असलेले शिकाऊ डॉक्टर चर्चेसाठी तयार झाले आहेत. मात्र ‘आम्ही मुख्यमंत्र्यांशी चर्चा करायला तयार आहोत...
Read More