शेतकऱ्यांचा अर्धनग्न मोर्चा तूर्तास स्थगित; उद्या चर्चा – eNavakal
आघाडीच्या बातम्या आंदोलन महाराष्ट्र

शेतकऱ्यांचा अर्धनग्न मोर्चा तूर्तास स्थगित; उद्या चर्चा

मुंबई – गेल्या 10 वर्षांपासून प्रलंबित असलेल्या मागण्या सरकारने पूर्ण कराव्यात यासाठी सातारा जिल्ह्यातील खंडाळा तालुक्यातील शेतकर्‍यांनी अर्धनग्न मोर्चा काढला. मात्र हा मोर्चा पोलिसांनी मानखुर्दजवळ अडवून धरल्याने मोर्चेकर्‍यांत संताप उफाळून आला आहे. याची दखल घेत उद्योेगमंत्र्यांनी उद्या सकाळी 11 वाजता मंत्रालयात मोर्चेकर्‍यांची बैठक बोलावली आहे. त्यामुळे हे आंदोलन तात्पुरते स्थगित करण्यात आले असून या बैठकीत तोडगा निघाला नाही तर जलसमाधी घेण्याचा इशारा मोर्चेकर्‍यांनी दिला आहे.

एमआयडीसीच्या भूसंपादनासाठी घेतलेल्या आमच्या जमिनीचा मोबदला अद्याप दिला नसून ज्यासाठी जमिनी घेतल्या तो प्रकल्प देखील पूर्ण केला नाही. मागील दहा वर्षांपासून आम्ही लढत आहोत. मात्र आमच्या जमिनी उद्योगपतींच्या घशात घालण्याचा डाव असल्याचा आरोपही शेतकर्‍यांनी केला आहे. 2008 पासून शेतकर्‍यांच्या या जमिनीच्या समस्येचे प्रकरण प्रलंबित आहे. मात्र अद्याप त्यांना न्याय मिळालेला नाही. दिशाभूल करून फसवणूक केल्याचा त्यांचा आरोप आहे. 2011 आणि 2012 साली मुख्यमंत्र्यांना भेटून त्यांनी आपली व्यथा मांडली होती. परंतु तरीही त्यांच्या समस्या सोडवल्या गेल्या नाहीत. सरकारकडून आश्वासनाचे फक्त गजर दाखवत आहे. न्याय मिळाला नाही तर सामूहिक समाधी घेण्याचा इशारा शेतकरी संघटना व किसान मंचचे सातारा जिल्हा अध्यक्ष प्रमोद जाधव यांनी दिला आहे. दरम्यान, जमिनी पुन्हा मिळवण्यासाठी सातारा जिल्ह्यातील केसुर्डी, धनगरवाडी, शिवाजीनगर, खंडाळा, बावडा, मावशी, मोर्वे, भादे, अहिरे या गावातील शेतकरी मुंबईच्या वेशीवर येऊन आज धडकले आहेत. मात्र वाहतूक कोंडीचे करण देत पोलिसांनी त्यांचा मोर्चा मानखुर्द येथेच अडवला. उद्या सोमवारी हा मोर्चा मंत्रालयावर धडकणार आहे.

 

 

Sharing is caring!

You may also like

Read More

post-image
देश मुंबई

पेट्रोल-डिझेल आजही महागले; पाहा आजचे दर

मुंबई – सौदी अरबमध्ये झालेल्या हल्यांनंतर जगभरात पेट्रोल-डिझेलच्या दरात वाढ होत आहे. देशात आजही पेट्रोल-डिझेलचे दर वाढले आहेत. राजधानी दिल्लीत पेट्रोलचे दर प्रतिलिटर २९...
Read More
post-image
आघाडीच्या बातम्या देश राजकीय

सोनिया गांधी आणि मनमोहन सिंग तिहारमध्ये जाऊन चिदंबरमना भेटले

नवी दिल्ली – काँग्रेस अध्यक्षा सोनिया गांधी आणि माजी पंतप्रधान मनमोहन सिंग यांनी आज तिहार कारागृहात जाऊन ‘आयएनएक्स मीडिया’ प्रकरणी अटकेत असलेले माजी केंद्रीय...
Read More
post-image
आघाडीच्या बातम्या मुंबई

शेअर बाजारात मोठी उसळी, सेन्सेक्स १३०० अंकांनी वधारला

मुंबई – देशाच्या अर्थमंत्री निर्मला सीतारमण यांनी शुक्रवारी पत्रकार परिषद घेऊन कंपनी करात कपातीची घोषणा केली होती. त्यानंतर अवघ्या काही मिनिटांतच शेअर बाजाराने प्रचंड मोठी...
Read More
post-image
आघाडीच्या बातम्या मनोरंजन

अनुष्का शर्माचा देशातील सामर्थ्यवान व्यक्तींच्या यादीत समावेश

नवी दिल्ली – मिसेस कोहली अर्थात बॉलिवूड अभिनेत्री अनुष्का शर्मा हिला भारतातील सामर्थ्यशाली स्री म्हणून घोषित करण्यात आले आहे. फॉर्च्यून इंडियाने भारतातील ५० सामर्थ्यवान...
Read More
post-image
लेख

वृत्तविहार – द्रूतगतीवरची कासवगती

केंद्रीय वाणिज्य आणि रेल्वे मंत्री यांना मुंबईतल्या वाहतूक कोंडीचा फटका बसला आणि त्यांनी मुंबईकर कसे संयमी आहेत, असा पलटवार करून वेळ मारून नेली. परंतु...
Read More