शिवस्मारकाची बाजू मांडण्यास अधिकारी कमी पडले; मेटेंचा आरोप – eNavakal
आघाडीच्या बातम्या मुंबई

शिवस्मारकाची बाजू मांडण्यास अधिकारी कमी पडले; मेटेंचा आरोप

मुंबई – राज्य सरकारच्या महत्त्वाकांक्षी शिवस्मारकाला सर्वोच्च न्यायालयाने तांत्रिक मुद्यांवर स्थगिती दिली आहे. मात्र, तरी सर्व कायदेशीर प्रक्रिया पूर्ण करून आठवड्याभरात शिवस्मारकाचे काम पुन्हा सुरू केले जाईल, असा विश्वास शिवस्मारक समितीचे अध्यक्ष विनायक मेटे यांनी व्यक्त केला. तसेच कोर्टात शिवस्मारकाची बाजू मांडण्यास अधिकारी कमी पडले असल्याचा आरोपही त्यांनी यावेळी केला.

सुमारे 3 हजार 600 कोटी रुपये खर्चून छत्रपती शिवाजी महाराजांचे अरबी समुद्रात भव्य स्मारक उभारण्याच्या प्रकल्पाचे काम सर्वोच्च न्यायालयाने रोखले आहे. हे काम सुरू करण्यासाठी राज्य सरकारने गेल्या वर्षी ऑक्टोबरमध्ये ’वर्क ऑर्डर’ काढली होती. मात्र, सर्वोच्च न्यायालयाने पुढील आदेश मिळेपर्यंत हे काम सुरू न करण्याचे तोंडी निर्देश दिले आहेत. शिवस्मारक प्रकल्पासाठी राज्य सरकारच्या विनंतीवरून केंद्र सरकारने 2011 रोजीच्या सीआरझेड नियमावलीत दुरुस्ती केली होती. या दुरुस्तीला ‘द कन्झर्वेशन अ‍ॅक्शन ट्रस्ट’ या स्वयंसेवी संस्थेने मुंबई उच्च न्यायालयात आव्हान दिले आहे. सर्वोच्च न्यायालयाच्या आदेशानंतर शिवस्मारक समितीचे अध्यक्ष विनायक मेटेंनी मुख्यमंत्री देवेंद्र फडणवीस यांची भेट घेऊन चर्चा केली. त्यानंतर स्मारकाच्या कफ परेड येथील साईट कार्यालयामध्ये येऊन एलअँडटी कंपनीच्या अधिकार्‍यांना काम थांबवण्याचे आदेश दिले. त्यानंतर स्मारक समितीची आज महत्त्वपूर्ण बैठक पार पडली. या बैठकीला समितीचे अध्यक्ष विनायक मेटे, सार्वजनिक बांधकाम, विधी व न्याय विभाग आणि कोस्ट गार्डचे अधिकारी उपस्थित होते.

बैठकीनंतर मेटे यांनी सांगितले की, शिवस्मारकाचे काम सुरू करताना जनसुनावणी घेतली नाही. या मुद्यावर सर्वोच्च न्यायालयाने तोंडी स्थगितीचे आदेश दिले आहेत. शिवस्मारकाच्या कामाच्या ठिकाणी लोकवस्ती नसल्यामुळे जनसुनावणीची गरज नाही. आम्ही सरकारच्यावतीने भक्कम बाजू न्यायालयात मांडू. विरोधक केवळ विरोधासाठी विरोध करून शिवस्मारकारवर टीका करत आहेत. कोर्टात बाजू मांडण्यात अधिकारी कमी पडले याचीही शहानिशा करू. कोणत्याही परिस्थितीत शिवस्मारक उभारूच, असा विश्वास त्यांनी यावेळी व्यक्त केला.

Sharing is caring!

You may also like

Read More

post-image
आघाडीच्या बातम्या मुंबई

अर्थसंकल्प सादर! अटल बिहारी वाजपेयींचे स्मारक मुंबईत उभारणार

मुंबई – आज पावसाळी अधिवेशनाच्या दुसऱ्या दिवशी मुख्यमंत्री देवेंद्र फडणवीस यांच्या नेतृत्वाखालील सरकारचा शेवटचा अतिरिक्‍त अर्थसंकल्प विधिमंडळात सादर करण्यात आला. विधानसभेत अर्थमंत्री सुधीर मुनगंटीवार,...
Read More
post-image
देश

अनिल अंबानीच्या कंपनीवर चिनी बँकांचे अब्जावधीचे कर्ज

मुंबई – उद्योगपती मुकेश अंबानी हे आशिया खंडातील सर्वात श्रीमंत व्यक्‍ती आहेत. तर त्यांचा धाकटा भाऊ उद्योगपती अनिल अंबानी हे भारतातील सर्वात कर्जबाजारी उद्योगपती...
Read More
post-image
देश

‘चमकी’चे १०० हून अधिक बळी! कशामुळे होतो हा आजार?

नवी दिल्ली – एक्यूट इंसेफेलाइटिस सिंड्रोम अर्थात चमकी तापामुळे बिहारमध्ये आतापर्यंत १०० हून अधिक मुलांचा मृत्यू झाला आहे. तर या तापाच्या रुग्णांची संख्याही झपाट्याने...
Read More
post-image
आघाडीच्या बातम्या मनोरंजन

बिग बॉस मराठी २ : आज रंगणार ‘शेरास सव्वा शेर’

मुंबई – बिग बॉस मराठीच्या घरामध्ये काल कॅप्टनसी कार्य वैशाली माडे, विद्याधर जोशी आणि अभिजीत केळकर या उमेदवारांमध्ये रंगले. ज्यात वैशाली माडे घराची नवी...
Read More
post-image
आघाडीच्या बातम्या देश

जेट एअरवेज अखेर दिवाळखोरीत

नवी दिल्ली – आर्थिक अडचणीत सापडलेल्या जेट एअरवेज कंपनी अखेर दिवाळखोरीत काढण्याचा निर्णय स्टेट बँकेने सोमवारी जाहीर केला. जेटमधील भांडवली हिस्सा विकत घेण्याबाबत एकाही...
Read More