शिवसेनेला युतीत घेण्यासाठी भाजपचा गळ, दिली उपाध्यक्षपदाची ऑफर – eNavakal
आघाडीच्या बातम्या महाराष्ट्र राजकीय

शिवसेनेला युतीत घेण्यासाठी भाजपचा गळ, दिली उपाध्यक्षपदाची ऑफर

मुंबई – गेल्या चार वर्षापासून रिक्त असलेले विधानसभेचे उपाध्यक्षपद शिवसेनेला मिळणार असल्याची शक्यता निर्माण झाली आहे. उपाध्यक्षपदाची ऑफर देऊन भाजपने शिवसेनेभोवती फास टाकल्याची चर्चा आहे. शिवसेना उपाध्यक्षपद स्वीकारणार का? हे गुरूवारी स्पष्ट होईल.

राज्य विधानसभेच्या उपाध्यक्षपदासाठी निवडणूक कार्यक्रमाची घोषणा अध्यक्ष हरिभाऊ बागडे यांनी आज बुधवारी सभागृहात केली. या निवडणुकीसाठीची गुरूवारी (ता. 29) सकाळी 11.45 वाजेपर्यंत विधानमंडळाचे प्रधान सचिव यांच्या दालनात अर्ज दाखल करायचा आहे. या अर्जाची छाननी प्रधान सचिव यांच्या दालनात दुपारी 12 वाजता होईल.

उमेदवारी माघारी घ्यावयाची असल्यास त्याबाबतची लेखी सूचना प्रधान सचिवांकडे शुक्रवारी (ता. 30) सकाळी 10.30 वाजेपर्यंत स्वत: उमेदवाराने किंवा त्याच्या अनुमोदकाने आणून देणे आवश्यक आहे. त्यानुसार गरज भासल्यास शुक्रवारी सकाळी 11.30 ते दुपारी 1 वा वेळेत विधानसभा सभागृहात मतदान घेतले जाणार आहे. दुपारी 1. 30 वाजता सभागृहाची बैठक पुन्हा सुरु होईल.

शिवसेनेला युतीत घेण्यासाठी भाजपचा गळ

मागील चार वर्षापासून रिक्त असलेले विधानसभा उपाध्यक्षपद शिवसेनेला देऊन भाजपने शिवसेनेला युतीत घेण्यासाठी गळ टाकला आहे. पदावर शिवसेनेचे पारनेरचे आमदार विजय औटी यांनी वर्णी लागण्याची शक्यता आहे. विधानसभेत भाजप 123 आणि शिवसेनेचे 63 असे संख्याबळ असून विरोधकांपेक्षा (85) तगडे असल्याने ही निवड बिनविरोध होण्याची शक्यता आहे. शिवसेनेकडून अहमदनगरमधील पारनेरचे आमदार विजय औटी यांचे नाव आघाडीवर आहे. संजय शिरसाठ, सुभाष साबणे यांच्याही नावाची चर्चा आहे.

Sharing is caring!

You may also like

Read More

post-image
देश विदेश

चेन्नईत भीषण पाणीटंचाई! लिओनार्डोने व्यक्त केली चिंता

न्यूयॉर्क – देशात यंदा मान्सूनच्या आगमनास उशीर झाल्याने भीषण पाणीटंचाई निर्माण झाली आहे. तामिळनाडूमध्ये ही समस्या अतिशय गंभीर झाली आहे. तेथील लोकांना पिण्याच्या पाण्यासाठी तडफडावे...
Read More
post-image
मनोरंजन

अभिनेत्री स्मिता तांबेचं ग्लॅमरस फोटोशूट पाहिलंत?

मुंबई – चतुरस्त्र अभिनेत्री स्मिता तांबे हिने नुकतंच स्टनिंग फोटोशूट केलं आहे. करारी, कणखर ते सोज्वळ, सोशीक अशा वेवेगळ्या धाटणीच्या स्त्री-प्रधान भूमिकांमध्ये दिसणारी सशक्त...
Read More
post-image
देश

डीएचएफएलने कर्जाचा हफ्ता बुडविला

नवी दिल्ली – दिवान हाऊसिंग लिमिटेड (DHFL)चे शेअर आज तब्बल नऊ टक्क्यांनी घसरले. बीएसईवर कंपनीच्या शेअरची किंमत 68.70 रुपये इतकी झाली आहे. या कंपनीने कमर्शिअल पेपर मॅच्युरिटीचे...
Read More
post-image
आघाडीच्या बातम्या देश राजकीय

५१ खासदारांच्या आग्रहानंतरही राहुल गांधी निर्णयावर ठाम

नवी दिल्ली – युपीए अध्यक्षा सोनिया गांधी यांच्या अध्यक्षतेखाली आज कॉंग्रेसच्या लोकसभा खासदारांची बैठक झाली. या बैठकीत कॉंग्रेस नेते राहुल गांधीदेखील उपस्थित होते. या बैठकीत...
Read More
post-image
आघाडीच्या बातम्या मनोरंजन

बिग बॉस मराठी २ : ‘टिकेल तोच टिकेल’

मुंबई – बिग बॉस मराठीच्या घरामध्ये आज ‘टिकेल तोच टिकेल’ हे कार्य रंगणार आहे. हे कार्य दोन टीममध्ये पार पडेल. कार्यानुसार गार्डन एरियामध्ये एक सिंहासन...
Read More