पारनेरमध्ये उद्धव ठाकरेंच्या गाडीवर दगडफेक झाल्याच्या वृत्ताने खळबळ – eNavakal
महाराष्ट्र राजकीय

पारनेरमध्ये उद्धव ठाकरेंच्या गाडीवर दगडफेक झाल्याच्या वृत्ताने खळबळ

अहमदनगर – शिवसेनेचे पक्षप्रमुख उध्दव ठाकरे यांच्या उपस्थितीत आज पारनेर (जि.नगर) येथे शिवसेनेचा मेळावा पार पडला. मेळावा संपल्यानंतर उध्दव ठाकरे यांच्या गाडीचा ताफा सभास्थानावरून निघून गेल्यानंतर एका गाडीवर अज्ञातांनी दगडफेक केली. याप्रकाराने शिवसेना मेळाव्याला एक प्रकारे गालबोट लागले. ठाकरेंच्या ताफ्यावर दगडफेक झाल्याचे वृत्त चुकीचे असून तसा कोणताही प्रकार घडला नसल्याचे शिवसेना उपनेते अनिल राठोड यांनी पत्रकारांशी बोलताना सांगितले.
पारनेर येथे उध्दव ठाकरे यांची सभा झाली. या कार्यक्रमाचे आयेाजन शिवसेना आमदार विजय औटी यांनी केले होते. उध्दव ठाकरे सभास्थानी असताना तालुका प्रमुख निलेश लंके समर्थकांसह कार्यक्रमस्थळी शक्तीप्रदर्शन करत आले. त्यानंतर उध्दव ठाकरे यांनी शिवसैनिकांना संबोधित केले. सभा संपवून ठाकरे यांच्या गाड्यांचा ताफा हेलिपॅडकडे जात असताना काही वेळाने पाठीमागून आलेल्या एका गाडीवर दगडफेक झाली. या दगडफेकीत सदर गाडीची मागची काच फुटली या घटनेमुळे सभास्थानी मोठा तणाव निर्माण झाला होता.
या घटनेनंतर उध्दव ठाकरे यांच्या ताफ्यावर दगडफेक झाल्याची चर्चा सर्वत्र सुरू झाली. या घटनेवर शिवसेनेने पत्रकार परिषद घेऊन खुलासा केला. राठोड म्हणाले की, सभा संपल्यानंतर मी उभा असताना एक ईनोव्हा गाडीचालकाने गाडी जोरात घेऊन जात असताना माझ्या व जिल्हा परिषद सदस्य संदेश कार्ले यांच्या पायारून गाडी घातली. त्यामुळे संतप्त झालेल्या नागरिकांपैकी एकाने गाडीवर दगड फेकला. यानंतर काही वेळातच मी स्वतःला सावरून वाहनचालकांना गाडी बाजूला घेण्यास सांगितले. त्यामुळे पुढील अनर्थ टळला. या पत्रकार परिषदेत जिल्हाप्रमुख शशिकांत गाडे, रावसाहेब खेवरे, महापौर सुरेखा कदम, शहरप्रमुख दिलीप सातपुते आदीसह शिवसैनिक उपस्थित होते.
दरम्यान, दगफेक करणारे तालुका प्रमुख निलेश लंके यांचे समर्थक असल्याचे बोलले जात आहे. मात्र याबाबत लंके तसेच शिवसेना यांच्याकडून अधिकृत सांगण्यात आले नाही. पारनेर तालुक्यात आ.विजय औटी व तालुका प्रमुख निलेश लंके यांच्या गटामध्ये गेल्या काही दिवसांपासून गटबाजी सुरु आहे. लंके हे शिवसेनेकडुन विधानसभेसाठी इच्छूक आहेत. या गटबाजीमुळेच हा प्रकार घड्ल्याचे सांगण्यता येत आहे. निलेश लंके यांची तालुका प्रमुख पदावरुन हाकालपट्टी करण्यात आल्याचीही चर्चा सध्या राजकीय वर्तुळात सुरु होती. मात्र, लंके यांची हाकालपट्टी करण्यात आलेली नाही पक्षश्रेष्ठीकडून असा कोणताही आदेश आलेला नाही असे दक्षिण जिल्हा प्रमुख शशिकांत गाडे यांनी पत्रकार परिषदेत सांगितले.

Sharing is caring!

You may also like

Read More

post-image
News महाराष्ट्र मुंबई

मॉल पार्किंग मोफत देण्याचा कायदा आहे का? मुंबई हायकोर्टाचा पुणे पालिकेला सवाल

मुंबई – पुणेकरांना मॉलमध्ये पार्किंग शुल्क फ्री करण्याबाबत पालिकेचा कायदा आहे का? असा सवाल उच्च न्यायालयाने आज उपस्थित केला. पार्किंगचे शुल्क वसूल करण्यास मनाई...
Read More
post-image
News मुंबई

वर्सोवा ते लोखंडवाला रस्त्याच्या बांधकामात कांदळवनांचा बळी

मुंबई – मुंबईकरांचा प्रवास सुखकर व्हावा यासाठी वर्सोवा ते लोखंडवाला लिंक रोड एमएमआरडीएच्या वतीने बांधण्यात येणार आहे. परंतु या मार्गासाठी कांदळवनांचा बळी जाणार असल्याचा...
Read More
post-image
News मुंबई

पालिका प्रसूतीगृहांमध्ये बसवणार सीसीटिव्ही कॅमेरे

मुंबई – देशात सर्वात मोठी पालिका म्हणून गणल्या जाणार्‍या मुंबई पालिकेने आपल्या रुग्णालय व प्रसूतीगृहांवर लक्ष केंद्रित करण्याचा निर्णय घेतला आहे. पालिकेच्या रुग्णालयातून नवजात...
Read More
post-image
News मुंबई

मुंबईत सर्वोत्कृष्ट रेल्वे स्थानकाचा मान ‘मुंबई सेंट्रल’ला मिळाला

मुंबई – मुंबई शहरातील सर्वोत्कृष्ट रेल्वे स्थानक म्हणून ‘मुंबई सेंट्रल’चे नाव समोर आले आहे. आंतरराष्ट्रीय स्तरावरील पर्यवरणपूरकतेच्या तब्बल 12 कसोट्यांवर पात्र ठरल्याने मुंबई सेंट्रल...
Read More
post-image
News महाराष्ट्र

पुरामुळे साखर महाग झाली दुसर्‍यांदा दरवाढ! 40 रुपये किलो

कोल्हापूर – पूरस्थिती पूर्णपणे निवळत चालली असली तरी या कोल्हापूर आणि सांगलीच्या पुराचा फटका साखरेला बसला आहे. साखरेचे भाव दुसर्‍यांदा वाढले आहेत. मागील आठवड्यात...
Read More