अंगणवाडी सेविकांना लावलेल्या मेस्मा कायद्यावरून विधानसभेत गदारोळ – eNavakal
मंत्रालय महाराष्ट्र

अंगणवाडी सेविकांना लावलेल्या मेस्मा कायद्यावरून विधानसभेत गदारोळ

मुंबई –  विधानसभेत अंगणवाडी सेविकांना लावलेला मेस्मा कायदा मागे घेण्याची मागणी करत शिवसेना आणि राष्ट्रवादीने गोंधळ घातला.हा गदारोळ सुरू असतानाच शिवसेनेचे आमदार ज्ञानराज चौगुले यांनी सभागृहातील राजदंड पळवला.

सभागृहाचे कामकाज सुरू झाल्यापासून जोपर्यंत मेस्मा रद्द केला जात नाही, तोपर्यंत सभागृहाचे कामकाज चालू देणार नाही अशी आक्रमक भूमिका  विरोधी पक्षांनी घेत विधानसभेत गदारोळ घातला. या गोंधळामुळे सकाळच्या सत्रात विधानसभा अध्यक्ष हरिभाऊ बागडे यांनी सभागृहाचे कामकाज काही वेळासाठी तहकूब केले मात्र त्यानंतर कामकाज सुरू होताच पुन्हा एकदा या प्रश्नावरून गोंधळ सुरू झाला. त्याचवेळी शिवसेनेचे आमदार चौगुले यांनी विधानसभा अध्यक्षांसमोरील राजदंड पळवला.

त्याआधी सरकार लोकशाहीची गळचेपी  करत असून त्यांची हुकूमशाही प्रवृत्ती सुरू असल्याचा आरोप राष्ट्रवादी काँग्रेसचे नेते अजित पवार यांनी केला. अंगणवाडी सेविकांना मेस्मा लावायचा असेल तर त्यांना सातव्या वेतन आयोगाप्रमाणे वेतन देण्याची मागणी शिवसेनेने केली तर मेस्मा कायदा मागे घेतल्याशिवाय सभागृहाचे कामकाज चालू न देण्याची भूमिका विरोधी पक्षनेते राधाकृष्ण विखे पाटील यांनी घेतली. या मागणीसाठी आक्रमक झालेले आमदार सभागृहाच्या वेलमध्ये उतरले होते. त्यातच पंकजा मुंडेंनी  मेस्मा कायदा मागे घेणार नाही अशी भूमिका घेतली त्यामुळे गोंधळात भर पडली. अखेर विधानसभा अध्यक्षांनी काही काळासाठी सभागृहाचे कामकाज तहकूब केले.

Sharing is caring!

You may also like

Read More

post-image
महाराष्ट्र शेती

पावसाने दडी मारल्याने भातशेती संकटांत

वाडा – पालघर जिल्ह्यात पावसाने गेल्या पंधरा दिवसांपासून दडी मारल्याने व कडक उन्हामुळे भातशेती संकटांत आली आहे.भात तयार होण्याच्या ऐन मोसमात पावसाने दडी मारल्याने शेतकरी...
Read More
post-image
आघाडीच्या बातम्या क्रीडा

#AsiaCup2018 भारताने नाणेफेक जिंकून घेतला गोलंदाजीचा निर्णय

दुबई – एशिया चषक क्रिकेट स्पर्धेतील दुसर्‍या टप्प्याला आजपासून प्रारंभ होत असून, सुपर फोरमध्ये पुन्हा एकदा भारत, पाकिस्तान, बांगला देश आणि आफगाणिस्तान यांच्यात लढती...
Read More
post-image
महाराष्ट्र

दडी मारलेल्या पावसाची राजापूरमध्ये दमदार हजेरी

रत्नागिरी – गेल्या काही दिवसांपासून जिल्ह्यात पावसाने दडी मारलेली आहे. काही तुरळक सरींचा अपवाद वगळता पावसाने तशी पाठच फिरवली होती. त्यामुळे बळीराजा चिंतेत आहे. पण...
Read More
post-image
महाराष्ट्र

नदीतील तरंगता कचरा काढण्यासाठी ‘फ्लोटर वॉटर ड्रोन’चा वापर

पिंपरी – शहरातील पवना, इंद्रायणी व मुळा नदीपात्रातील तरंगता कचरा स्वच्छ करण्यासाठी पिंपरी-चिंचवड महापालिकेने ‘फ्लाटिंग वॉटर ड्रोन’ची मदत घेतली आहे. गणेशोत्सवात प्रायोगित तत्त्वावर पवना...
Read More
post-image
मुंबई वाहतूक

मुंबईत रिक्षा आणि टॅक्सी ड्रायव्हर्सना नवे नियम लागू

मुंबई – मुंबईतील काही टॅॅक्सी ड्रायव्हर्सना आता परमिट दिले जाणार नाही. जे ड्रायव्हर्स कोणत्याही गुन्हेगारी प्रकरणात अडकेलेले आहेत किंवा ज्यांच्यावर सध्या कोर्टात केस सुरु...
Read More