शाहिर दत्ताजी वाघ काळाच्या पडद्याआड – eNavakal
अन्य महाराष्ट्र

शाहिर दत्ताजी वाघ काळाच्या पडद्याआड

नाशिक – प्रसिध्द लोककलावंत, आंबेडकरी जलसाकार, शाहीर दत्ताजी श्रीपतराव वाघ यांचे आज डांगरउतारा येथील राहत्या घरी निधन झाले. ते ६२ वर्षाचे होते. त्यांच्या पश्चात एक मुलगा, एक मुलगी, सून असा परिवार आहे. पंचवटी येथील अमरधाममध्ये दत्ता वाघ यांच्यावर अंत्यसंस्कार करण्यात आले.

शाहीर दत्ता वाघ हे कसलेले कलावंत होते त्यांचा आवाज खणखणीत होता. गाण्याची प्रचंड आवड असल्याने ते आंबेडकरी जलशातून गाणी म्हणत. विशेषत: बाबासाहेब आंबेडकर यांची गाणी म्हणण्यात त्यांना विशेष रस होता. वामनदादा कर्डक, अण्णा भाऊ साठे यांची गाणी ते आवर्जुन म्हणत. शाहिरीतून समाजप्रबोधन करतानाच शिवसेनेतही ते सक्रिय होते. १९६८ मध्ये काकासाहेब सोलापूरकर यांच्या उपस्थितीत त्यांनी शिवसेनेत प्रवेश केला होता.

वाघ हे अनेक वर्षे अखिल भारतीय मराठी शाहिरी परिषदेचे उत्तर महाराष्ट्र उपाध्यक्ष होते. तसेच मानधन निवड समितीचेही अध्यक्ष होते. कलावंतांचा मानधनाचा प्रश्न सो़डवतानाच आर्थिकदृष्ट्या मागासलेल्या अनेक कलावंतांचा निवृत्तीवेतनाचा प्रश्नही त्यांनी सोडवला होता. महापालिकेची नोकरी सोडल्यानंतर त्यांनी ‘शाहीर दत्ता वाघ आणि पार्टी’ या नावाने कलापथक काढले होते. ‘गावरान ठेवा’ नावानेही त्यांचा एक कार्यक्रम चालत असे. त्यांना अनेक पुरस्कारांनी सन्मानित करण्यात आले होते. गेल्याच वर्षी त्यांना ऑगस्ट २०१७ मध्ये वामनदादा कर्डक जयंती निमित्त ‘कलाभूषण’ पुरस्कार देऊन गौरविण्यात आले होते.

Sharing is caring!

You may also like

Read More

post-image
आघाडीच्या बातम्या देश

राहुल गांधींनी लोकसभेत घेतली खासदारकीची शपथ

नवी दिल्ली – मोदी सरकार पुन्हा सत्तेवर आल्यानंतर संसदेचे पहिले अधिवेशन आज सोमवारपासून सुरू होत आहे. आज वीरेंद्र कुमार यांनी हंगामी लोकसभा अध्यक्ष म्हणून शपथ...
Read More
post-image
देश

#CycloneVayu २४ तासांत अनेक राज्यांत मुसळधार पावसाचा इशारा

नवी दिल्ली – वायू चक्रीवादळाने दिशा बदलल्याने गुजरात आणि मुंबईसह कोकणावरील धोका टळला आहे. मात्र हे वादळ गुजरातच्याच दिशेने पुढे जाईल, असे हवामान खात्याने...
Read More
post-image
विदेश

वादग्रस्त प्रत्यार्पण विधेयकावरून हाँगकाँगच्या प्रमुखांनी मागितली माफी

हाँगकाँग – वादग्रस्त प्रत्यार्पण विधेयकाला सरकारने स्थगिती दिली असतानाही काल रविवारी हाँगकाँगमध्ये लाखो नागरिक रस्त्यावर उतरले होते. या आंदोलकांनी हाँगकाँग नेत्याच्या राजीनाम्याची मागणी केली....
Read More
post-image
आघाडीच्या बातम्या आंदोलन आरोग्य देश

ममता बॅनर्जींसोबत चर्चेसाठी डॉक्टर रवाना

मुंबई – पश्चिम बंगालमध्ये निवासी डॉक्टरला रुग्णाच्या नातेवाईकांकडून झालेल्या मारहाणीचा निषेध म्हणून इंडियन मेडिकल असोसिएशनने (आयएमए) आज सोमवारी देशव्यापी बंदची हाक दिली आहे. त्यानुसार...
Read More
post-image
देश

एक देश, एक निवडणूक! मोदींनी बोलावली बुधवारी बैठक

नवी दिल्ली – प्रचंड बहुमत व देशाच्या सत्तेवर पूर्णपणे पकड निर्माण झाल्यावर पंतप्रधान नरेंद्र मोदी यांनी आणखी एक हादरवणारा निर्णय घेण्याचे ठरविले आहे. ‘एक...
Read More