शरद पवारांची पार्थसाठी सभा! पंतप्रधानांवर जोरदार टीका – eNavakal
News महाराष्ट्र

शरद पवारांची पार्थसाठी सभा! पंतप्रधानांवर जोरदार टीका

चाकण – पुलवामा घटनेनंतर दुसर्‍या दिवशी सर्वपक्षीयांची बैठक झाली. या बैठकीत देशाचा माजी संरक्षण मंत्री म्हणून काय करायला हव असा प्रश्न विचारला गेला. त्यावर देशाच्या लष्कराला संपूर्ण अधिकार देऊन अतिरेकी तळ उद्ध्वस्त करण्याचे आदेश शासनाने द्यावेत असा सल्ला देण्यात आला. त्याला सर्वांनी एकमुखी पाठींबा दिला. मात्र या बैठकीला केंद्र शासनाचे प्रमुख मंत्रीच उपस्थिती नव्हते. आम्ही विचारलं पंतप्रधान कुठे आहेत? तर ते धुळ्याला येऊन राजकीय कार्यक्रमात व्यस्त असल्याचे समजले. पुलवामासारख्या घटनेचाही राजकीय फायदा घेतला जात असल्याची बोचरी टीका राष्ट्रवादी काँग्रेसचे राष्ट्रीय अध्यक्ष खा. शरद पवार यांनी भोसे ( ता. खेड) येथे केली.
राष्ट्रवादी काँग्रेसच्या वतीने चाकण जवळ भोसे ( ता. खेड) येथे कार्यकर्ता मेळाव्याचे आयोजन करण्यात आले होते. त्यावेळी मार्गदर्शन करताना खा. पवार बोलत होते. पुढे बोलताना पवार म्हणाले कि, नोटाबंदीचा निर्णय मोदींनी घेतला. पण बँकेत चलन बदलून घेण्यासाठी ज्या रांगा लागल्या त्यात शंभरपेक्षा जास्त लोकांचा मृत्यू झाला. अनेकांच्या नोकर्‍या गेल्या, शेतीवर परिणाम झाल्याची टीकाही शरद पवार यांनी केली. अभिनंदनला पाकिस्तानने पकडले तेव्हा जिनेव्हा करारा अंतर्गत त्यांना सोडण्यात आले. परत आल्यावर त्यांच्या पत्नीने विशेषतः भाजपाला जवानांच्या शौर्याचा राजकीय फायदा घेऊ नका असे सांगितल्याचेही पवार यांनी यावेळी सांगितले. शौर्य कोणी दाखवले, त्याग कोणी केला आणि छाती फुगवून कोण दाखवतेय, असे म्हणत पवार यांनी पंतप्रधानांवर थेट हल्लाबोल केला. जवानांनी दाखवलेल्या शौर्याचे राजकारण केले जात आहे, अशी टीका त्यांनी केली. या मेळाव्यास माजी उपमुखमंत्री अजित पवार, राष्ट्रवादीचे प्रदेशाध्यक्ष जयंतराव पाटील, दिलीप वळसे पाटील, माजी आमदार दिलीप मोहिते, विलास लांडे, मंगलदास बांदल, अमोल कोल्हे यांच्यासह मान्यवर उपस्थित होते.
शौर्य कुणाचे व छाती कोण बडवतो
देशावर कोणी हल्ला केला, तर मतभेद बाजुला ठेवावेत, राजकारण करू नये असे वाटते. मात्र ‘कष्ट कोणी केले, शौर्य कोणी दाखवले व 56 इंचाची छाती कोण बडवतो’ असे म्हणत राष्ट्रवादी काँग्रेसचे राष्ट्रीय अध्यक्ष शरद पवार यांनी पंतप्रधान मोदी त्यांच्यावर खरमरीत टीका केली. पुलवामातील हल्ला हा 56 इंच छाती असलेल्या पंतप्रधान मोदींचे अपयश असल्याची पुस्तीही त्यांनी जोडली.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
आघाडीच्या बातम्या महाराष्ट्र

‘प्रहार जनशक्ती’च्या माजी जिल्हाध्यक्षाचा गोळीबारानंतर उपचारादरम्यान मृत्यू

अकोला – प्रहार जनशक्ती  पक्षाचे माजी जिल्हाध्यक्ष तुषार पुंडकर यांच्यावर अकोट शहरात गोळीबार करण्यात आले होता. यात तुषार पुंडकर यांचा उपचारादरम्यान मृत्यू झाला आहे....
Read More
post-image
आघाडीच्या बातम्या

दिल्लीनंतर ‘आप’ राज्यातील पालिका निवडणूक रिंगणात उतरणार!

मुंबई – विकासाच्या मुद्दयावर भर देणाऱ्या ‘आम आदमी पार्टी’ला दिल्लीकरांनी पुन्हा एकदा कौल देत पाच वर्षे सत्ता राखण्याची संधी दिली आहे. त्यामुळे नागरिकांचा हा कल...
Read More
post-image
आघाडीच्या बातम्या

जम्मू काश्मीरमध्ये लष्कर आणि दहशतवाद्यांमध्ये चकमक; २ अतिरेक्यांना कंठस्नान

बिजबेहरा – काश्मीर खोऱ्यातील बिजबेहरामधील संगम येथील भारतीय जवान आणि दहशतवाद्यांमध्ये चकमक झाली. या चकमकीत २ अतिरेक्यांना कंठस्नान घालण्यात जवानांना यश आले आहे. हे दोन्ही दहशतवादी...
Read More
post-image
महाराष्ट्र

लातूरमध्ये भगर खाल्लेल्या २५ जणांना विषबाधा

लातूर – महाशिवरात्रीनिमित्त उपवासासाठी आणलेली भगर खाल्ल्याने २५ जणांना विषबाधा झाली आहे. विषबाधा झालेल्यांना नजीकच्या रुग्णालयात दाखल करण्यात आले आहे. लातूरमधील औसा तालुक्यातील याकतपूर...
Read More
post-image
आघाडीच्या बातम्या

पुण्यातील पुठ्ठयाच्या गोदामाला आग; घटनास्थळी अग्निशमन दलाच्या चार गाड्या दाखल

पुणे – स्वामी विवेकानंद इंडस्ट्रियल भागातील गोदामाला आग लागल्याची घटना घडली आहे. हडपसर येथील पुठ्ठयाच्या गोदामाला ही आग लागल्याचे समजत आहे. अग्निशमन दलाच्या चार गाड्या...
Read More