वृत्तविहार : हंगामा आणि अमिताभ बच्चन – eNavakal
लेख

वृत्तविहार : हंगामा आणि अमिताभ बच्चन

एकीकडे राजकारण्यांचा वाटेल ते बरळण्याचा किंबहुना वाटेल त्या गोष्टी करण्याचा शिमगा सुरू असतानाच प्रसिध्दी आणि पैसा या दोन बाबतीत तेवढेच महत्त्व असलेल्या मनोरंजन, क्रिकेट किंवा अन्य कला क्षेत्रात बोटावर मोजण्याइतकेच लोक आहेत की जे आपल्या एकूणच सगळ्या व्यवहारात अतिशय सावधपणे वागताना दिसतात.

ठळकपणाने डोळ्यासमोर येणारी दोन ते तीन नावे आहेत की जे कधीही कोणत्याही वादामध्ये एकतर तोंड खुपसत नाहीत. किंवा त्यांच्यामुळे नवीन वादही निर्माण होत नाहीत. एक म्हणजे गानसम्राज्ञी लता मंगेशकर आणि कुटुंब, दुसरे नाव म्हणजे सचिन तेंडूलकर आणि तिसरे चिरंतन सुपरस्टार राहणारे अमिताभ बच्चन. अलिकडेच त्यांच्या वाढदिवसानिमित्त त्यांच्या भक्तांनी अनेक प्रकारे त्यांचे लक्ष वेधण्याचा उद्योग करून बघितला. बच्चन यांच्या घरासमोर होर्डिंग लावून आपण कसे त्यांचे चाहते आहोत हे दाखवून प्रसिध्दी मिळवण्याचा प्रयत्न एका शिवसेना नेत्याने केला. परंतु अमिताभ बच्चन यांच्याकडून या संदर्भात एका शब्दानेही प्रतिक्रिया व्यक्त झालेली नाही. अशाच वाढदिवसाच्यानिमित्ताने एका कार्यक्रमात बच्चन यांना पत्रकारांनी तनुश्री दत्ता आणि नाना पाटेकर यांच्याविषयी छेडले असता त्यांनी जे मार्मिक उत्तर दिले ते सगळ्यांनीच विचार करण्यासारखे ठरते. अमिताभ बच्चन म्हणाले की, ‘ना मै तनुश्री दत्ता हू, ना मै नाना पाटेकर हू।’ या दोन वाक्यामध्ये आपण या विषयावर बोलण्याचे तसे काहीच कारण नाही हे त्यांनी अतिशय सभ्य भाषेमध्ये स्पष्ट केले. कोणतीही झंझट आपल्यामागे लावून घ्यायची नाही नको त्या वादात पडायचे नाही. दुसऱ्यांच्या प्रश्नांना फुकटची उत्तरे देत बसण्यापेक्षा दुसऱ्यांनाच काही अभ्यासपूर्ण प्रश्न विचारून कौन बनेगा करोडपती अशासारख्या कार्यक्रमातून पैसे मिळवत राहायचे हा अमिताभ बच्चन यांचा स्मार्ट असा फंडा आहे आणि ही गोष्ट तितकीच मान्य केली पाहिजे की एखादी घटना घडल्यावर ती सतत वादग्रस्त ठेवण्याकरीता अनेकांच्या प्रतिक्रिया विचारल्या जातात. त्यातून त्या प्रश्नाचे उत्तर तर सापडत नाहीच. उलट प्रश्न विचारणाऱ्यांची गुणवत्ता लक्षात येते. आणि थिल्लर विषयसुध्दा कसे ग्लॅमर होऊ शकतात हे दाखवून द्यायचे. हा प्रकार आपल्या देशात अतिशय सहजपणे घडू लागला आहे.

कौन बनेगा करोडपती या कार्यक्रमातूनसुध्दा अमिताभ बच्चन यांना तुफान प्रसिध्दी आणि पैसाही मिळतो आहे असे सगळे सुगीचे दिवस सुरू असताना किंवा हंगाम सुरू असताना केवळ हंगामा खडा करने मे बच्चन यांना काहीच रस नाही हे त्यांच्या अलिप्त आणि तटस्थ व्यवहारांवरून दिसून येते.

Sharing is caring!

Leave a Comment

Your email address will not be published.

You may also like

Read More

post-image
News मुंबई

इलेक्ट्रिक बस करार रद्द! बेस्टला हायकोर्टाचा दणका

मुंबई- प्रदुषणावर आळा घालण्यासाठी 40 इलेक्ट्रिक बस पुरविण्याचा एका कंपनीशी केलेला करार एकतर्फी रद्द करण्यार्‍या बेस्ट प्रशासनाला उच्च न्यायालयाने आज चांगलाच दणका दिला. कायद्याचे उल्लंघन...
Read More
post-image
News मुंबई

‘मीटू’ मोहिमेबाबत हायकोर्टात याचिका

मुंबई- संपूर्ण देशभरात सुरू असलेल्या ‘मीटू’ या मोहिमेबाबत आज हायकोर्टात याचिका दाखल करण्यात आली आहे. वकील सन्नी पुनामिया यांनी ही याचिका दाखल केली आहे....
Read More
post-image
News देश

एम. जे. अकबरांवर आणखीन एक आरोप! महिला पत्रकाराने लेखाच्या माध्यमातून केले उघड

नवी दिल्ली-  लैंगिक शोषणाच्या आरोपांमुळे अडचणीत आलेले परराष्ट्र राज्यमंत्री एम. जे. अकबर यांच्याविरोधात आणखीन एका महिला पत्रकाराने आरोप केला आहे. अकबर यांनी आपल्याला अनेकवेळा...
Read More
post-image
News मुंबई

नरेंद्र मोदींच्या शिर्डीतील कार्यक्रमाला गर्दी जमविण्यासाठी 2 कोटींची उधळण

मुंबई- राज्यात एकीकडे तिजोरीत खडखडाट असताना पंतप्रधान नरेंद्र मोदी यांच्या शिर्डीतील कार्यक्रमाला गर्दी जमविण्यासाठी राज्य सरकार तब्बल दोन कोटी रुपयांची उधळण करणार असल्याची धक्कादायक माहिती...
Read More
post-image
News देश

राहुल गांधी दोन दिवस मध्य प्रदेश दौर्‍यावर

ग्वाल्हेर- राहुल गांधी दोन दिवसांच्या मध्य प्रदेश दौर्‍यावर आहेत. आज, ग्वाल्हेर येथील किला भागात असलेल्या गुरुद्वाराला भेट देऊन त्यांनी माथा टेकला. यावेळी राहुलबरोबर ज्योतिरादित्य सिंधिया,...
Read More