वृत्तविहार : स्थलांतराचा वेधशाळेलाही अंदाज नाही – eNavakal
लेख

वृत्तविहार : स्थलांतराचा वेधशाळेलाही अंदाज नाही

वेधशाळांकडून व्यक्त होणारे अंदाज खरे ठरतीलच याची खात्री नसते. कधी कधी तर वेधशाळांनादेखील त्यांनी व्यक्त केलेल्या अंदाजांबद्दलही आश्चर्य वाटत असते. महाराष्ट्रातील हवामानाचा अंदाज व्यक्त करण्याचे काम गेली 90 वर्षे पुणे वेधशाळेकडून होत होते. पण आता ही वेधशाळाच बंद करण्याचा निर्णय केंद्र सरकारने घेतला आहे. अशा पध्दतीने ऐन पावसाळ्यामध्ये आपली वेधशाळा बंद होईल असा कोणताही अंदाज तिथल्या अधिकार्‍यांना किंवा कर्मचार्‍यांना येऊ नये यावरून एकूणच हवामान अंदाजाचे शास्र काय आहे हेही लक्षात येते. असं म्हणतात की सिमला येथे असलेली ही वेधशाळा 1 एप्रिल 1928 ला पुण्यात स्थलांतरित केली गेली. 1945 पयर्ंत भारतीय हवामान शास्राचे हे मुख्यालय पुण्यात होते. नंतर ते दिल्लीला हलवले गेले. तरीसुध्दा पुणे वेधशाळेचे काम चालू ठेवण्याचा निर्णय त्यावेळी घेतला गेला होता. प्रामुख्याने महाराष्ट्रातील हवामानाचा अंदाज व्यक्त करण्याचे काम ही वेधशाळा आतापर्यंत प्रामाणिकपणे पार पाडत राहिली. आता म्हणे देशभरातील सगळ्या हवामानाचे अंदाज एकत्रितरित्या दिल्लीहून व्यक्त केले जाणार आहेत. सगळ्याच गोष्टींची सूत्रे दिल्लीतून हलवली जाऊ लागली तर मोठी पंचाईत होईल. दिल्ली ही देशाची राजधानी आहे. ही गोष्ट खरी पण याचा अर्थ हवामानावरची ही सत्ता दिल्लीतून हलवली जावीत. असा जर तिथल्या सत्ताधार्‍यांचा समज असेल तर तो एकाअर्थी चुकीचा ठरतो. मुळात दिल्लीतले हवामान प्रचंड खराब आहे. प्रदूषणाची कमाल पातळी गाठली गेली आहे. आणि असे खराब हवामान असलेल्या राजधानीतून हवामानाचा नेमका अंदाज मिळेल असे तरी कसे समजावे. अर्थात हा विनोदाचा भाग जरी सोडला तरी स्थानिक पातळीवर ठिकठिकाणी किंवा देशाच्या वेगवेगळ्या भागात वेधशाळांची गरज असताना संपूर्ण देशाकरीता एकच वेधशाळा असण्याचा निर्णय चुकीचाच म्हणावा लागतो. एकतर देशाचाच विचार केला तर नागपूर हे देशाचे मध्यवर्ती ठिकाण ठरते. तिथून संपूर्ण देशाच्या हवामानाचे अंदाज व्यक्त होणारे कार्यालय असणे अधिक सोयीचे ठरू शकते. महानगरांमध्ये होणारी सरकारी कार्यालयांची गर्दी कमी करण्याऐवजी वाढवण्याचाच प्रयत्न दिसून येतो. आज दिल्लीमध्ये सरकारी कार्यालयांची संख्या इतकी प्रचंड आहे की दिल्लीच्या एकूण लोकसंख्येमध्ये सत्तर टक्के सरकारी कर्मचार्‍यांचीच संख्या असल्याचे दिसून येते. अशा परिस्थितीत सगळ्याच कार्यालयांची तिथे गर्दी वाढवण्याचा प्रयोग अनाठायी म्हणावा लागतो. 90 वर्षे अस्तित्वात असलेल्या पुणे वेधशाळेला अचानक बंद करण्याचा निर्णय त्याच हवामान खात्याप्रमाणे बेभरोशाचाच वाटू लागतो. गंमतीचा भाग म्हणजे या वेधशाळेलाही आपल्याच स्थलांतराचा अंदाज येऊ नये हे गूढ नव्हे का?

Sharing is caring!

You may also like

Read More

post-image
आघाडीच्या बातम्या क्रीडा

दानिश कनेरियाने मॅच फिक्सिंगचा आरोप स्विकारला

लाहोर – पाकिस्तानी डावखुरा गोलंदाज दानिश कनेरियाने मॅच फिक्सिंगचे आरोप स्विकारले आहेत. या  प्रकरणात असलेला त्याचा सहखेळाडू मर्वेन वेस्टफील्ड यालासुध्दा काही काळासाठी तुरुंगवास भोगाावा...
Read More
post-image
आघाडीच्या बातम्या देश

तब्बल ५० कोटी मोबाईल नंबर बंद होणार?

नवी दिल्ली – देशातील जवळपास ५० कोटी मोबाईलधारकांचे सिम ‘डिस्कनेक्ट’ होण्याची शक्यता आहे. खासगी कंपन्या मोबाइल सिम कार्ड पडताळणीसाठी आधारचा वापर करू शकत नाहीत, असा निर्णय...
Read More
post-image
आघाडीच्या बातम्या देश

शबरीमाला मंदिराचा वाद चिघळला; जमावबंदी लागू

तिरुअनंतपूरम – केरळमधील प्रसिध्द शबरीमला मंदिरात कालपासून सर्व वयोगटातील महिलांना प्रवेश देण्यात येणार हेता, पण तेथील काही धार्मिक संघटनांनी सुप्रीम कोर्टाच्या निर्णयाला कडाडुन विरोध...
Read More
post-image
देश

पुलवामात एका दहशतवाद्याला कंठस्नान

श्रीनगर – काश्मीरच्या दक्षिण भागातील पुलवामात जवान आणि दहशतवाद्यांमध्ये झालेल्या चकमकीत जवानांनी एका दहशतवाद्याला कंठस्नान घातले आहे. पुलवामामध्ये दहशतवादी लपल्याची माहिती मिळताच भारतीय जवानांनी...
Read More
post-image
अपघात आघाडीच्या बातम्या देश

ट्रकची ‘राजधानी एक्स्प्रेस’ला धडक; ट्रक चालकाचा मृत्यू

झाबुआ (मध्य प्रदेश) – मुंबईहून दिल्लीला निघालेल्या राजधानी एक्स्प्रेसला मध्यप्रदेश मध्ये अपघात झाला आहे. मध्य प्रदेशमधील रतलामजवळील झाबुआ येथे ट्रकने रेल्वे फाटक तोडून त्रिवेंद्रम राजधानी एक्स्प्रेसला धडक दिली....
Read More