वृत्तविहार : सुधारगृहे की छळछावण्या – eNavakal
लेख

वृत्तविहार : सुधारगृहे की छळछावण्या

उत्तरप्रदेशातील शासकीय महिलावसतीगृहातून १९ महिला बेपत्ता असल्याची धक्कादायक बाब समोर आली आहे. त्यापूर्वी बिहारमधील मुजफ्फरपूर इथल्या शासकीय महिला वसतीगृहातील मुलींना सक्तीने अनैतिक गोष्टी करण्यासाठी बाहेर पाठवले जात असल्याचे प्रकरण पुढे आले आणि ते दडपून टाकण्याचे प्रयत्न एका महिलामंत्र्यानेच केल्याचे समोर आले आहे. महिलांची सुरक्षितता हा विषय अजूनही अतिशय चिंताजनक स्वरूपाचाच असल्याचे यावरून दिसून येते. समाजातल्या अनाथ मुलींच्या संगोपनासाठी शासकीय स्तरावर अशा प्रकारची वसतीगृहे चालवली जातात परंतु तिथली व्यवस्था आणि व्यवहार अतिशय दुर्दैवी स्वरूपाचा असतो. एक तर पुरेशा व्यवस्था तिथे नसतात. आणि विशेष म्हणजे या सर्व महिलांना स्वावलंबी करण्याच्यादृष्टीने कोणतेही ठोस उपक्रम राबवले जात नाहीत त्यांच्या रोजच्या जेवणाखाण्यापासून ते कपड्यांपर्यंत आबाळ होत असते.

सगळाच सरकारी कारभार असल्याने या महिलांची स्थिती वेठबिगारांपेक्षा फार वेगळी नसते. उत्तरप्रदेश, बिहार, दिल्ली राजस्थान, तामिळनाडू या राज्यांमध्ये या महिलांच्या वसतीगृहांमध्ये मोठ्या प्रमाणावर गैरप्रकार होतात. बिहारमधील मुजफ्फरपूरचे उदाहरण समोर आल्यावर उत्तरप्रदेशातील
महिला वसतीगृहाची पाहणी करणाऱ्या तिथल्या खरे नावाच्या महिला जिल्हाधिकारी त्याठिकाणी गेल्या असताना तिथे केवळ दोनच महिला उपस्थित असल्याचे त्यांना आढळून आले. बाकीच्या महिला कुठे आहेत असे विचारल्यावर त्या वसतीगृहाचे अधिक्षक उत्तर देऊ शकले नाहीत. त्यांना तात्काळ निलंबित केले गेले परंतु या महिला कुठे गेल्या याचा पत्ता नसल्याने हे प्रकरण खूपच गंभीर असल्याचे लक्षात येते. म्हणूनच देशभरातील विशेषत्वाने बालसुधारगृह आणि महिला वसतीगृहांमध्ये प्रचंड प्रमाणात गैरप्रकार होत असतात. अनेक ठिकाणची मुले आणि महिला तिथल्या वातावरणाला आणि जाचाला कंटाळून पळून जाण्याचा प्रयत्न करीत असतात. महाऱाष्ट्रातील चेंबूर येथील महिला सुधारगृहातील महिलांनी दोनवेळा पळून जाण्याचा प्रयत्न केला होता. याचा अर्थ शासकीय स्तरावरची ही सगळी सुधारगृहे नावापुरती सुधारगृहे असतात. तिथला कारभार मात्र गुलामांना वागवणाऱ्या
छळछावण्यांप्रमाणेच दिसून येतो. बिहार आणि उत्तरप्रदेशातील या घटना केंद्र आणि राज्य सरकारला जागे करणाऱ्या आहेत.

Sharing is caring!

You may also like

Read More

post-image
News महाराष्ट्र

‘त्या’महिलेचे घरकूल हरवले! प्रधानमंत्री योजनेचा ‘खेळ मांडला’

शहापूर, – प्रधानमंत्री घरकूल योजनेचे 2016/17 या कालावधीतील एकही मस्टर ऑनलाईन भरून सबमिशन न केल्यामुळे नडगाव ग्रामपंचायत हद्दीतील 14 लाभार्थ्यांना प्रत्येकी 18 हजार नव्वद रुपयांना...
Read More
post-image
News महाराष्ट्र

वसतिगृहांच्या तक्रारींवर निर्णय न घेतल्यास आंदोलन छेडण्याचा आरपीआयचा इशारा

क र्जत,- तालुक्यातील विविध शासकीय वसतिगृहात विद्यार्थ्यांच्या होत असलेल्या गैरसोयीबद्दल आरपीआयच्या शिष्टमंडळाने समाजकल्याण आयुक्त यांची भेट घेऊन तक्रार केली. वसतिगृहांच्या कार्यपद्धतीत आठ दिवसात सुधारणा...
Read More
post-image
आघाडीच्या बातम्या गुन्हे

अमृतसर – रावण दहनापूर्वीचा खळबळजनक व्हिडीओ व्हारल

अमृतसर – अमृतसरमध्ये घडलेल्या ट्रेन अपघातामध्ये ६१ लोकांचा जीव गेला. तर काही लोक गंभीर जखमी झाले आहेत. त्यातच एक खळबळ जनक वृत्त समोर येत...
Read More
post-image
महाराष्ट्र

फटाक्याच्या कारखान्याला आग, सुदैवाने जीवितहानी टळली

उस्मानाबाद -उस्त्मानाबादमधील तेरखेडा येथील एका फटाक्याच्या कारखान्यात रविवारी सायंकाळी 6 वाजण्याच्या सुमारास जबरदस्त स्फोट झाला. दरम्यान, घटनेवेळी कारखान्यात कोणीही नसल्याने मोठी जिवितहानी टळली. वाशी तालुक्यातील तेरखेडा...
Read More
post-image
आघाडीच्या बातम्या क्रीडा

विंडीजवर ८ गडी राखून भारताचा दणदणीत विजय

गुवाहाटी- पाहुण्या वेस्ट इंडिजविरुद्ध आज येथे झालेल्या पहिल्या वनडे सामन्यात भारतीय संघाने 8 गडी राखून दणदणीत विजय मिळवून 5 सामन्यांच्या मालिकेत 1-0 अशी आघाडी...
Read More