वृत्तविहार : सरकारी अनुदानाचा मुजरा     – eNavakal
लेख

वृत्तविहार : सरकारी अनुदानाचा मुजरा    

मनोरंजनाला तसे पाहिले तर कोणत्याच विषयाचे वावडे नसते. कोणत्या नावाने कोणत्या नटनट्यांना बरोबर घेऊन आणि कोणत्याही विषयावरचा चित्रपट कोणत्याही क्षणी प्रेक्षकांच्या अंगावर आदळू शकतो. सतत नवनवीन विषयांवर चित्रपट येत राहावेत किंवा या क्षेत्रातल्या तथाकथित प्रतिभेला वाव मिळावा म्हणून महाराष्ट्र तर उदार असते अनुदान देत असते. राज्य सरकारतर्फे अशा नवीन चित्रपट निर्मितीला वीस ते तीस लाखाचे अनुदान उपलब्ध करून दिले जाते. गेल्या दोन वर्षात महाराष्ट्रामध्ये अशा अनुदानाच्या खिरापतीवर चित्रपट निर्मातेसुध्दा तुटून पडत असतात.

अखेर हा सगळाच सरकारी मामला असल्यामुळे ज्याचा वशिला त्याच नंबर पहिला या पध्दतीने अनुदान पदरात पाडून घेण्याकरीता सर्व प्रकारचे उपाय केले जातात तरीदेखील गेल्या दोन वर्षात  पस्तीस ते चाळीस मराठी चित्रपटांना दहा कोटीपेक्षा जास्त अनुदान दिले गेले. पण ते निर्मात्यांच्या हातात पडले नाही. त्याची थकबाकी अजून बाकी आहे. आता त्याला मुहूर्त सापडल्याचे राज्याच्या सांस्कृतिक विभागाने जाहीर केलेले दिसते. दोन वर्षामध्ये पस्तीस ते चाळीस चित्रपट निर्माण झाले. सरकारी अनुदानावर ताव मारून तयार झालेल्या चित्रपटापैकी एकही चित्रपट गाजू नये किंवा राष्ट्रीय आंतरराष्ट्रीय स्तरावर एकाही मराठी चित्रपटाने झेंडा फडकवू नये हे आणखीनच आश्चर्यकारक ठरते. म्हणजे अनुदानाची थकबाकी राहिली आहे. हे जितके वास्तव आहे. तितकेच प्रेक्षकांच्या पसंतीला न उतरलेले हे चित्रपटही थकबाकी या सदरातच मोडावे लागतील.

प्रश्न एवढाच निर्माण होतो की मनोरंजनासारख्या उथळ आणि सवंग क्षेत्राला कोट्यवधीची खिरापत वाटली जाते. परंतु शेतीसारखा उद्योगफायद्यात यावा म्हणून मर मर करणाऱ्या शेतकऱ्याला असे कोणतेही अनुदान मिळत नाही. त्याला कर्जच घ्यावे लागते. कर्जबाजारीही व्हावे लागते. आणि बेभरोशाच्या या शेतीतून काहीच मिळाले नाही तर आत्महत्याही करावी लागते. शेतीचे सोडून द्या. पण अगदी गुणवत्ताप्राप्त अशा अभियंते असलेल्या तरूणांनी जरी स्टार्टअप सुरु करायचे म्हटले तरीही कर्जच दिले जाते. अनुदान मिळत नाही. आणि चित्रपटांना मात्र अनुदानाचे वरदान देऊन राज्यकर्त्यांनी आपल्या बुध्दीचे बारदान केलेले दिसून येते. चित्रपटांवर केली जाणारी ही मेहेरबानी कठोरपणे तपासली पाहिजे.

मनोरंजनासारखी आयोजित केला जाणारा हा अनुदानाचा मुजरा आता थांबवण्याची वेळ आलेली आहे. वर्षभरातून कलात्मक आणि अतिशय दर्जेदार विषय असणाऱ्या दोन चार चित्रपटांना अनुदान देणे वेगळे आणि पंधरा पंधरा चित्रपटांना वर्षाकाठी सरकारी खिरापत वाटणे वेगळे हा फरक समजून घेण्याची वेळ आलेली आहे.

 

Sharing is caring!

You may also like

Read More

post-image
आघाडीच्या बातम्या महाराष्ट्र वाहतूक

कोकण रेल्वेची वाहतूक विस्कळीत

मुंबई – कोचिवली एक्स्प्रेसच्या इंजिनात बिघाड झाल्याने कोकण रेल्वेची वाहतूक विस्कळीत झाली आहे. गोव्याहून मुंबईला जाणारी ही एक्प्रेस इंजिन बिघाडामुळे रत्नागिरीजवळ पाऊण तास करबुडे बोगद्यामध्ये अडकली....
Read More
post-image
आरोग्य देश

बिहारमध्ये मेंदूज्वरामुळे १३२ जणांचा बळी

पाटणा – बिहारमध्ये मेंदूज्वर तापाचा कहर अद्यापही सुरुच असून यामुळे मृतांची संख्या १३२ वर पोहोचली आहे. तसेच इतर रुग्णालयांमध्ये उपचारांविना मृत्यू झालेल्या मुलांची आकडेवारीही अद्याप...
Read More
post-image
महाराष्ट्र

पाणीप्रश्नावरून विधानसभेत गदारोळ! १५ मिनिटे तहकूब

मुंबई – अधिवेशनाचा चौथ्या दिवशी आज विधानसभेत पाणीप्रश्नावरून प्रचंड गदारोळ झाला असून विरोधक आक्रमक झाले आहेत. त्यामुळे विधानसभेचे कामकाज १५ मिनिटांसाठी तहकूब करण्यात आले...
Read More
post-image
आघाडीच्या बातम्या महाराष्ट्र मुंबई हवामान

दक्षिण कोकणात मान्सूनचे आगमन

मुंबई – राज्यभरात मान्सूनपूर्व पावसाच्या सरी कोसळत असल्या तरी जनता मान्सूनच्या आगमनाची आतुरतेने वाट पाहत होती. त्यामुळे जनतेला आता दिलासा मिळाला आहे. कारण मान्सून...
Read More
post-image
आघाडीच्या बातम्या मनोरंजन

बिग बॉस मराठी २ : शिव VS पराग आणि नेहा

मुंबई – बिग बॉस मराठीच्या घरात सुरू असलेल्या एक डाव धोबीपछाड या साप्ताहिक कार्यात बरीच भांडणंं, वाद विवाद, आरोप–प्रत्यारोप सुरू आहेत. या टास्कमध्ये जिंकण्यासाठी बिग बॉस...
Read More