वृत्तविहार : वॉटर कप आणि कपभर वॉटर – eNavakal
लेख

वृत्तविहार : वॉटर कप आणि कपभर वॉटर

पावसाळा सुरू असतानाच दुष्काळावर मात करणाऱ्याचे सत्कार करण्याची कल्पनाही अफलातून म्हणावी लागेल. अभिनेता आमिर खान याच्या पुढाकाराने राज्यामध्ये पाणी
फाऊंडेशनचे काम सुरू झाले. महाराष्ट्रातल्या ७५ तालुक्यांमध्ये पाणी कसे वाचवता येईल किंवा असलेल्या पाणी साठ्यांची क्षमता कशी वाढवता येईल यासाठी ग्रामस्थांच्या मदतीने काही उपक्रम राबवले गेले. लोकांच्याच मदतीने ही पाणी वाचवण्याची मोहीम सुरू झालेली आहे. यासाठी काही प्रमाणात पाणी फाऊंडेशनकडून आर्थिक मदत केली जाते. पण गावांचे पाणीप्रश्न सुटावेत दुष्काळाची झळ कमी व्हावी आणि भविष्यकाळातल्या या संकटावर अधिक मात करता यावी हा त्यामागचा उद्देश आहे. स्वाभाविकपणे अशा उपक्रमांमध्ये नाटक, चित्रपटातील सेलिब्रिटी उतरल्या तर लोकांमध्ये उत्साह थोडा वाढतो. याच पध्दतीने नाना पाटेकर आणि मकरंद अनासपुरे यांनीदेखील शेतकऱ्यांच्या मदतीकरता नाम फाऊंडेशन सुरू केले आहे. त्यालाही लोकांचा उत्स्फूर्त प्रतिसाद मिळत असतो. हे सगळे अभिनेते खेड्यामध्ये प्रत्यक्ष जाऊन लोकांमध्ये मिसळतात. त्या कामामध्ये सहभागी होतात. म्हणून लोकांचाही उत्साह वाढतो.

लोकांच्या या उत्स्फूर्त प्रतिसादाला अधिक प्रोत्साहन देण्याकरीता आमिर खानने सत्यमेव जयते वॉटर कप अशी स्पर्धा ठेवली होती त्यामधील विजेत्यांना पुरस्कार देण्याचा कार्यक्रम पुण्यातल्या एका स्टेडियममध्ये पार पडला. यावेळी सर्व राजकीय पक्षांचे नेते आवर्जून उपस्थित होते. अभिनेत्यांबरोबरची प्रसिध्दीची संधी राजकीय नेते कधीही सोडत नाहीत. यामधून हे राजकीय नेते पाण्यासाठी एकत्र आले असा त्यातून अर्थ काढला गेला. परंतु वस्तुस्थिती तशी नाही. पाण्यासाठी ते केवळ भांडणे जुंपण्याचेच काम करू शकतात. हा केवळ पुरस्कार वितरण सोहळा असल्यामुळे त्यांनी तिथे हजेरी लावली. चांगल्या कामासाठीही ते जर एकत्र आले नाहीत तर कपभर वाॅॅटरमध्ये डुंबण्याची त्यांच्यावर वेळ येईल. काही का असेना भविष्यातील कपभर पाण्याची चिंता लक्षात घेऊन अशा प्रकारची वाॅॅटर कप स्पर्धा आयोजित केली जात असेल तर त्याचे स्वागत केले पाहिजे. जगण्याचा आधार एकमेव पाणी हाच असतो. हे सत्य समजून घेऊन आमिर खानचे हे सत्यमेव जयते यशस्वी होऊ शकते.

Sharing is caring!

You may also like

Read More

post-image
मुंबई

मुंबई महापालिका रुग्णालयांना होणारा औषध पुरवठा आजपासून बंद

मुंबई – आजपासून मुंबईतील पालिकेच्या रुग्णालयांना होणारा औषधपुरवठा बंद होणार आहे. त्यामुळे रुग्णांना हाल सोसावे लागणार आहेत. ऑल फूड अॅण्ड लायसन्स होल्डर फाऊंडेशनने महापालिकेच्या...
Read More
post-image
आघाडीच्या बातम्या देश विदेश

अमेरिकेचे परराष्ट्र मंत्री पॉम्पिओ भारत दौऱ्यावर! पंतप्रधानांची घेतली भेट

नवी दिल्ली – अमेरिकेचे परराष्ट्र मंत्री माइक पॉम्पिओ हे तीन दिवसीय भारत दौऱ्यावर आले आहेत. त्यांनी आज दिल्लीत पंतप्रधान नरेंद्र मोदींची भेट घेतली. यावेळी...
Read More
post-image
महाराष्ट्र

इमारतीच्या प्लास्टरचा भाग कोसळून भिवंडीत ११ वर्षीय मुलीचा मृत्यू

भिवंडी – ३० वर्ष जुन्या इमारतीच्या प्लास्टरचा भाग कोसळून अकरा वर्षीय मुलीचा मृत्यू झाल्याची घटना भिवंडीच्या पद्मानगर भागात घडली आहे. गंगाजमुना या दुमजली इमारतीतील...
Read More
post-image
आघाडीच्या बातम्या महाराष्ट्र हवामान

गोव्यात मुसळधार पाऊस! जनतेला दिलासा

पणजी – गोव्यात आज मुसळधार पावसाने हजेरी लावली आहे. येथे गेल्या आठवड्यात ७० टक्के कमी पावसाची नोंद करण्यात आली असल्याने पावसाच्या प्रतीक्षात असलेली जनता पावसाने...
Read More
post-image
आघाडीच्या बातम्या मनोरंजन

टायगर-दिशाचा ब्रेकअप! चाहत्यांमध्ये नाराजी

मुंबई – बॉलिवूड अभिनेत्री दिशा पाटाणी आणि अभिनेता टायगर श्रॉफ यांनी आपल्या प्रेमाची कबुली कधीच उघडपणे दिली नाही. मात्र कधीच उघडपणे आपल्या रिलेशनशिपला नकारही दिला...
Read More