वृत्तविहार : वारी सरकारला भारी – eNavakal
लेख

वृत्तविहार : वारी सरकारला भारी

पंढरपूरच्या वारीची तयारी आतापासूनच सुरू झाली आहे. ज्ञानोबा तुकोबांच्या पालख्यांचे वेळापत्रकही घोषित झाले. जवळपास दीड महिना हा पालखी सोहळा चालत असतो. भक्तीचा प्रकार आहे तितकाच तो सामाजिक एकतेचा सत्प्रवृत्ती वाढीला लावण्याचा समाजातला सद्भाव जागृत करण्याचा मौलिक भाग ठरतो. स्वयंस्फूर्तीने आणि तितक्याच नियोजनपूर्वक वारीची आखणी केली जाते. हे पाहिल्यावर निदान सरकारने आपली स्वतःची जबाबदारी ओळखली पाहिजे. परंपरेने निश्चित झालेले वारीचे मार्ग अधिक व्यवस्थित करीत असताना ठिकठिकाणी स्वच्छतेच्या आणि विश्रांतीच्या सोयीसुविधा दिल्या गेल्या पाहिजेत. ज्यामधून वारकऱ्यांना आपल्या या समृध्द परंपरेचा अधिकाधिक अभिमान वाटू शकेल किंवा तो तितक्याच मनःपूर्वक मिरवता येईल.

महाराष्ट्राला लाभलेली ही पांडुरंग भक्तीची प्रभावळी टिकवून ठेवण्यामध्ये उत्स्फूर्त अशा वारकरी संप्रदायाच्या नियोजनाचा मोठा वाटा आहे. सरकारला विठ्ठल मंदिरातून भरपूर उत्पन्न मिळते. त्या उत्पन्नापैकी किमान सत्तर टक्के भाग हा वारीच्या नियोजनाकरीता वापरला पाहिजे आणि तीस टक्के भाग मंदिर व्यवस्थापनावर खर्च झाला पाहिजे. दुर्दैवाने विठ्ठल मंदिरातील उत्पन्नाचा कोणताही भाग प्रत्यक्ष वारीसाठी उपयोगात आणला जात नाही. इतर संस्थांना मदत करण्यासाठीही त्यातला पैसा वापरला जातो. परंतु पंढरपूरचे विठ्ठल मंदिर आणि वर्षभरातील मोठ्या संख्येने निघणारी आषाढी वारी याचा जर विचार केला तर मंदिरात जमा होणाऱ्या देणगीचा आणि दानाचा त्याच कारणासाठी सर्वाधिक उपयोग होईल असे, पाहिले गेले पाहिजे. अजूनही पंढरपूरमध्ये चंद्रभागा नदीची स्वच्छता, तिच्या पाण्याचा प्रवाह, वारकऱ्यांसाठी सर्व सोयींयुक्त निवारा आणि प्रसाधनगृह यांची वानवा आहे. मंदिर परिसराचे नियोजन करण्याचा सरकार प्रयत्न करीत आहे. त्याचे काम एका परदेशी कंपनीला दिल्याचे वृत्तही प्रकाशित झाले होते. त्या कामाचे पुढे काय झाले किंवा ते पूर्ण करण्याचा नेमका कालावधी काय याबाबत खुलासा झालेला नाही. ही गोष्ट खरी आहे की प्रत्यक्ष पालखी किंवा वारकऱ्यांसाठी विविध मार्गाचे नियोजन करीत असताना प्रत्यक्ष मंदिरात जाण्यासाठी असलेले मार्गदेखील विस्तारले गेले पाहिजे. तिथला परिसर अधिकाधिक मोकळा करून जास्तीत जास्त लोकांना सहजपणाने दर्शनाची सोय उपलब्ध झाली पाहिजे. परंपरेचे वैशिष्टय़ लक्षात घेताना त्याच्याशी संबंधित जाणिवांचे आकलन झाले पाहिजे. म्हणूनच सरकारने कोणत्याही प्रकारची काटकसर किंवा दीरंगाई न करता निदान पंढरपूरच्या वारीचे आदर्श नियोजन करून दाखवले पाहिजे. उलट अधिकाधिक तरूण पिढी या सत्संगासाठी जोडली कशी जाईल आणि तरूणांमध्ये वारीच्या माध्यमातून सामाजिकतेचे भान कसे वाढीला लागेल, असाही प्रयत्न सरकारकडून केला गेला पाहिजे.

Sharing is caring!

Leave a Comment

Your email address will not be published.

You may also like

Read More

post-image
आघाडीच्या बातम्या विदेश

विकिलीक्सच्या आसांजेवर आणखी १७ गुन्हे दाखल

वॉशिंटन – अमेरिकेने विकिलीक्सचे प्रकाशक जूलियन असांजेवर गुप्‍त माहिती अधिनियम अतंर्गत 17 नवे आरोप लावले आहेत. अमेरिकेने युकेकडून असांजेच्या प्रत्यापर्णणाची मागणी केली आहे. लंडनच्या बेलमार्श...
Read More
post-image
आघाडीच्या बातम्या देश

गिर्यारोहक अंजली कुलकर्णीचा एव्हरेस्ट शिखरावर मृत्यू

काठमांडू – भारतीय गिर्यारोहक अंजली कुलकर्णीचा एव्हरेस्ट शिखर उतरतांना पाय घसरून मृत्यू झाल्याची धक्‍कादायक घटना घडली आहे. त्यांचे पती शरद कुलकर्णी देखील त्यांच्या सोबत...
Read More
post-image
आघाडीच्या बातम्या गुन्हे मुंबई

सीनिअर डॉक्टर्सच्या रॅगिंगला कंटाळून महिला डॉक्टरची आत्महत्या

मुंबई – वरिष्ठ महिला डॉक्टरांकडून होणाऱ्या रॅगिंगला कंटाळून मुंबईतल्या नायर रुग्णालयातील महिला डॉक्टरने आत्महत्या केली आहे. पायल सलमान तडवी असं या डॉक्टरचं नाव आहे. ती मूळची...
Read More
post-image
आघाडीच्या बातम्या देश

अनुराग कश्यपच्या मुलीला मोदी समर्थकाची बलात्काराची धमकी

नवी दिल्‍ली – चित्रपट दिग्दर्शक अनुराग कश्यप यांच्या मुलीला एका मोदी समर्थकाने ट्विटरवरून बलात्काराची धमकी दिली आहे. या ट्विटचा स्क्रीन शॉर्ट शेअर करत अनुरागने...
Read More
post-image
आघाडीच्या बातम्या देश

मोस्ट वाँटेड दहशतवादी झाकीर मुसाचा खात्मा

श्रीनगर – भारतीय सुरक्षा यंत्राणांच्या हाती मोठे यश आले आहे. जम्मू-काश्मीरमधील मॉस्ट वाँटेड दहशतवादी झाकीर मुसाचा सुरक्षा यंत्रणांनी चकमकीत खात्मा केला. पोलीस, लष्कर आणि निमलष्करी...
Read More