वृत्तविहार : वन्य प्राण्यांची होणारी हानी – eNavakal
लेख

वृत्तविहार : वन्य प्राण्यांची होणारी हानी

जिथे मनुष्याच्या जीवनाची शाश्वती देता येत नाही. तिथे प्राण्यांना जगवण्याची हमी कोण घेणार असा प्रश्न निर्माण होतो. निसर्गाच्या रचनेमध्ये प्रत्येक प्राण्याला जगण्याचा अधिकार दिला गेला आहे. अगदी किड्यामुंग्यांपासून ते वाघ, सिंह यासारख्या हिंस्र प्राण्यांनासुध्दा निसर्गाने त्या त्या पध्दतीने सामावून घेतले आहे किंवा जगण्याची संधी दिली आहे. त्यांच्यासाठी खास जंगलांची निर्मितीही केली आहे. मनुष्याला या प्राण्यांचा कोणत्या ना कोणत्या माध्यमातून उपयोगही होत असतो. खरे सांगायचे तर या सगळ्या जीवसृष्टीचे रहस्य असे आहे की सर्व प्रकारचा समतोल साधण्याचा प्रयत्न करते.

जीवो जीवस्य जीवनम् हे या सृष्टीच्या रचनेचे एक सूत्र जरी असले तरी निसर्गाविषयीचे आकर्षण टिकवून ठेवण्याचे कामही प्राणीसृष्टी करते असे म्हटले तर चुकीचे ठरणार नाही. म्हणूनच तर मोराला आपण राष्ट्रीय पक्षी म्हणून गौरवतो. तर सिंहाला जंगलाचा राजा म्हणूनच मान दिला जातो. शिवाय त्याचा हा रूबाब भुरळ घालणारा असल्यामुळेच त्याला भारताच्या अशोकस्तंभावरही स्थान दिले गेले. वेगवेगळ्या ठिकाणी अभयारण्ये तयार करून त्या प्राण्यांचा निरीक्षणापुरताही त्याला आनंद मिळवायचा असतो. मात्र आता प्रचंड वाढत्या नागरीकरणामुळे या प्राण्यांनाही जगणे धोक्याचे वाटू लागले आहे. माणसाला माणसाचा भरोसा न वाटणे हे अलिकडे जितके स्वाभाविक मानले जाते तितकेच ते प्राण्यांच्याबाबतीतही खरे ठरू लागले आहे. गेल्या आठवड्यात सोलापूर जिल्ह्यात सतरा मोरांचा एकाचवेळी मृत्यू झाला तर आता महाराष्ट्रात जानेवारी ते जुलै या सात महिन्यात ६८ बिबट्यांचा मृत्यू झाल्याचे समोर आले आहे. आणि याची जी कारणे समोर आली ती या नागरीकरणाचीच समर्थन करणारी आहेत.

जंगलांमधून रस्त्यांची निर्मिती केली जात आहे तिथून जाणाऱ्या वाहनांच्या धडकेमध्ये काही बिबटे ठार झाले. तर काही ठिकाणी त्यांच्या चोरून शिकारीही केल्या आहेत. परंतु अशा पध्दतीने या वन्य प्राण्यांचे नामशेष होणे एकूणच सृष्टीला किंवा निसर्गाच्या नियमाविरूध्द म्हणावे लागते. प्राणी सहसा मनुष्याच्या प्रांतात प्रवेश करीत नाहीत परंतु मनुष्यच प्राण्यांच्या परिसरात घुसखोरी करीत असल्याने आज प्राण्यांच्या जीवाला धोका निर्माण झाला आहे.

Sharing is caring!

You may also like

Read More

post-image
आघाडीच्या बातम्या मनोरंजन

#MeToo भूषण कुमारांविरुद्ध लैंगिक शोषणाची तक्रार दाखल

मुंबई – ‘मीटू’ मोहिमेअंतर्गत देशात अनेक प्रतिष्ठित व्यक्तींची नावे समोर आली. यात टी-सीरीजचे मालक भूषण कुमार यांचाही समावेश आहे. त्यांच्याविरोधात आता मुंबईच्या ओशिवारा पोलीस...
Read More
post-image
महाराष्ट्र

मीरारोड येथे ३ सफाई कामगारांचा गुदमरून मृत्यू

मीरारोड – मीरा-भाईंदर महापालिकेच्या मलनि:सारण व शुद्धीकरण केंद्रातील सेप्टिक टँकची सफाई करत असताना मीरारोड येथील तीन मजुरांचा गुदमरून मृत्यू झाल्याची घटना घडली. मुजफ्फर मोहलिक...
Read More
post-image
आघाडीच्या बातम्या देश

जेट एअरवेज बचावाची आशा, मात्र एतिहादच्या कठोर अटी

मुंबई – आर्थिक अडचणींमुळे डबघाईला येऊन बंद पडण्याच्या वाटेवर असलेल्या जेट एअरवेजला एतिहाद एअरलाईनच्या नव्या प्रस्तावामुळे जिवंत राहण्याची आशा निर्माण झाली आहे. एतिहाद एअरलाईन ही...
Read More
post-image
आघाडीच्या बातम्या देश न्यायालय

राज्यात डान्सबार पुन्हा सुरू होणार

मुंबई – राज्यभरात डान्सबार पुन्हा सुरू करावे, असा निकाल सर्वोच्च न्यायालयाने दिला आहे. न्यायालयाने साडेपाच तास डान्सबार सुरू ठेवण्याची परवानगी दिली आहे. तसेच डान्सबारमध्ये...
Read More
post-image
गुन्हे देश

नवापूरच्या अल्पवयीन मुलीवर गुजरातमध्ये अत्याचार

नंदुरबार – नवापूर येथील अल्पवयीन मुलीवर तिघांकडून अत्याचार झाल्याची संतापजनक घटना घडली आहे. या तीन आरोपींवर नवापूर पोलीस ठाण्यात गुन्हा दाखल करण्यात आला आहे. पीडित...
Read More