वृत्तविहार : रामजन्मभूमी तोडग्याची सुरुवात – eNavakal
लेख

वृत्तविहार : रामजन्मभूमी तोडग्याची सुरुवात

अयोध्येतील राम जन्मभूमी, बाबरी मशिद वादा प्रकरणात न्यायालयाने मध्यस्थ समितीची नियुक्ती करून सर्वमान्य तोडगा काढण्याच्या दिशेने प्रयत्न सुरु केला आहे. या मध्यस्थांच्या समितीची पहिली बैठक नुकतीच पार पडली. या वादातले जे प्रमुख पक्षकार आहेत त्यांना निमंत्रित केले गेले होते त्यांनी आपले म्हणणे समितीसमोर मांडावे म्हणून संधी दिली गेली. न्यायालयाने निर्णय दिल्यानंतर मध्यस्थांच्या समितीची ही पहिलीच बैठक म्हणावी लागेल. गेली सत्तर वर्षे ज्या समस्येवर निर्णय होऊ शकलेला नाही किंवा न्यायालयाच्या निर्णयातूनही काहीच निष्पन्न होऊ शकले नाही तोच वाद आता या समस्येशी संबंधित दोन प्रमुख पक्षकारांच्या परस्पर समझोत्यातून संपवण्याचा न्यायालयाचा हा प्रयत्न नक्कीच काहीतरी मार्ग काढणारा ठरेल असे समजायला हरकत नाही. फक्त मध्यस्थांकडून या पक्षकारांना कशी संधी दिली जाते आणिपक्षकार आपली बाजू मांडताना कशी सकारात्मक भूमिका घेतात यावर बरेच काही अवलंबून राहील. पुढच्या आठ आठवड्यामध्ये मध्यस्थांसमोरची सुनावणी संपवून त्याचा निर्णय करायचा आहे. म्हणजेच मध्यस्थांना दोन्ही पक्षकारांचे समाधान होईल. अशा पध्दतीने मार्ग काढावा लागेल. कारण अजूनही दोन्ही पक्षकारांमध्ये पुरेसे एकमत झालेले नाही. कारण ज्याठिकाणी बाबरी मशजिद होती त्याचठिकाणी राममंदिर बांधले गेले पाहिजे हा आग्रह कायम असल्यामुळे ती जागा सोडून अन्य जागेचा उपयोग कसा करायचा हा त्यातल्या वादाचा एक प्रमुख मुद्दा राहू शकेल. जर ती जागा अन्य कोणत्याही धार्मिक कारणांसाठी न वापरता सामाजिक कामांसाठी वापरली गेली. तर फारसा वाद उठवण्याची शक्यता नाही. परंतु त्यासाठी दोन्ही पक्षकार तयार झाले पाहिजेत. भारताच्या एकूण न्यायालयीन इतिहासामध्येसुध्दा या अशा जटील प्रश्नाबाबत न्यायालयाने मध्यस्थ समिती नेमण्याचा पहिलाच प्रकार घडलेला आहे. किंबहुना एक न्यायाधिश आणि बाकी दोन सदस्य अशा मध्यस्थ समितीची नियुक्ती हा प्रकारही भारतात पहिल्यांदाच घडलाआहे.. ही गोष्ट खरीच आहे की राम हा भारतीय समाजाच्या अस्मितेचा विषय आहे. आणि एका राममंदिरासाठी लोकांच्या भावना इतक्या तीव्र असतील तर त्याचे समाधान सन्मानाने शोधले गेले पाहिजे. बाबर हा परकीय आक्रमक होता आणि त्याने बांधलेल्या मशिदीच्या जागेवर किंवा त्या परिसरात पुन्हा आणखी मशिद उभारली जाणे हा काही तोडगा ठरणार नाही. म्हणून उर्वरित जागेचा उपयोग करताना तो अन्य सामाजिक प्रकल्पांसाठी करण्याचा पर्याय पुढे येऊ शकतो.

Sharing is caring!

Leave a Comment

Your email address will not be published.

You may also like

Read More

post-image
News देश

फुटीरतावादी यासिन मलिकच्या संघटनेवर केंद्र सरकारची बंदी

नवी दिल्ली – जम्मू-काश्मीरमधील फुटीरतावादी नेता यासिन मलिकला केंद्र सरकारने आणखी एक दणका दिला आहे. यासिन मलिकच्या ‘जम्मू-काश्मीर लिब्रेशन फ्रंट’वर केंद्र सरकारने बंदी घातली आहे....
Read More
post-image
News महाराष्ट्र

आजरा कारखान्याच्या कर्मचार्‍यांनी अध्यक्षांच्या दालनाला ठोकले टाळे

कोल्हापूर – आजरा साखर कारखाना कर्मचारी व सत्ताधारी मंडळींचा संघर्ष टोकाला गेला असून आज कर्मचारी संघटनेने बोलाविलेल्या बैठकीला अध्यक्ष अशोक चराटी व उपाध्यक्ष आनंदराव कुलकर्णी...
Read More
post-image
News न्यायालय महाराष्ट्र

कोरेगाव-भीमा हिंसाचार प्रकरण तेलतुंबडेंच्या जामीनावर 2 एप्रिलला सुनावणी

मुंबई – पुणे जिल्ह्यातील भीमा-कोरेगाव हिंसाचारामागे माओवाद्यांची सबंध असल्याच्या आरोपाखाली गुन्हा दाखल करण्यात आलेल्या प्राध्यापक आनंद तेलतुंबडे यांंच्या अटकपूर्व जामीन अर्जाची सुनावणी 2 एपिलपर्यंत...
Read More
post-image
News महाराष्ट्र

ट्रेकिंग करणार्‍या तरुणावर बिबट्याचा हल्ला

नाशिक – नाशिकच्या प्रसिद्ध पांडवलेणी डोंगरावर ट्रेकिंग करणार्‍या एक तरुणावर काल सकाळी बिबट्याने हल्ल्यात केला. वनविभागाने या परिसरात बिबट्याचा शोध घेतला परंतु बिबट्या हाती...
Read More
post-image
News देश

‘पीएम नरेंद्र मोदी’ चित्रपट वादाच्या भोवर्‍यात! चित्रपटासाठी गीत लिहिले नाही! जावेद अख्तर

मुंबई – पंतप्रधान नरेंद्र मोदी यांच्या आयुष्यावर आधारित ‘पीएम नरेंद्र मोदी’ या चित्रपटाचा ट्रेलर प्रदर्शित झाला आहे. अभिनेता विवेक ओबेरॉय याने या चित्रपटात नरेंद्र...
Read More