वृत्तविहार : राजकीय पक्षांचा हडेलहप्पीपणा – eNavakal
लेख

वृत्तविहार : राजकीय पक्षांचा हडेलहप्पीपणा

राजकीय पक्षांना मिळणाऱ्या देणग्या हा एक खरे तर राष्ट्रीयदृष्टय़ा अतिशय महत्वाचा विषय आहे. एकीकडे भ्रष्टाचाराचा नायनाट करण्याची भाषा बोलली जाते परंतु दुसरीकडे हे राजकीय पक्षच भ्रष्ट मार्गाने देणग्या मिळवून काळ्या पैशाला प्रोत्साहन देत असतात. आतासुध्दा एका ताज्या आकडेवारीप्रमाणे प्रादेशिक पक्षांना मिळालेल्या एकूण देणग्यांपैकी २५ टक्के देणग्या या अज्ञात स्त्रोतांकडून मिळाल्याचे समोर आले आहे. त्यात कॉर्पोरेट कंपन्यांचा सर्वाधिक सहभाग आहे. या कंपन्या प्राप्तीकर जरी भरत असल्या तरीसुध्दा देणग्या देताना आपले नाव येणार नाही याची ते काळजी घेतात. याचा दुसरा अर्थ असा होतो की त्यांना मिळालेल्या अतिरिक्त नफ्यातून ते हा पैसा राजकीय पक्षांकडे वळवतात परंतु नफा मिळवण्याच्या पध्दतीत नियमांची अंमलबजावणी केली जात नाही. स्वाभाविकपणे देणग्या देण्याची पध्दतीही तितकीशी पारदर्शक नसल्याचे म्हणावे लागते. खरे तर राजकीय पक्षांना मिळणारा सर्व प्रकारचा पैसा हा पारदर्शक असला पाहिजे. जनतेसाठी काम करीत असताना तेवढाही प्रामाणिकपणा जर राजकीय पक्ष दाखवणार नसतील तर त्यांची आश्वासने म्हणजे जनतेची शुध्द फसवणूक ठरते. आज भारतासारख्या सर्वात मोठ्या लोकशाहीवादी देशाचा विकास ज्या गतीने व्हायला पाहिजे त्या गतीने होऊ शकलेला नाही त्याचे महत्वाचे कारण भ्रष्टाचार हेच आहे. काळा पैसा पांढरा करण्याची संधी राजकीय पक्ष उपलब्ध करून देतात. आणि राजकीय पक्ष त्यांना मिळालेल्या पैशाचा हिशोबही सादर करीत नाहीत आता तर नव्या नियमाप्रमाणे कोणी किती देणगी दिली किंवा कोणाकडून किती देणगी मिळाली याचा तपशिल देण्याचे बंधन त्यांनी काढून टाकले आहे. लोकांना प्रामाणिकपणे कर भरण्याचा आग्रह करणारे राजकीय पक्षच आपल्या प्राप्तीचे तपशिल देत नसतील तर त्यांचा हा हडेलहप्पीपणाच ठरतो.

 

 

 

 

Sharing is caring!

You may also like

Read More

post-image
आघाडीच्या बातम्या देश

गूगलवर ‘इडियट’ सर्च कराल तर दिसतील ‘ट्रम्प’

वॉशिंग्टन – गूगलने इडियट सर्च केल्यानंतर अमेरिकेचे राष्ट्रपती डोनाल्ड ट्रम्प यांचा फोटो येत असल्याने अमेरिकेकडून नाराजी व्यक्त करण्यात आली आहे. याबाबत गूगलचे सीईओ सुंदर...
Read More
post-image
आघाडीच्या बातम्या मुंबई

बिग बींच्या प्रतीक्षा बंगल्याची ‘दीवार’ धोक्यात

मुंबई – मुंबईतील जुहू येथील संत ज्ञानेश्वर मार्गाचे 6० फूट रुंदीकरण होणार आहे. त्यामुळे या मार्गावर असणाऱ्या बिग बी अमिताभ यांच्या ‘प्रतीक्षा’ बंगल्याचा काही...
Read More
post-image
आघाडीच्या बातम्या देश

लोकसभा निवडणुकीपूर्वीच जनतेपर्यंत जाऊन पोहचा – मोदी

नवी दिल्ली – कार्यकर्त्यांचे प्रचंड जाळे असूनही भारतीय जनता पक्षाचा राजस्थान, मध्य प्रदेश आणि छत्तीसगड या राज्यांत दणदणीत पराभव झाल्यामुळे भाजपा हादरला आहे. आज...
Read More
post-image
महाराष्ट्र

१८ डिसेंबर रोजी नांदेड मनपा सभापती पदाची निवडणूक

नांदेड – महापालिका स्थायी समिती सभापतीची निवडणूक १८ डिसेंबर रोजी होणार असून या निवडणुकीसाठी पिठासिन अधिकारी म्हणून जिल्हाधिकाऱ्यांची नियुक्ती करण्यात आली आहे. विभागीय आयुक्तांनी हा...
Read More
post-image
मुंबई

मुंबई मेट्रो ३ च्या दिनदर्शिकेत विद्यार्थ्यांनी रेखाटलेली चित्रे झळकणार

मुंबई – मुंबई मेट्रो रेल कॉर्पोरेशनच्या २०१९ दिनदर्शिकेमध्ये काही आकर्षक चित्रे सर्वसामान्य लोकांना पाहायला मिळणार आहेत. आगामी वर्षाची दिनदर्शिका सर्वोत्तम असावी यासाठी एमएमआरसीने “मुंबई...
Read More