वृत्तविहार : रजनीकांत यांचे धक्कातंत्र – eNavakal
लेख

वृत्तविहार : रजनीकांत यांचे धक्कातंत्र

राजकारणाची दक्षिण शैली ही सहसा कोणाच्या लक्षात येत नाही. इथले राजकारण हे इतक्या चित्रविचित्र पध्दतीने चालू असते. की त्याचा अंदाजही बांधता येत नाही. अण्णा द्रमुक पक्षाच्या प्रमुख जयललिता आणि द्रमुकचे सर्वेसर्वा एम करुणानिधी या दोघांच्या निधनानंतर आज तामिळनाडूमध्ये कोणतेही मोठे राजकीय नेतृत्व पाहायला मिळत नाही. ही पोकळी भरून काढण्यासाठीच अभिनेता कमल हसन आणि रजनीकांत हे बाह्या सरसावून बसले आहेत. योग्य संधी मिळताच त्यांना तामिळनाडूचे मुख्यमंत्री व्हायचे आहे. त्या दोघांनाही लोकसभा निवडणुकीमध्ये कोणताही रस नाही. पुढच्या कालावधीत तिथल्या विधानसभा निवडणुका होतील. तेव्हा हे दोघेही अभिनेते आपली कलाकारी दाखवतील यातही काही शंका नाही. फक्त ते राष्ट्रीय स्तरावरचे कोणत्या पक्षाचा आढावा घेतात यावर बरेच काही अवलंबून राहील. म्हणजेच लोकसभा निवडणुक काळात एकूणच देशाची आणि तामिळनाडूची राजकीय हवा कोणत्या दिशेने वाहते याचा सध्या ते अंदाज घेत आहेत. कदाचित रजनीकांत यांना हा अंदाज लवकर लक्षात आलेला दिसतो म्हणूनच त्यांनी आपण विधानसभा निवडणुक लढवणार असल्याची घोषणा करून त्यांच्याच चाहत्यांना धक्का दिला आहे. धक्का अशासाठी म्हणावे लागती की तीन महिन्यापूर्वी त्यांनी आपण निवडणुक लढवणारनाही अश प्रकारची भूमिका घेतली होती. पण आता मात्र उघडपणाने घोषणा करून सर्वच शंकांना पूर्ण विराम दिलेला आहे. लोकसभा निवडणुकीत तामिळनाडूत काय चित्र असेल हे आज जरी स्पष्ट नसले तरी आतापासून आपली भूमिका स्पष्ट केली तर निर्माण होणाऱ्या नव्या परिस्थितीशी आपल्याला जुळवून घेणे सोपे जाऊ शकेल. असा त्यांचा हेतू
दिसतो. रजनीकांत यांच्या चित्रपटात बऱ्याचवेळेला धक्कातंत्राचा वापर केला जातो. राजकारणातही बहुतेक त्यांनी तेच तंत्र अवलंबलेले दिसते. कमलहसन यांच्यापेक्षा रजनीकांत यांचा चाहता वर्ग मोठा आहे. आतापर्यंत त्यांनी कोणत्याही राजकीय नेत्याची भेट घेतलेली नाही त्याची त्यांना गरजही वाटत नाही. कमल हसन यांनी अरविंद केजरीवाल यांच्यापासून ते राहुल गांधींपर्यंत सर्वांच्याच भेटीगाठी घेतल्या आहेत. त्या तुलनेत
रजनीकांत यांचे वागणे हे अधिक समजूतदारपणाचे वाटते. आता प्रत्यक्ष राजकारणाला ते कसे सामोरे जातात यावर बरेच काही अवलंबून राहील. साधारणपणे कोणताही राजकारणी खूप आधी आपलेपत्ते उघड करीत नसतो. पण रजनीकांत यांनी तशा प्रकारची हडेलहप्पी दाखवलेली दिसत नाही. शक्यतो सर्व डावपेच उघडपणाने खेळायचे. किंवा जिथे जिथे सामान्य माणसाच्या हिताचा प्रश्न येईल तिथे तिथे जर अशा प्रकारची भूमिका त्यांनी ठेवली तर सामान्य माणसाकडूनही त्यांना मोठ्या प्रमाणावर पाठिंबा मिळण्याची शक्यता नाकारता येत नाही.

Sharing is caring!

You may also like

Read More

post-image
News मुंबई

पुजार्‍यांना मंदिराच्या ट्रस्टी बनण्यापासून रोखता येणार नाही! हायकोर्टाचा निर्णय

मुंबई – राज्यातील मंदिरातील पुजारी तसेच अन्य काम करणार्‍या व्यक्तींची सेवा ही मंदिराच्या विरोधात नाही. त्यामुळे त्यांना मंदिराच्या विश्वस्त पदी नियुक्त करण्यापासून रोखता येणार...
Read More
post-image
News मुंबई

मुलाच्या शिक्षणाच्या झालेल्या भांडणातून पत्नीची हत्या! पती फरार

मुंबई – मुलाच्या शिक्षणावरुन झालेल्या भांडणातून एका 30 वर्षांच्या महिलेची तिच्याच पतीने गळा आवळून हत्या केल्याची घटना गोरेगाव परिसरात घडली. हत्येनंतर पतीने पत्नीने आत्महत्या...
Read More
post-image
News महाराष्ट्र मुंबई

पालिकेची वृक्षप्राधिकरण समिती स्थापन! ठाणे महापालिकेची न्यायालयात माहिती

मुंबई – ठाणे महापालिकेने वृक्ष प्राधिकरण समिती आणि त्या समितीवरील सदस्यांची नेमणूक ही नियमानुसार स्थापन करण्यात आल्याची माहिती ठाणे महा पालिकेने आज उच्च न्यायालयात...
Read More
post-image
News मुंबई

वांद्रे स्कायवॉक ऑडीटसाठी बंद! मुंबई महापालिकेची हायकोर्टात माहिती

मुंबई – लाखो प्रवाशांसाठी उभारण्यात आलेला वांद्रे स्थानकातील स्कायवॉकचे स्ट्रक्चरल ऑडीट करण्यात येणार आहे. त्यासाठी तो बंद ठेवण्यात आल्याचे प्रतिज्ञापत्र उच्च न्यायालयात सादर केले...
Read More
post-image
News आघाडीच्या बातम्या देश

भारताचे माजी अर्थमंत्री चिदंबरम्ना ड्रामाबाजीनंतर अटक

नवी दिल्ली-आयएनएक्स मीडिया प्रकरणी अंतरिम जामीन फेटाळल्यानंतर बेपत्ता असलेले भारताचे माजी अर्थमंत्री आणि कॉँग्रेसचे ज्येष्ठ नेते पी. चिदंबरम यांना अखेर आज रात्री मोठ्या ड्रामेबाजीनंतर...
Read More