वृत्तविहार : मराठी भाषेविषयी बेगडी प्रेम – eNavakal
लेख

वृत्तविहार : मराठी भाषेविषयी बेगडी प्रेम

सालाबादाप्रमाणे ज्येष्ठ कवी कुसुमाग्रज उर्फ वि. वा. शिरवाडकरांचा जन्मदिवस मराठी भाषा दिवस म्हणून साजरा झाला. पण नुकत्याच साजऱ्या झालेल्या राज्याच्या अर्थसंकल्पामध्ये मराठी भाषेच्या विकासासाठी कोणतीही मोठी तरतूद केली गेली नाही. एवढेच नव्हे तरसध्या सुरु असलेल्या अधिवेशनामध्ये या भाषेला अभिजात भाषेचा दर्जा मिळावा असाकोणीही प्रयत्न केलेला दिसत नाही. यावरून मराठी भाषेविषयीचे प्रेम कसे बेगडी आहे हेच लक्षात येते. मराठी भाषा शिकविण्याच्या आणाभाका घेतल्या जातात. भाषा ही समाजकारणाचे महत्त्वाचे माध्यम असताना तिला राजकारणाचे साधन बनविले जाते. शिरवाडकरांविषयी आदर व्यक्त करण्याकरिता हा मराठी भाषा दिन साजरा करणे योग्य ठरते. परंतू आज मराठी भाषेची जी काही पीछेहाट सुरू आहे त्याची जबाबदारी घ्यायला कोणीही तयार नाही. कारण मराठी भाषेच्या नावाने गळा काढणारे लोकच आपल्या मुलांना इंग्रजी शाळांमध्ये घालतात. विधी मंडळात लंबी चौडी भाषणं देणारे नेतेदेखील त्यांच्या शिक्षणसंस्थांमध्ये मराठी शाळा बंद करतात आणि इंग्रजी शाळा सुरू
करतात. आतातर इंटरनॅशनल स्कूलच्या नावाने पैसे कमाविण्याचा नवा फंडा निर्माण झालेला आहे. याचा अर्थ मराठी शिकविण्यापेक्षाही तिचा गळा घोटून आपली शिक्षणाची दुकानबारी सुरू ठेवण्याचा या लोकांचा अतिशय स्वार्थी प्रयत्न दिसून येतो. अशावेळी मराठी भाषेविषयी दाखवली जाणारी बेगडी साहानुभूती मराठी माणसाच्याच अपमान करणारी ठरते. शाळांमधून मराठी विषय सक्तीचा करणे आणि राजकारभारामध्ये १००% मराठीचा वापर सुरू करणे अशा मूलभूत उपाययोजना करणे गरजेचे ठरते. दुर्दैवाने त्याकडे दुर्लक्ष करून केवळ राजकीय कारणांसाठी मराठी भाषा दिनाचाही उपयोग होत राहतो. जोपर्यंत अशी राजकीय हडेलहप्पी थांबत नाही तोपर्यंत मराठी भाषविषयी खरे प्रेमही व्यक्त होऊ शकत नाही. म्हणून असे म्हणावेसे वाटते की मराठी असे ‘मायबोली परी ती राजभाषा नसे!’ अशी कवीमनाची खंत आज दूर करायची असेल तर राजभाषेबरोबरच ती प्रत्येकाची रोजची व्यवहार भाषाही झाली पाहिजे. बोली भाषा, मातृ भाषा, अभिजात भाषा अशी अनेक विशेषणे वापरत असतो. परंतु ती मायमराठी म्हणून भावनिक भाषा म्हणूनच गौरवली गेली पाहिजे. आज ज्यावेळेला इंग्रजी भाषेविषयी जे आकर्षण दिसून येते ते मायमराठीचा अवमान करणारे आहे. इंग्रजीला आपण मावशीचा दर्जा दिला होता तर तो आज उलट परिस्थिती दिसून येते आणि इंग्रजीला मातृभाषा समजून मराठीला मावशीचा दर्जा दिल्यासारखे वाटू लागते.

Sharing is caring!

You may also like

Read More

post-image
महाराष्ट्र

जीवनविद्या मिशनतर्फे वर्सोवा चौपाटीवर स्वच्छता अभियानाचे आयोजन

मुंबई – आज बृहन्मुंबई महानगरपालिकेच्या सहकार्याने जीवनविद्या मिशनतर्फे वर्सोवा चौपाटीवर स्वच्छता अभियानाचे आयोजन करण्यात आले आहे. आज सकाळी आठ ते दुपारी १२ या वेळेत...
Read More
post-image
महाराष्ट्र

वसई-विरारमध्ये मुसळधार; अनेक रस्ते पाण्याखाली

मुंबई – मुंबई उपनगरासह परिसरात रात्रीपासून पावसाने दमदार हजेरी लावली आहे. या पावसामुळे अनेक ठिकाणी पाणी साचण्यास सुरुवात झाली आहे. तर काही ठिकाणी वाहतूककोंडी होण्यासही...
Read More
post-image
मुंबई

आरेतील स्थानिक आदिवासी समाजातर्फे वृक्षपूजनाच्या कार्यक्रमाचे आयोजन

मुंबई – मेट्रो कारशेडसाठी आरेमधील वृक्षतोडीला मुंबईकरांकडून तीव्र विरोध होत आहे. सोशल मीडियावरून जनतेकडून प्रचंड रोष व्यक्त करण्यात येत आहे. आरेतील स्थानिक आदिवासी समाजातर्फे, मेट्रो...
Read More
post-image
महाराष्ट्र राजकीय

भाजपावासी झाल्यानंतर उदयनराजेंचे साताऱ्यात जंगी स्वागत

सातारा – राष्ट्रवादीचे खासदार उदयनराजे भोसले यांनी भाजपात प्रवेश केल्यानंतर ते साताऱ्यात परतल्यावर त्यांच्या समर्थकांकडून त्यांचे जंगी स्वागत करण्यात आले. भाजपावासी झालेल्या राजेंचे स्वागत...
Read More
post-image
आघाडीच्या बातम्या क्रीडा

आजपासून भारत विरुद्ध दक्षिण आफ्रिका टी-20 मालिकेला प्रारंभ

धर्मशाला – यजमान भारत विरुद्ध द. आफ्रिका संघातील तीन सामन्यांच्या टी-20 मालिकेला आज याठिकाणी पहिल्या सामन्याने प्रारंभ होणार आहे. पुढील वर्षी ऑस्ट्रेलियात टी-20 विश्वचषक स्पर्धा...
Read More