वृत्तविहार : बेस्टविषयीची अक्षम्य उदासिनता – eNavakal
आघाडीच्या बातम्या लेख

वृत्तविहार : बेस्टविषयीची अक्षम्य उदासिनता

मुंबईतला जीवंतपणा तिथल्या वाहतुक व्यवस्थेवर अवलंबून आणि जर ही वाहतुक व्यवस्था ठप्प झाली तर मुंबई ठप्प होते. हे बेस्टच्या संपाने दाखवून दिले. जवळपास पन्नास लाख प्रवासी रोज बेस्ट बसचा वापर करतात. त्यांना दुसरा पर्याय नाही तो त्यांच्या दैनंदिन जीवनाचा भाग ठरतो. इतकी महत्वाची वाहतुक व्यवस्था किंवा परिवहन व्यवस्था कार्यक्षम राहावी आणि त्यात काम करणाऱ्या कर्माचाऱ्यांना खरे तर तक्रारीची संधी मिळू नये. अशा प्रकारची मानसिकता गरजेची असताना मुंबईतल्या बेस्ट उपक्रमाला अक्षरशः खिळखिळी करण्याचा प्रयत्न सुरु आहे. कामगारांच्या मागण्या मान्य करायच्या नाहीत. पगारवाढीपासून त्यांच्या गणवेशापर्यंतचे किंवा तिकीट वेंडिंग पर्यतचे अनेक प्रश्न त्यांना भेडसावत असतात याबद्दल तक्रारी केल्या गेल्या वेतनवाढीबद्दल चर्चाही केल्या गेल्या परंतु बेस्ट प्रशासन आपल्या भूमिकेपासून ढिम्म हलले नाही. बेस्टची ही दूरावस्था पाहून जिच्याकडे तिचे पालकत्व आहे त्या महापालिकेने मदतीचा हात देणे अपेक्षित होते. पण महापालिका आयुक्तांनीसुध्दा बेस्ट उपक्रमापेक्षाही मुंबईकरांच्या गरजेचे महत्व लक्षात घेतले नाही. आणि म्हणून आज बेस्ट उपक्रम मोडकळीला अवस्थेत येऊन पडलेला आहे. अशा परिस्थितीत बेस्ट कामगार संघटित होऊन काही निर्धार करीत असतील. आणि आपल्या मागण्यांची तड लावून घेण्याचा प्रयत्न करीत असतील तर त्यांना सगळ्याच मुंबईकरांनी पाठिंबा दिला पाहिजे. त्यांचा हा संप केवळ स्वतः पुरता नाही तर मुंबईतल्या चाकरमान्यांना उपयुक्त ठरणारी बेस्ट वाचवण्यासाठी आहे हे लक्षात घेतले पाहिजे. देशातली सर्वात श्रीमंत महानगरपालिका म्हणून मुंबई महापालिकेचे कौतुक केले जात असते. पण या श्रीमंत महापालिकेचा एक मोठा उपक्रम दरिद्री अवस्थेत असेल तर तो त्या तथाकथित श्रीमंतीचाच अपमान ठरतो. गेल्या दोन वर्षापासून बेस्ट उपक्रम वाचावा तो सशक्त व्हावा म्हणून महानगरातल्या मान्यवरांनी पुढाकारही घेतलेला आहे. तरीदेखील कोणतीच सुधारणा होत नसेल तर व्यवस्थापनाच्या हेतूबद्दलच शंका येऊ लागते. कामगारांना आपली नोकरी धोक्यात यावी किंवा संघर्ष करण्याची गरज पडावी असे कधीही वाटत नसते. सर्व प्रकारचे प्रयत्न थकतात तेव्हा नाईलाजाने संप किंवा इतर आंदोलनांचा मार्ग स्वीकारावा लागतो. महापालिकेच्या लक्षात ही गोष्ट येत नसल्यामुळेच कर्मचारी संघटनेच्या काही कर्मचाऱ्यांनी मंत्रालयाच्या दारातच आंदोलन केले जेणेकरून राज्य सरकारला तरी याबाबत काही जाणीव व्हावी. शेवटी प्रशासनाला झुकावे लागेलच आणि तोडगा काढावा लागेलच यात काही शंका नाही. परंतु मुंबईकरांच्या दैनंदिन जीवनाशी संबंधित या वाहतुक व्यवस्थेबाबत बेस्ट आणि महापालिका प्रशासन यांच्यात असलेली उदासिनता अत्यंत निषेधार्ह ठरते.

Sharing is caring!

You may also like

Read More

post-image
News मुंबई

पुजार्‍यांना मंदिराच्या ट्रस्टी बनण्यापासून रोखता येणार नाही! हायकोर्टाचा निर्णय

मुंबई – राज्यातील मंदिरातील पुजारी तसेच अन्य काम करणार्‍या व्यक्तींची सेवा ही मंदिराच्या विरोधात नाही. त्यामुळे त्यांना मंदिराच्या विश्वस्त पदी नियुक्त करण्यापासून रोखता येणार...
Read More
post-image
News मुंबई

मुलाच्या शिक्षणाच्या झालेल्या भांडणातून पत्नीची हत्या! पती फरार

मुंबई – मुलाच्या शिक्षणावरुन झालेल्या भांडणातून एका 30 वर्षांच्या महिलेची तिच्याच पतीने गळा आवळून हत्या केल्याची घटना गोरेगाव परिसरात घडली. हत्येनंतर पतीने पत्नीने आत्महत्या...
Read More
post-image
News महाराष्ट्र मुंबई

पालिकेची वृक्षप्राधिकरण समिती स्थापन! ठाणे महापालिकेची न्यायालयात माहिती

मुंबई – ठाणे महापालिकेने वृक्ष प्राधिकरण समिती आणि त्या समितीवरील सदस्यांची नेमणूक ही नियमानुसार स्थापन करण्यात आल्याची माहिती ठाणे महा पालिकेने आज उच्च न्यायालयात...
Read More
post-image
News मुंबई

वांद्रे स्कायवॉक ऑडीटसाठी बंद! मुंबई महापालिकेची हायकोर्टात माहिती

मुंबई – लाखो प्रवाशांसाठी उभारण्यात आलेला वांद्रे स्थानकातील स्कायवॉकचे स्ट्रक्चरल ऑडीट करण्यात येणार आहे. त्यासाठी तो बंद ठेवण्यात आल्याचे प्रतिज्ञापत्र उच्च न्यायालयात सादर केले...
Read More
post-image
News आघाडीच्या बातम्या देश

भारताचे माजी अर्थमंत्री चिदंबरम्ना ड्रामाबाजीनंतर अटक

नवी दिल्ली-आयएनएक्स मीडिया प्रकरणी अंतरिम जामीन फेटाळल्यानंतर बेपत्ता असलेले भारताचे माजी अर्थमंत्री आणि कॉँग्रेसचे ज्येष्ठ नेते पी. चिदंबरम यांना अखेर आज रात्री मोठ्या ड्रामेबाजीनंतर...
Read More