वृत्तविहार : बिबट्यांचा वाढता धुमाकुळ – eNavakal
लेख

वृत्तविहार : बिबट्यांचा वाढता धुमाकुळ

नाशिकमध्ये सावरकर नगर परिसरामध्ये म्हणजे भर वस्तीत बिबट्या घुसला. आणि दिवसभर तो नाशिककरांसाठी चर्चेचा विषय राहिला.एकूणच नाशिकमध्ये बिबट्याचा हा थरार पहिल्यांदाच घडला असावा. अनेकांना असे आश्चर्य वाटले की एवढ्या भर गावामध्ये बिबट्या आला कसा. परंतु गावच जर आता जंगलामध्ये घुसू लागले असेल तर बिबट्याने तरी काय करायचे. असा प्रश्न निर्माण होतो. महानगरांचा विस्तार इतक्या वेगाने होतो आहे.
की त्याच्या आजुबाजूला असलेली जंगलेसुध्दा आता या महानगरांमध्ये समाविष्ट होऊ लागली आहेत. हाच प्रकार केवळ नाशिकबाबत नाही तर अनेक महानगरांबाबत घडताना दिसून येतो. अगदी पुणे, कोल्हापूर, नागपूर याठिकाणीसुध्दा बिबट्याचे थरार होऊन गेले आहेत. मुंबई , ठाणे, नवी मुंबईसाठी हा प्रकार काही नवीन राहिलेला नाही. याचा अर्थ जी जागा जंगलांसाठी राखीव होती तिथे आता माणसांनी अतिक्रमण केल्याने या शहरांमध्ये आता प्राणी आक्रमण करू लागले आहेत. एक बिबट्या घुसल्यानंतर तो हमखासपणे काही जणांना जखमी करतो. त्याला पकडण्याची व्यवस्था फक्त वनविभागच करू शकत असल्याने हा बिबट्या असेपर्यंत नागरिकांची जी तारांबळ उडते ती अक्षरशः जीवाचा आकांत दर्शवणारी असते. आणि ते स्वाभाविकही आहे. कोणतीही कल्पना नसताना भलेमोठे हे जनावर जेव्हा समोर उभे ठाकते त्यावेळेला कोणाचीही पाचावरच धारण बसेल. प्रश्न आता एवढाच आहे की गेल्या वर्षदीडवर्षातले बिबट्या घुसण्याचे प्रकार सातत्याने घडत असतील तर त्याच्या बंदोबस्ताचाही तितक्याच गांभिर्याने विचार व्हायला हवा. आणि याकरीता केवळ वनविभागावर अवलंबून राहाण्याची वेळ येणार नाही. अग्नीशमन दल किंवा अनेक शहरांमध्ये आता अस्तित्वात आलेले आपत्ती व्यवस्थापन या यंत्रणांनाही याबाबतचे प्रशिक्षण दिले पाहिजे. एवढेच नव्हे तर नागरिकांनीसुध्दा अशा प्रसंगी काय काय खबरदारी घ्यावी याची सूचना द्यायला हवी. अजूनपर्यंत तरी फार मोठा विपरित प्रकार घडलेला नाही. परंतु त्याची वाट पाहाण्याचीही गरज नाही. खरे तर प्राण्यांविषयी अभ्यास करणारे प्राणीमित्र बऱ्याच संख्येने आहेत. त्यांनादेखील याबाबतीत सहभागी करून घेता येईल. खरे तर यापूर्वीच याबाबतचा अभ्यास पाहायला हवा होता. वनविभागाकडून त्याची विशेष माहिती लोकांसाठी दिली जाणे गरजेचे होते. परंतु आपल्याकडे सरकारी कारभार कधी इतका तत्पर नसतो. ज्यावेळी बिबट्याकडून दोन चार बळी घेतले जातील तेव्हा सरकार जागे होईल. तेव्हा सरकारी यंत्रणा कामाला लागतील.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
कोरोना महाराष्ट्र

नवी मुंबईतील कोविड रुग्णालयासाठी आजपासून पाइपलाइनने ऑक्सिजन पुरवठा

नवी मुंबई – नवी मुंबईतील वाशी परिसरात सिडको एक्झीबिशन सेंटरमध्ये उभारण्यात आलेल्या कोविड रुग्णालयातील रुग्णांना आता पाइपलाइनद्वारे ऑक्सिजन पुरवठा केला आहे. त्यासाठी पालिका आयुक्त...
Read More
post-image
कोरोना देश राजकीय

गोव्यातील माजी आरोग्यमंत्री डॉ. आमोणकर यांचा कोरोनाने मृत्यू

मडगाव – कोरोनामुळे गोव्याचे माजी आरोग्य मंत्री आणि भाजपाचे माजी प्रदेशाध्यक्ष डॉ. सुरेश आमोणकर यांचे कोरोनामुळे निधन झाले आहे. गेल्या काही दिवसांपासून ते मडगावच्या...
Read More
post-image
महाराष्ट्र

तळोजातील ऑक्यूप्रिंट कंपनीला पनवेल महापालिकेने ठोकले टाळे

नवी मुंबई – तळोजा एमआयडीसीतील ऑक्यूप्रिंट कंपनीतील तब्बल ४० कामगारांना कोरोनाची लागण झाल्याचे उघड झाल्यानंतरही कंपनीने कामगारांना धमकावून कामकाज सुरूच ठेवल्याने पनवेल महापालिकेकडून या...
Read More
post-image
कोरोना महाराष्ट्र राजकीय

कोरोना पॉझिटिव्ह आमदार गीता जैन यांचा वाढदिवस साजरा, पतीसह दोन व्यक्तीही झाल्या सहभागी

भाईंदर – मिरा भाईंदरमधील ‘कोरोना’ग्रस्त आमदार गीता जैन यांनी आपल्या घरी वाढदिवस साजरा करतानाचे फोटो समोर आल्याने खळबळ उडाली आहे. होम क्वारंटाईन असताना त्यांनी...
Read More
post-image
आघाडीच्या बातम्या देश

पेट्रोल स्थिर, डिझेल महागले

नवी दिल्ली – गेल्या सात दिवसांपासून स्थीर असलेल्या इंधनांच्या दरामुळे नागरिकांना काहीसा दिलासा मिळाला होता. मात्र आज पेट्रोलियम कंपन्यांनी पेट्रोलचा दर कायम ठेवला असून...
Read More