वृत्तविहार : फेसबुकचा चेहरा बदलणार – eNavakal
लेख

वृत्तविहार : फेसबुकचा चेहरा बदलणार

जगातील सर्व प्रकारच्या माहितीचे संकलन करू शकणारी किंवा जगातल्या प्रत्येक व्यक्तीची कुंडली आपल्यासोबत ठेवणारी फेसबुक ही कंपनी आता आपला तोंडवळ बदलण्याच्या तयारीत आहे. फेसबुककडून त्यांच्याकडे जमा होणाऱ्या माहितीचा गैरवापर होतो. किंवा फेसबुक वापरत असताना लोक एकमेकांमध्ये जी माहिती शेअर करतात. त्यात गोपनियता राहत नाही. अशा प्रकारची चर्चा गेल्या काही वर्षापासून सुरु आहे. अमेरिकेच्या अध्यक्षीय निवडणुकीत गोपनियतेचा फेसबुककडून भंग झाल्याचाही आरोप केला गेला एवढेच नव्हे तर भारतासारख्या देशानेदेखील अनेक प्रकारची माहिती चुकीच्या पध्दतीने वापरली जात असल्याचा आरोपही केलेला आहे. या सगळ्या टीकेनंतर कंपनीचे प्रमुख मार्क झुकरबर्ग यांना अमेरिकीय संसदेपुढे बोलवण्यात आले होते आणि त्यांच्याकडून गोपनियता कशी टिकून राहील. अशा प्रकारे सुधारणा करण्याचे आदेश दिले गेले होते. आता झुकरबर्ग यांनी स्वतःच ट्विट करून फेसबुक आता या स्वरुपात न राहता खाजगी मेसेंजरच्या स्वरुपात आपले परिवर्तन करू इच्छिते. म्हणजेच काही प्रमाणात
व्हॉट्सअॅपप्रमाणे फेसबुकचे काम सुरु होईल. त्यातील माहिती प्रत्यक्ष कंपनीलाही उपलब्ध होणार नाही. विशिष्ट कालावधीनंतर त्यातली माहिती नष्टही होऊ शकेल. यामुळे फेसबुकला आणखी मोठी बाजारपेठ मिळेल. मेसेंजर सर्व्हिसमुळे त्याचा वापर अधिकाधिक लोक करू शकतील आणि आज अनेक देशांमधून होत असलेली टीकाही थांबवता येईल. सर्वात महत्त्वाचे म्हणजे फेसबुकवरची माहिती लीक होते किंवा त्याचा गैरवापर होतो. हे स्पष्ट झाल्यानंतर फेसबुकची लोकप्रियताही हळुहळू घसरत चालली होती ती सावरून धरण्यासाठीसुध्दा फेसबुकला नवीन उपाययोजना करणे क्रमप्राप्त होते. नव्या तंत्रज्ञानासह लोकांना उपयुक्त ठरेल अशा प्रकारची व्यवस्था निर्माण करणे आणि कंपनीचा व्यावसायिक पाया भक्कम करणे अशी आमची उद्दीष्टे असल्याचे झुकरबर्ग यांनी एका ट्विटमधून स्पष्ट केले आहे. याचा अर्थ जगभरातील अनेक देशातील सरकारांचे दडपण प्रत्येक व्यक्तीच्या माहितीची गोपनियता आणि व्यवसायाची आर्थिक स्थिती या तीनही गोष्टी सांभाळण्याकरीता झुकरबर्ग यांना हा नवा पर्याय निवडावा लागलेला आहे. आजच्या माहिती तंत्रज्ञान युगात फेसबुक, व्हॉट्सअॅप, इन्स्टाग्राम यांनी मिळवलेले स्थान वैशिष्टय़पूर्ण आहेच. बदलत्या तंत्रज्ञानाप्रमाणे आपल्या व्यवसायाचे स्वरुपही बदलण्याचे प्रयोग या कंपन्यांना करावे लागतात. आता लोकांना फेसबुकच्या नव्या चेहऱ्यामोहऱ्याची उत्सुकता आहे. हा बदल नेमका कधीपासून होणार हे अद्याप स्पष्ट झालेले नाही. परंतु फेसबुकचा तोंडवळा बदलेल आणि फेसबुक स्वतःची लोकप्रियता टिकवेल यात काही शंका दिसत नाही.

Sharing is caring!

You may also like

Read More

post-image
दिनविशेष

दिनविशेष : भारताची सुवर्णकन्या पी. टी. उषा

भारताची सुवर्णकन्या धावपटू पी. टी. उषा यांचा आज वाढदिवस. त्यांचा जन्म. २७ जून १९६४ रोजी केरळ मधील कुथ्थाली या गावी झाला. पी.टी. उषा हे भारतीय...
Read More
post-image
मनोरंजन

अर्जुनच्या वाढदिवसानिमित्त मलायकाने शेअर केला रोमॅण्टिक फोटो

मुंबई – बॉलिवूड अभिनेता अर्जुन कपूरने काल आपला ३४ वा वाढदिवस साजरा केला. या खास दिनी बॉलिवूडकडून तंच्यावर शुभेच्छांचा वर्षाव झाला. तर याच खास...
Read More
post-image
आघाडीच्या बातम्या देश विदेश

पंतप्रधान मोदी जी-20 परिषदेसाठी जपान दौऱ्यावर

ओसाका – जपानच्या ओसाकामध्ये आजपासून जी-२० परिषदेस सुरुवात होत आहे. पंतप्रधान नरेंद्र मोदी जी-२० परिषदेत सामील होण्यासाठी ओसाकाला पोहोचले आहेत. मोदी ओसाका विमानतळावर पोहोचताच त्यांचे...
Read More
post-image
आघाडीच्या बातम्या देश

कैलास मानसरोवर यात्रेतील २०० भारतीय भाविक नेपाळमध्ये अडकले

काठमांडू – तिबेटमध्ये कैलास मानसरोवरची यात्रा करून घरी परतणारे जवळपास २०० भारतीय भाविक हवामान बदलामुळे नेपाळच्या हुमला जिल्ह्यात अडकले आहेत.यापैकी बहुतांश तेलंगणाचे रहिवासी आहेत. या...
Read More
post-image
आघाडीच्या बातम्या महाराष्ट्र

आज पुणे शहरातील पाणीपुरवठा बंद

पिंपरी – पिंपरी चिंचवड महापालिकेच्या रावेत येथील अशुद्ध जलउपसा केंद्रातील आणि निगडी सेक्टर क्रमांक 23 येथील जलशुद्धीकरण केंद्रातील विद्युत पुरवठाविषयक कामे आज गुरुवारी केली...
Read More