वृत्तविहार : निवडून येण्यापेक्षा तिकीटासाठी लढाई – eNavakal
आघाडीच्या बातम्या लेख

वृत्तविहार : निवडून येण्यापेक्षा तिकीटासाठी लढाई

लोकसभा निवडणुकीला अजून आठ महिन्यांचा कालावधी बाकी असताना तिकीट इच्छुकांची जोरदार तयारी सुरू झालेली आहे. विशेषत: भारतीय जनता पार्टीमध्ये निवडून येण्यापेक्षाही तिकीट मिळवणे या गोष्टीला जास्त महत्त्व दिले जात आहे. याकरीता सर्व प्रकारचे उपाय योजण्याचा किंवा आवश्यक ती फिल्डिंग लावण्याचा प्रकार सुरू झाला आहे.

विशेषत: महाराष्ट्रात भाजपाच्या विद्यमान खासदारांनी पुन्हा आपल्यालाच तिकीट मिळावे म्हणून पक्षश्रेष्ठींची मनधरणी करण्याचे प्रयोग सुरू केले आहेत. याशिवाय पक्षश्रेष्ठींवर ज्यांचा दबाव पडू शकतो अशा उद्योगपतींनाही हाताशी धरून आपले पारडे वजनदार कसे आहे हेही दाखवण्याचीही स्पर्धा दिसून येत आहे. परंतु पक्षपातळीवर खासदारांच्या कामगिरीचा लेखोजोखा घेतला गेला. यामध्ये निम्म्यापेक्षा जास्त खासदार अनुत्तिर्ण झाल्याचे सांगितले जाते. कारण यावेळी 2014 सारखी परिस्थिती राहिलेली नाही. त्यावेळी केवळ मोदींच्या नावावर मतदान केले आता मात्र आपण निवडून दिलेला लोकप्रतिनिधी जर त्या पात्रतेचा नसेल तर त्याला पुन्हा मत द्यायचे की नाही याचा विचार लोकांनी सुरु केलेला आहे. कामगिरीचा आढावा ही गोष्ट पक्षासाठी महत्वाची असली तरी मतदारांचा कौल हादेखील तितकाच महत्वाचा ठरतो. परिणामी अनेकांना निवडून येणे हे सोपे वाटत असते. तरी मतदारांकडून काम न करणाऱ्यांना पुन्हा निवडून दिली जाण्याची शक्यता वाटत नाही. आपल्या कामगिरीचा कोणताही विचार न करता केवळ तिकीट मिळवण्याच्या मोहीमेमध्ये आतापासूनच गुंतलेले हे विद्यमान खासदार या पहिल्याच कसोटीमध्ये कितपत यशस्वी होतील याबद्दल शंकाच आहे. जी परिस्थिती भाजपात आहे तीच दोन्ही काँग्रेस आणि शिवसेनेतही पाहायला मिळते. 2014 सारखी परिस्थिती नसल्याने आपणही भाजपाचा पराभव करू शकतो असा आत्मविश्वास अनेकांमध्ये निर्माण झाला आहे आणि तिथेसुध्दा निवडून येण्याच्या निकषापेक्षाही किंवा क्षमतेपेक्षाही तिकीट मिळवणे या गोष्टीलाच प्राधान्य दिले जात आहे.

लोकशाहीसारख्या भारतात लोकांच्या मतदानाला किंवा लोकांचा कौल या गोष्टीला किंमत न देता आपापल्या पक्षाकडून तिकीट मिळवणे म्हणजेच आपल्या विजयाची हमी असल्याचे मानणे ही गोष्ट धक्कादायक ठरते. कारण गेल्या तीस चाळीस वर्षातले राजकारण प्रचंड बदलले आहे. तिकीट मिळवण्यापासून ते जिकून येण्य़ापर्यंत प्रचंड प्रमाणात होणारी आर्थिक देवाणघेवाण प्रत्यक्ष मतदानाचेच स्वरुप बदलवणारे ठरले आहे. जो जास्तीत जास्त धनवान त्याच्या बाजूने मतदान ही गोष्ट आता चांगलीच रुढ झालेली आहे आणि या निकषावरच तिकीट पदरात पाडून घेण्यासाठीसुध्दा लॉबींग सुरु झालेले आहे.

Sharing is caring!

You may also like

Read More

post-image
आरोग्य देश

बिहारमध्ये मेंदूज्वरामुळे १३२ जणांचा बळी

पाटणा – बिहारमध्ये मेंदूज्वर तापाचा कहर अद्यापही सुरुच असून यामुळे मृतांची संख्या १३२ वर पोहोचली आहे. तसेच इतर रुग्णालयांमध्ये उपचारांविना मृत्यू झालेल्या मुलांची आकडेवारीही अद्याप...
Read More
post-image
महाराष्ट्र

पाणीप्रश्नावरून विधानसभेत गदारोळ! १५ मिनिटे तहकूब

मुंबई – अधिवेशनाचा चौथ्या दिवशी आज विधानसभेत पाणीप्रश्नावरून प्रचंड गदारोळ झाला असून विरोधक आक्रमक झाले आहेत. त्यामुळे विधानसभेचे कामकाज १५ मिनिटांसाठी तहकूब करण्यात आले...
Read More
post-image
आघाडीच्या बातम्या महाराष्ट्र मुंबई हवामान

दक्षिण कोकणात मान्सूनचे आगमन

मुंबई – राज्यभरात मान्सूनपूर्व पावसाच्या सरी कोसळत असल्या तरी जनता मान्सूनच्या आगमनाची आतुरतेने वाट पाहत होती. त्यामुळे जनतेला आता दिलासा मिळाला आहे. कारण मान्सून...
Read More
post-image
आघाडीच्या बातम्या मनोरंजन

बिग बॉस मराठी २ : शिव VS पराग आणि नेहा

मुंबई – बिग बॉस मराठीच्या घरात सुरू असलेल्या एक डाव धोबीपछाड या साप्ताहिक कार्यात बरीच भांडणंं, वाद विवाद, आरोप–प्रत्यारोप सुरू आहेत. या टास्कमध्ये जिंकण्यासाठी बिग बॉस...
Read More
post-image
देश

लखनऊत वर्‍हाडाची गाडी कोसळली! २२ जणांना वाचवले, ७ मुले बेपत्ता

लखनऊ – उत्तर प्रदेशची राजधानी लखनऊमध्ये आज सकाळी लग्नातून परतणाऱ्या वर्‍हाडाच्या गाडीला भीषण अपघात झाला. ही गाडी इंदिरा कालव्‍यात कोसळली. या गाडीत एकूण २९ वर्‍हाडी होते. त्यापैकी...
Read More