वृत्तविहार : निवडणुकीतील धनशाही – eNavakal
लेख

वृत्तविहार : निवडणुकीतील धनशाही

निवडणुकीच्या काळामध्येच अनेक ठिकाणी रोकड सापडण्याचे वाढते प्रकार पाहिल्यानंतर लोकशाहीच्या नावाखाली धुमाकुळ घालत असलेल्या धनशाहीचा प्रत्यय येतो. कारण तामिळनाडूमधील वेल्लोर येथील लोकसभा निवडणुक ही या रोख रकमेच्या कारणावरून रद्द करण्याचा प्रकार घडून आलेला आहे. तेथील द्रविड मुन्नेत्र कळघम या पक्षाच्या उमेदवाराकडे थोडीथोडकी नव्हे तर तब्बल बारा कोटी रुपये रोख रक्कम स्वरुपात सापडले. राजकीय पक्षांच्या नेत्यांकडे आयकर विभाग आणि निवडणुक आयोग या दोघांनी मिळून सदर उमेदवाराच्या घरी धाडसत्र अवलंबले त्यामधून हे घबाड समोर आले. अशा प्रकारचा पैशांचा साठा या उमेदवाराकडे असल्याची माहिती 29 मार्च रोजीच संबंधित यंत्रणांना मिळाली होती. तो पैसा निवडणुकीमध्येच वापरला जाणार असल्याची शक्यता असल्याने त्याच्यावर या विभागांमार्फत नजर ठेवली गेली आणि अखेर या नेत्याच्याच एक सिमेंट गोदामामध्ये ही रक्कम ठेवल्याचे समोर आले. निवडणुकांमध्ये पैसे वाटून मत विकत घेणे हा प्रकार अगदी सर्रासपणे केला जातो. त्या त्या शहरांचे किंवा गावांचे एक विशिष्ट परिसर किंवा टापू नक्की करून तिथे पैशाचे वाटप केले जाते. एकूण मतदानापैकी किमान तीस टक्के मतदान हे पैसे वाटून घडवून आणले जात असल्याचाही आरोप केला जातो. एखादा उमेदवार आपल्या निवडणुकीसाठी दहा दहा कोटीची रोकड सोबत बाळगत असेल तर तो प्रत्यक्ष किती भ्रष्टाचार करीत असेल हे स्पष्ट होते. यावरून लोकशाहीचे याच राजकीय नेत्यांकडून कसे धिंडवडे काढले जातात यावरही प्रकाश पडतो. सगळे गैरप्रकार रोखायचे असतील तर निवडणुकांमधली पैशाची दांडगाई कमी केली पाहिजे. बारा कोटीचा हा आकडा धक्कादायक आहे यावरून देशातील इतर उमेदवार किती पैसा खर्च करीत असतील याचाही अंदाज येतो. निवडून येण्याकरीता साधारणपणे एका लोकसभा मतदार संघात प्रमुख पक्षाचे उमेदवार सरासरी तीन ते चार कोटी रुपये खर्च करतात. काही ठिकाणी हे प्रमाण सहा कोटीपर्यंत जाते. ही अतिशय दुर्दैवी गोष्ट म्हणायला हवी. कारण हा सगळा पैसा रोख स्वरुपात असतो आणि तो गैरमार्गाने गोळा केल्याने त्यातून भ्रष्टाचाराला अगदी उघडपणाने प्रोत्साहन मिळत असते. ज्या देशातील चाळीस टक्के जनता ही दारिद्र्य रेषेखाली राहते त्या देशातील निवडणुकीत चाळीस टक्के पैसा भ्रष्टाचाराने गोळा केला जात असेल किंवा वाटला जात असेल तर देशातील गरीबीचे कारण काय आहे, हेदेखील त्यातून समोर येते.

Sharing is caring!

You may also like

Read More

post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
आघाडीच्या बातम्या

अफगाणिस्तानमध्ये ८३ प्रवासी असलेले विमान कोसळलं

नवी दिल्ली – अफगाणिस्तानमध्ये गजनी प्रांतातील याक जिल्ह्यात एका प्रवासी विमानाचा अपघात झाल्याची माहिती समोर आली आहे. एका वृत्तसंस्थेने दिलेल्या वृत्तानुसार ही माहिती समोर आली....
Read More
post-image
आघाडीच्या बातम्या

शेतकऱ्यांचे प्रश्न सोडवण्यासाठी मुख्यमंत्री चांगलं काम करतील – पंकजा मुंडे

औरंगाबाद – मराठवाड्यातील शेतकरी हवालदिल झाले आहेत. त्यांचे प्रश्न सोडवण्यासाठी मुख्यमंत्री उद्धव ठाकरे चांगलं काम करतील, असा विश्वास भाजपच्या माजी मंत्री पंकजा मुंडे यांनी...
Read More
post-image
आघाडीच्या बातम्या राजकीय

राहुल पुन्हा काँग्रेसच्या अध्यक्षपदी? पक्षात हालचाली सुरू

नवी दिल्ली – काँग्रेस नेते राहुल गांधी यांनी लोकसभा निवडणुकीनंतर पक्षाच्या अध्यक्षपदाचा राजीनामा दिला होता. मात्र आता पुन्हा राहुल गांधी यांनी अध्यक्षपदाची सूत्र हाती घ्यावीत,...
Read More
post-image
मनोरंजन

अदनान सामींबाबत जाणून घेऊया…

अदनान सामींच्या ‘पद्मश्री’ पुरस्काराला विरोध प्रजासत्ताकदिनाच्या पूर्वसंध्येला केंद्र सरकारने प्रसिद्ध गायक-संगीतकार अदनान सामी यांना ‘पद्मश्री’ पुरस्कार जाहीर केला. मात्र त्यांच्या पद्मश्रीला महाराष्ट्र नवनिर्माण सेनेने...
Read More
post-image
ट्रेंडिंग

बास्केटबॉलचा जादूगार -‘कोबी ब्रायंट’!

आज टीव्हीवरील आणि सोशल मीडियावरील एका बातमीने बास्केटबॉलप्रेमींच्या पाया खालची जमीन सटकली. ती बातमी होती दिग्गज बास्केटबॉल खेळाडू कोबी ब्रायंट याच्या निधनाची. अमेरिकेतील कॅलिफोर्निया येथे हेलिकॉप्टर दुर्घटनेत...
Read More