वृत्तविहार : त्या कामगारांना सलाम – eNavakal
लेख

वृत्तविहार : त्या कामगारांना सलाम

मुंबईच्या धो धो पावसाने सरकारी यंत्रणांच्या कामाचीही एकाअर्थी धुळधाण उडवली. परंतु एक गोष्ट मात्र मान्य केली पाहिजे. की या पावसामध्ये महापालिकेतर्फे बर्‍यापैकी दिलासा दिला गेला. पाणी तुंबण्याची ठिकाणे निश्चित करून तिथे कर्मचार्‍यांच्या ड्यूट्या लावल्या गेल्या होत्या. चार ठिकाणी पाणी उपसा करणारे पंपिंग चालू होते. गटारांमध्ये अडकणारे पदार्थ लगोलग बाहेर काढून पाण्याचा निचरा करण्याचा प्रयत्न महापालिकेतर्फे चालू होता. तरीदेखील काहीठिकाणी पाणी तुंबण्याचा प्रकार घडला. आणि ही सर्व परिस्थिती नियंत्रणात ठेवण्याकरीता पालिकेचे चारशे कर्मचारी भर पावसामध्ये तैनात केले गेले होते. ही परिस्थिती लक्षात न घेता महापालिकेवर होणारी टीका कशी चुकीची आहे हे दाखवून देण्याचे काम पालिका आयुक्त अजोय मेहता यांनी केले. विशेषतः त्यांनी दिवसरात्र खपणार्‍या या कर्मचार्‍यांची जी बाजू घेतली ती आम्हाला विशेष महत्वाची वाटते. हे कर्मचारी साध्या वेशांमध्ये आपले काम करीत होते. परंतु त्यांचे काम हे दुर्लक्ष करण्यासारखे नाही. पाणी तुंबण्याची अनेक कारणे आहेत. ती शोधून काढावी लागतील. परंतु केवळ नालेसफाई किंवा गटारांची सफाई एवढ्यावरच थांबून राहाता येणार नाही. अधिक सखोलपणाने या समस्येचा विचार करण्याची वेळ आली आहे. याची प्रामाणिक कबुलीदेखील आयुक्तांनी दिली. वाढती लोकसंख्या आणि मर्यादित मलनिस्सारण किंवा पर्जन्य जलवाहिन्या हे प्रमाण दिवसेंदिवस असमान होत आहे. सेवा सुविधांवर पडणारा हा ताण दूर करण्याकरीता बर्‍याच सुधारणा कराव्या लागतील. आता असलेल्या पर्जन्य जलवाहिन्यांपेक्षा मोठ्या किंवा अधिक अथवा पर्यायी पर्जन्य जलवाहिन्यांची व्यवस्था हादेखील त्या उपायांमधला भाग असू शकतो. धो धो पाऊसकोसळत असताना आणि अपेक्षेपेक्षा जास्त पाऊस पडत असताना केलेल्या उपाययोजनाही अपुर्‍या पडल्या म्हणून महापालिकेने कोणतीच काळजी घेतलेली नाही. असा सरसकट आरोप करता येणार नाही. पालिकेच्या स्थायीसमितीत चारशे पालिका कर्मचारी कसे रात्रंदिवस खपत होते हे सांगून समितीच्या सदस्यांना स्पष्ट उत्तर देण्याचे धाडस आयुक्तांनी दाखवले. शेवटी समितीसदस्य पालिकेलाच सहकार्य करीत नाहीत असे बघून आयुक्तांना समितीच्या बैठकीतून निघून जावे लागले. परंतु अशा परिस्थितीत पालिकेने उचललेली ही जबाबदारी अगदीच टाकावू स्वरुपाची होती असे म्हणणे पालिकेवर म्हणजेच त्या राबणार्‍या कामगारांवर अन्याय करणारे ठरते. या महानगराचा पसारा इतक्या विचित्र पध्दतीने वाढतो आहे की त्याच्याशी सामना करणे ही साधी सोपी गोष्ट राहिलेली नाही.

Sharing is caring!

You may also like

Read More

post-image
News मुंबई

विक्रोळी येथे भांडणात मध्यस्थी करणार्‍या व्यक्तीला चाकूने भोसकले

मुंबई- विक्रोळी येथे भांडणात मध्यस्थी करणे एका 39 वर्षांच्या व्यक्तीला चांगलेच महागात पडले. मध्यस्थी करणार्‍या या व्यक्तीला तरुणानेच चाकूने भोसकले. त्यात फिरोज नियास खान हा...
Read More
post-image
News मुंबई

ऑनलाईन लॉटरीद्वारे शासनाचा महसूल बुडविणार्‍या 11 जणांना अटक! कॅशसहित इतर मुद्देमाल जप्त

मुंबई- ऑनलाईन लॉटरीद्वारे शासनाचा लाखो रुपयांचा महसूल बुडविणार्‍या अकरा जणांना गुन्हे शाखेच्या अधिकार्‍यांनी अटक केली. सात ठिकाणी गुन्हे शाखेच्या अधिकार्‍यांनी ही कारवाई करून एक लाख...
Read More
post-image
News देश निवडणूक

मध्य प्रदेशचे कमलनाथ नवे मुख्यमंत्री

भोपाळ – विधानसभा निवडणुकांत यश मिळवल्यानंतर मध्यप्रदेश, राजस्थान आणि छत्तीसगडमध्ये मुख्यमंत्री कोण होणार हे ठरविण्यासाठी काँग्रेस अध्यक्ष राहुल गांधी यांच्या निवासस्थानी आज दिवसभर जोर बैठका...
Read More
post-image
News देश

योगींनी सर्वच देवीदेवतांची जात सांगावी-अखिलेश यादव

लखनऊ- राजस्थान विधानसभा निवडणुकीच्या प्रचारावेळी उत्तर प्रदेशचे मुख्यमंत्री योगी आदित्यनाथ यांनी भगवान हनुमान हे दलित होते, असे म्हटले होते. त्यांच्या या वक्तव्यावर देशभरात वाद निर्माण...
Read More
post-image
News मुंबई

ईदला ध्वनिप्रदूषणाचे उल्लंघन! लाऊडस्पीकरचा आवाज वाढला

मुंबई -ध्वनिप्रदूषणाला आळा घालण्यासाठी न्यायालयाने आदेश देवूनही राज्यात ध्वनिप्रदूषण होत असताना तक्रार देऊनही राज्य सरकारकडून कारवाईचा बडगा उगारला जात नसल्याने उच्च न्यायालयाने आज तीव्र...
Read More