वृत्तविहार : डेंग्यू आणि सरकारी दीरंगाई – eNavakal
आघाडीच्या बातम्या लेख

वृत्तविहार : डेंग्यू आणि सरकारी दीरंगाई

गेल्या काही दिवसांंपासून राज्यभर डेंग्यूने धुमाकुळ घातलेला दिसून येतो. मुंबई, पुणे, कोल्हापूर, धुळे, जळगाव, औरंगाबाद एवढेच नव्हे तर नागपूरमध्येसुध्दा डेंग्यूचे थैमान दिसून येते. गेल्या सहा महिन्यांंत संपूर्ण राज्यात डेंग्यूच्या सहा हजार केसेस नोंदल्या गेल्या. तर एकट्या मुंबईत पाच जणांना या डेंग्यूमुळे आपले प्राण गमवावे लागले राज्यभरात डेंग्यूचे एकूण तेवीस बळी असल्याचे सांगितले जाते. त्याच्या जोडीला मलेरिया, गॅस्ट्रो, हिपेटायटीस या आजारांनीही पावसाळ्यामध्ये अनेकांना पछाडल्याचे समोर आले आहे. त्यात या महिन्यातच मलेरियाचे 625 रुग्ण असल्याचे आढळून आले.

लेप्टोसारख्या रोगाने बारा जणांचे बळी घेतल्याचे महापालिकेच्याच आकड्यावरून समोर आले आहे. याचा अर्थ अनेक प्रकारची उपाययोजना करूनही डेंग्यू, मलेरिया, लेप्टोसारखे आजार नियंत्रणात येण्याची चिन्हे दिसत नाहीत. डेंग्यू या रोगाचा विचित्र प्रकार असा आहे की, एकीकडे तापाचे प्रमाण वाढत असतानाच रक्तपेशी कमी होतात आणि एकाचवेळी ताप नियंत्रणात आणून रक्तपेशींची संख्या पूर्ववत करण्याचे अतिशय अवघड काम डॉक्टरांना करावे लागते. ज्या विशिष्ट डासांमुळे डेंग्यू आजार होतो त्याचे पूर्ण निर्मूलन करण्यामध्ये सरकारी यंत्रणा यशस्वी ठरलेल्या नाहीत. मुंबईसारख्या महानगरात पाणीसाठण्याचे प्रकार घडतात. अनेकठिकाणी वेगवेगळ्या प्रकारची बांधकामे चालू आहेत. महिनोनमहिने तिथे साचणारे घाण पाणी या डासांची निर्मिती करतात आणि त्याचा फटका जनतेला बसत असतो. ही परिस्थिती लक्षात घेऊन निदान पावसाळ्याच्या काळात सदर डासांच्या निर्मूलनाची तितकीच मोठी मोहीम महापालिका ,नगरपरिषदा किंवा राज्याच्या आरोग्य खात्याने राबवल्या पाहिजेत. परंतु इतकी संवेदनशीलता किंवा कार्यक्षमता आपल्या सरकारी यंत्रणांमध्ये नाही. खरे तर डेंग्यू किंवा मलेरियाचे डास हे ज्या अस्वच्छतेमुळे किंवा साचलेल्या पाण्यामुळे होतात असे जे सांगितले जाते त्याच्याबरोबरीने अकार्यक्षमता आणि बेफिकीरीच्या सरकारी सांडपाण्याचा हा सर्वात मोठा प्रादूर्भाव आहे असे म्हटले तर ते चुकीचे ठरणार नाही केवळ जाहीराती देऊन लोकांनी काय काळजी घ्यावी याचा उपदेश केला जातो. परंतु डास निर्मूलन करणारे फवारणी आठवड्यातून किमान दोनवेळा करण्याची तत्परता सरकारी यंत्रणांकडून दाखवली जात नाही.

सरकारी दीरंगाई हे डेंग्यू प्रसाराचे महत्वाचे कारण गृहित धरले पाहिजे. यासंदर्भात लोकांकडूनच वारंवार तक्रारी होतात आणि परिस्थिती हाताबाहेर जाऊ नये म्हणून पैसा खर्च केला जाऊ नये म्हणून खर्चिक वैद्यकीय उपचार करून घेतले जातात. सहा हजार रुग्णांची संख्या हा धोकादायक आकडा समजला पाहिजे. आणि भविष्यकाळात डेंग्यूच्या धोक्याचीही ती चाहूल मानली पाहिजे.

Sharing is caring!

You may also like

Read More

post-image
आघाडीच्या बातम्या देश

मध्यप्रदेशचे मुख्यमंत्री शिवराज सिंह चौहान यांचा राजीनामा

भोपाळ – तब्बल १५ वर्षांनी मध्य प्रदेशाचे मुख्यमंत्री शिवराज सिंह यांनी राजीनामा दिला आहे. सत्ता स्थापनेचा दावा करणार नसल्याचे सांगत मुख्यमंत्री पदाचा राजीनामा दिला आहे....
Read More
post-image
आघाडीच्या बातम्या महाराष्ट्र मुंबई

कॉंग्रेसचे नेतृत्व लोकांनी स्वीकारले – शरद पवार

मुंबई – पाच राज्यांमध्ये आलेल्या निवडणुकीच्या निकालानंतर राष्ट्रवादी कॉंग्रेसचे अध्यक्ष शरद पवार यांनी पत्रकार घेत कॉंग्रेस अध्यक्ष राहुल गांधी यांचे अभिनंदन केले. तसेच, मोदी सरकारवर...
Read More
post-image
आघाडीच्या बातम्या विदेश

कॅलिफोर्नियाच्या फेसबुक मुख्यालयात बॉम्ब ठेवल्याची धमकी

कॅलिफोर्निया – कॅलिफोर्निया येथे मेनलो पार्क येथील फेसबुकचे मुख्यालय बॉम्ब ठेवल्याची धमकी एका आज्ञातांनी दिली आहे. याा घटनेची माहिती मिळताच पोलीस घटनास्थळी दाखल झाले असून...
Read More
post-image
आघाडीच्या बातम्या देश

आईच्या अस्ठीचे विसर्जन करायला गेलेल्या ७ जणांचा बुडून मृत्यू

नांदेड – उत्तर प्रदेशातील प्रयागराज येथे आईच्या अस्थींचे विसर्जन करण्यासाठी गेलेल्या कुटुंबावर काळाची वक्रदृष्टी पडली. गऊघाट परिसरात बोट उलटून झालेल्या अपघातात ७ जणांचा मृत्यू झाला...
Read More
post-image
देश

के. चंद्रशेखर राव उद्या मुख्यमंत्री पदाची शपथ घेण्याची शक्यता

हैदराबाद – तेलंगणामध्ये मिळालेल्या अभूतपूर्व यशानंतर तेलंगणा राष्ट्र समिती (टीआरएस) अध्यक्ष के. चंद्रशेखर राव उद्या राज्याच्या मुख्यमंत्री पदाची शपथ घेणार असल्याची माहिती राजकीय सूत्रांनी...
Read More