वृत्तविहार : जनतेचे ‘अभिनंदन’ करा   – eNavakal
लेख

वृत्तविहार : जनतेचे ‘अभिनंदन’ करा  

पुढचा किमान महिनाभर लोकसभा निवडणुकीचे कवित्व चालू राहील. भारतीय जनता पार्टीचे कार्यकर्ते आणि नेते हा विजय एकट्या मोदींमुळे कसा मिळाला आणि काँग्रेसचे नेतृत्व कसे कमकुवत आहे. हे सांगण्यातच फुशारकी मारत राहातील. परंतु पुन्हा पुन्हा हे सांगितले पाहिजे की विजयाचे श्रेय घेणारे अनेक लोक असतात तसाप्रकार भाजपामध्ये राहील. मुळात हा विजय तसे पाहिले तर लौकिकार्थाने एक राजकीय पक्ष म्हणून भारतीय जनता पार्टीचा असला तरीदेखील हा जनभावनेचाही विजय मानला पाहिजे आणि ही जनभावना एका राजकीय पक्षाच्या बाजूने आहे असा निष्कर्ष न काढता ती देशाच्या सुरक्षिततेच्या बाजूने आहे. हा त्यातला मतितार्थ समजून घेतला तर निवडणुकीचे राजकीय विश्लेषण हा प्रासंगिक मुद्दा ठरतो. तर लोकशाहीचा सिध्दांत म्हणून विचार केला तर तो जनभावनेचा विजय ठरतो. दुर्दैवाने आपल्या देशात इतके निपक्षपातीपणे विश्लेषण होत नाही. अक्षरशः 67 कोटी लोक या निवडणुक प्रक्रियेत जेव्हा सहभागी होतात तेव्हा त्यांच्या भावना आणि अपेक्षा त्यांच्याशी जोडलेल्या असतात. हे लक्षात न घेता केवळ राजकीय पक्षांचे महत्व वारंवार लोकांच्या मनावर बिंबवले जाते.

अगदी निवडणुकीची घोषणा होते तेव्हापासून ते निकाल लागेपर्यंत राजकीय पक्षच आपला प्रभाव ठेवतात. प्रसार माध्यमांकडूनही त्याचीच वारंवार चर्चा होत राहाते. परंतु जी जनता खऱ्या अर्थाने लोकशाहीचे भवितव्य ठरवते त्या जनभावनेचा हा सन्मान आहे. याकडे सोयीस्करपणे दुर्लक्ष केले जाते. निवडणुकीच्या प्रक्रियेमध्ये यावर्षी प्रथमच प्रचंड प्रमाणावर सोशल मिडीयाचा आणि सर्वप्रकारच्या आधुनिक तंत्रज्ञानाचा वापर केला लोकांच्या मनावर आपले महत्व बिंबवण्याकरीता केले गेले. दुर्दैवाने राजकारणाचा हा प्रभाव पक्षाला न्याय देणारा नाही असेच म्हणावे लागते. ही सगळी परिस्थिती अभ्यासली पाहिजे. आणि निकालांचे सामाजिक संदर्भ लोकांपुढे मांडले पाहिजेत. शेवटी विजयाचे श्रेय राजकीय पक्ष घेतात. हीच लोकशाहीची शोकांतिका म्हटली पाहिजे. राजकीय पक्ष निवडून आल्यानंतर एकमेकांचे अभिनंदन करीत असतात. एकमेकांच्या तोंडात पेढे भरवत असतात परंतु जी सामान्य जनता खऱ्या अर्थाने महत्वाची भूमिका बजावते. तिला केवळ धन्यवाद देऊन बोळवले जाते. तिचे अभिनंदन मात्र केले जात नाही. किंवा तो सगळा विजय जनतेला समर्पित करण्याचा प्रामाणिकपणाही दाखवला जात नाही. जोपर्यंत अशा प्रकारचा विनम्रपणा राजकारण्यांमध्ये येत नाही तोपर्यंत खऱ्या अर्थानेलोकशाहीचा सन्मान झाला असेही म्हणता येणार नाही.

 

Sharing is caring!

You may also like

Read More

post-image
आघाडीच्या बातम्या महाराष्ट्र

मराठा समाजाच्या आरक्षणावर गुरुवारी अंतिम निर्णय

मुंबई – महाराष्ट्र सरकारने राज्यातील मराठा समाजाला दिलेले १६ टक्के आरक्षण कायदेशीर आहे की, बेकायदेशीर आहे याचा निकाल मुंबई उच्च न्यायालय गुरुवारी २७ जूनला...
Read More
post-image
आघाडीच्या बातम्या न्यायालय महाराष्ट्र

डॉ. पायल तडवी आत्महत्येप्रकरणी आरोपी डॉक्टरांना जामीन नाही

मुंबई – नायर रुग्णालयातील डॉ. पायल तडवी यांना आत्महत्येस प्रवृत्त केल्याच्या आरोपाखाली अटकेत असलेल्या डॉ. भक्ती मेहेर, डॉ. हेमा आहुजा आणि डॉ. अंकिता खंडेलवाल या...
Read More
post-image
आघाडीच्या बातम्या महाराष्ट्र

मुंबई-पुणे महामार्ग उद्या अर्धा तास बंद राहणार

मुंबई – पुणे-मुंबई मार्गावर परंदवाडी येथे महावितरणची ओव्हरहेड हायटेंशन केबल तुटली असून तिचे काम करण्यासाठी उद्या पूर्ण रस्ता बंद ठेवण्यात येणार आहे. त्यामुळे या...
Read More
post-image
मुंबई

मुंबई महापालिका मुख्यालयात तरुणाचा आत्महत्येचा प्रयत्न

मुंबई – एका ३० वर्षीय तरुणाने मुंबई महापालिका मुख्यालयात आयुक्तांच्या दालनासमोर आत्महत्येचा प्रयत्न केल्याची घटना घडली आहे. सुदाम शिंदे असे या तरुणाचे नाव असून...
Read More
post-image
आघाडीच्या बातम्या मनोरंजन

करण जोहर ठरला सर्वाधिक लोकप्रिय भारतीय चित्रपट निर्माता

मुंबई – चित्रपट निर्माता करण जोहर बॉलिवूडच्या लोकप्रिय चित्रपट निर्मात्यांच्या यादीत पहिल्या स्थानावर आहे. स्कोर ट्रेंड्स इंडियाने गेल्या सहा महिन्यातील बॉलिवूडच्या सर्वाधिक लोकप्रिय चित्रपट निर्मात्यांची नुकतीच एक...
Read More