वृत्तविहार : गडकरींच्या सुसाट वेगाच्या भन्नाट कल्पना – eNavakal
लेख

वृत्तविहार : गडकरींच्या सुसाट वेगाच्या भन्नाट कल्पना

जेव्हा कोणतेही वाहन रस्त्यावर सुसाट धावत असते त्यावेळी ड्रायव्हरशिवाय इतरांच्या डोक्यात सुसाट विचारही येत असतात. हा त्या गाडीच्या वेगाचा परिणाम असतो. ही जर रस्त्यावरून धावणाऱ्या वाहनांमधील प्रवाशांची अवस्था असेल तर प्रत्यक्ष रस्ता वाहतुक मंत्री असलेल्या नितीन गडकरींच्या सुसाट विचारांचा वेग किती भन्नाट असू शकेल याची सहज कल्पना येऊ शकते. त्यांचे एकही भाषण, एकही मुलाखत एकही पत्रकार परिषद अशी नसते की ज्यात त्यांनी नवीन घोषणा केलेली नाही किंवा मोठमोठे आकडे सांगून काहीतरी अफाट सांगण्याचा प्रयत्न केलेला नाही. परंतु काहीवेळेला त्यांच्या या अफाट विचारांचा सुसाट वेग कुठेतरी अडखळतो आणि त्यांची पंचाईत करून टाकतो. मराठा आरक्षणाच्या मुद्दावर इतक्या दिवसात ते कधी काही बोलले नव्हते आणि आता जे काही बोलले त्यांनी थेट नरेंद्रांपासून देवेंद्रांपर्यंत दोघांचीही एकाचवेळी अडचण केली. ते म्हणाले आरक्षण दिले तरी नोकऱ्या कुठे आहेत. आणि मग राहुल गांधींपासून सगळेच विरोधी पक्ष हाच मुद्दा घेऊन सरकारवर टीका करीत आहेत.

नोकऱ्या नाहीत ही आज वस्तुस्थिती आहे. मनमोहन सिंगांच्या काळातही त्या नव्हत्या. परंतु निदान हे सरकार तरी नोकऱ्या देईल अशी अपेक्षा वाढल्याने आरक्षणाच्या मागणीचाही जोर वाढलेला दिसतो. एकीकडे नोकऱ्या नाहीत असे म्हणणारे गडकरी दुसरीकडे थेट कचऱ्यामधून अर्थक्रांती घडवण्याची भाषा करतात. दिल्लीतल्या एका कार्यक्रमात बोलताना त्यांनी कचऱ्यापासून वीज निर्मिती होऊ शकते आणि तसा प्रस्ताव नीतीआयोगाने तयार करावा अशी सूचनाही करून टाकली. त्यांची ही सगळी भन्नाट कल्पनाशक्ती अशीच सुसाट वेगाने भरकटत असते. परंतु यातल्या योजना प्रत्यक्ष आल्याचे कोणाच्या अनुभवाला येत नाही. त्यामुऴे त्यांनी रस्ते बांधण्याची जबाबदारी प्रामाणिकपणे पार पाडावी रस्ते बांधणीचा हा वेगही त्यांनी असाच कायम ठेवावा. परंतु रोजगार किंवा अर्थक्रांतीसारख्या नुसत्याच सुसाट कल्पना मांडून स्वत: अडचण करून घेऊ नये. आज प्रत्यक्ष त्यांच्या मतदारसंघामध्ये एक लाख बेरोजगार तरूण आहेत. नागपूरातला कचरा प्रश्न फारसा सुटलेला नाही. अशा परिस्थितीत घरचे झाले थोडे आणि व्याह्याने धाडले घोडे अशी त्यांची एकूण परिस्थिती होऊ शकते. कल्पना मांडून समस्या सुटू शकत नसतात. त्याच्या अंमलबजावणीकरता तितकीच प्रबळ राजकीय इच्छाशक्ती लागते. बरे ती सुध्दा एकट्या गडकरींमध्ये असून भागत नाही ती सरकारमधून एकत्रितपणे समोर यावी लागते.

Sharing is caring!

You may also like

Read More

post-image
लेख

वृत्तविहार : रजनीकांत यांचे धक्कातंत्र

राजकारणाची दक्षिण शैली ही सहसा कोणाच्या लक्षात येत नाही. इथले राजकारण हे इतक्या चित्रविचित्र पध्दतीने चालू असते. की त्याचा अंदाजही बांधता येत नाही. अण्णा...
Read More
post-image
आघाडीच्या बातम्या निवडणूक

सिमांतिनी कोकाटे यांच्यावर हकालपट्टीची टागंती तलवार

नाशिक – बंडखोरी करत अपक्ष निवडणूक लढविणाऱ्या माणिकराव कोकाटे यांची पक्षातून हकालपट्टी केल्यानंतर आता सर्वाचेच लक्ष सिमांतिनी माणिकराव कोकाटे यांच्यावरील कारवाईकडे लागले आहे. सिमांतिनी...
Read More
post-image
आघाडीच्या बातम्या देश निवडणूक

सत्ता आणि पैशासाठी शिवसेना-भाजप एकत्र – राज ठाकरे

रायगड – लोकसभा निवडणुकीत राज ठाकरे यांनी मोदी विरोधी भुमिका घेतली आहे. महाराष्ट्र नवनिर्माण सेनेचे अध्यक्ष राज ठाकरे यांच्या महाराष्ट्र दौऱ्यातील शेवटची सभा आज रायगड...
Read More
post-image
आघाडीच्या बातम्या देश

करकरेंबद्दल विधान, भाजपने केले हात वर

नवी दिल्ली –  प्रज्ञा सिंह यांनी हेमंत करकरेंबद्दल धक्कादायक वक्तव्य केले आहे. ‘हेमंत करकरें यांना दहशतवाद्यांनी मारून माझं सूतक संपवलं’ असे वादग्रस्त वक्तव्य साध्वी प्रज्ञासिंह ठाकूर...
Read More
post-image
आघाडीच्या बातम्या देश

रोहित शेखर यांची तोंड दाबून हत्या, शवविच्छेदन अहवालामधून झाले उघड

नवी दिल्ली – उत्तरप्रदेश आणि उत्तराखंडचे माजी मुख्यमंत्री एन. डी. तिवारी यांचे पुत्र रोहित शेखर यांची तोंड दाबून हत्या करण्यात आल्याची धक्कादायक माहिती शवविच्छेदन...
Read More