वृत्तविहार : काश्मीर समस्येची उकल – eNavakal
Uncategoriz

वृत्तविहार : काश्मीर समस्येची उकल

केंद्रीय गृहमंत्रीपदाचा भार स्वीकारल्यानंतर अमित शहा यांनी काश्मीर प्रश्नाला प्राधान्य दिलेले दिसते. परंतु प्रसिध्द झालेल्या माहितीवरून असे दिसते की, काश्मिरमधली राजकीय गणिते बदलण्याच्यादृष्टीने त्यांच्या हालचाली सुरु झालेल्या आहेत ही गोष्ट खरीच आहे की, काश्मिरमध्ये असलेले मुस्लिम बहुल वातावरण एकूणच देशाच्या समतोल विकासाला धोकादायक ठरते आणि त्या मुस्लिम बहुलपणाचा गैरफायदा पाकिस्तान सतत घेत आला. दहशतवाद्यांनी त्याच स्थानिक मुस्लिमांचा बुध्दीभेद करून तुम्ही भारताचे नागरीक नाहीत इथपासून ते भारत तुमचा शत्रू आहे. अशा प्रकारचा विषारी प्रचार चालवला. त्याचा सातत्याने भडीमार केला गेला. आता तर तिथली युवा पिढी हातात दगड घेऊनच भारतीय लष्करावर तुटून पडताना दिसते कारण त्यांच्या मनामध्ये सतत भारत द्वेषाचे बीज पेरले गेले. तिथले हे वातावरण बदलण्याची आवश्यकता आहे. काश्मीर हा जर भारताचा अविभाज्य अंग असेल तर तिथल्या नागरीकांनासुध्दा आपण या देशाचे अविभाज्य घटक आहोत असे मनापासून वाटले पाहिजे. या वातावरणाची निर्मिती करण्याकरीता पूर्वीप्रमाणे प्रामुख्याने श्रीनगर खोऱ्यामध्ये असलेल्या काश्मिरी पंडितांची संख्या वाढवली पाहिजे त्यांना दहशतीच्या जोरावर हुसकावून लावण्याचे कारस्थान केले गेले. जवळपास तीन ते चार लाख काश्मीर पंडीत आपले स्वतःचे घरदार सोडून निर्वासिताच्या भूमिकेत दिल्ली, मुंबई आणि देशाच्या इतर भागामध्ये राहतात. पिढ्यानपिढ्या मुस्लिमांबरोबर एकोप्याने राहणाऱ्या काश्मीर पंडितांना दहशतवाद्यांनी हुसकावून लावले त्यांच्यावर अत्याचारही केले. काश्मीरचा प्रश्न राजकीय आहे, असे म्हणत असतानाच तिथला सामाजिक सलोखा बिघडवण्याचे काम दहशतवाद्यांनी केले. म्हणूनच आता प्राधान्यक्रमाने काश्मीरमध्ये त्यांचे पुनर्वसन करून वातावरणात सुधारणा करता येऊ शकते. अमित शहा यांनी काश्मीरी पंडितांच्या पुनर्वसनाला प्राधान्य दिले तर ते जास्त योग्य ठरेल. केवळ विधानसभेच्या मतदार संघांची पुनर्रचना करून काम भागणार नाही. अनेक वर्षापासून आपल्या घर आणि गावाबाहेर असलेल्या काश्मिरी पंडितांना मुख्य प्रवाहात आणत असताना तिथला सामाजिक सलोखा टिकवण्याचे आव्हानही शहा यांना करावे लागेल. अर्थातच फारुख अब्दुल्ला किंवा मेहबूबा मुफ्ती यांच्यासारख्या सत्तालोलुपांना ही गोष्ट मान्य होणार नाही. ते त्याविरुध्द आकांडतांडव करतील आणि काश्मीर प्रश्न सुटण्याऐवजी तो चिघळत कसा राहील असाच त्यांचा प्रयत्नही राहील. हा सर्व प्रयोग करीत असताना सावधानता बाळगावी लागेल. पाकिस्तानच्या मदतीशिवाय आणि स्थानिक फुटीरतावाद्यांना महत्त्व न देता या सगळ्या गोष्टी प्रत्यक्षात आणाव्या लागतील. तर अनेक वर्षे धगधगत असलेला हा प्रदेश खऱ्या अर्थाने शांततेचा अनुभव घेऊ शकेल.

Sharing is caring!

Leave a Comment

Your email address will not be published.

You may also like

Read More

post-image
आघाडीच्या बातम्या मुंबई

अर्थसंकल्प सादर! अटल बिहारी वाजपेयींचे स्मारक मुंबईत उभारणार

मुंबई – आज पावसाळी अधिवेशनाच्या दुसऱ्या दिवशी मुख्यमंत्री देवेंद्र फडणवीस यांच्या नेतृत्वाखालील सरकारचा शेवटचा अतिरिक्‍त अर्थसंकल्प विधिमंडळात सादर करण्यात आला. विधानसभेत अर्थमंत्री सुधीर मुनगंटीवार,...
Read More
post-image
देश

अनिल अंबानीच्या कंपनीवर चिनी बँकांचे अब्जावधीचे कर्ज

मुंबई – उद्योगपती मुकेश अंबानी हे आशिया खंडातील सर्वात श्रीमंत व्यक्‍ती आहेत. तर त्यांचा धाकटा भाऊ उद्योगपती अनिल अंबानी हे भारतातील सर्वात कर्जबाजारी उद्योगपती...
Read More
post-image
देश

‘चमकी’चे १०० हून अधिक बळी! कशामुळे होतो हा आजार?

नवी दिल्ली – एक्यूट इंसेफेलाइटिस सिंड्रोम अर्थात चमकी तापामुळे बिहारमध्ये आतापर्यंत १०० हून अधिक मुलांचा मृत्यू झाला आहे. तर या तापाच्या रुग्णांची संख्याही झपाट्याने...
Read More
post-image
आघाडीच्या बातम्या मनोरंजन

बिग बॉस मराठी २ : आज रंगणार ‘शेरास सव्वा शेर’

मुंबई – बिग बॉस मराठीच्या घरामध्ये काल कॅप्टनसी कार्य वैशाली माडे, विद्याधर जोशी आणि अभिजीत केळकर या उमेदवारांमध्ये रंगले. ज्यात वैशाली माडे घराची नवी...
Read More
post-image
आघाडीच्या बातम्या देश

जेट एअरवेज अखेर दिवाळखोरीत

नवी दिल्ली – आर्थिक अडचणीत सापडलेल्या जेट एअरवेज कंपनी अखेर दिवाळखोरीत काढण्याचा निर्णय स्टेट बँकेने सोमवारी जाहीर केला. जेटमधील भांडवली हिस्सा विकत घेण्याबाबत एकाही...
Read More