वृत्तविहार : काँग्रेसयुक्त भाजपा – eNavakal
लेख

वृत्तविहार : काँग्रेसयुक्त भाजपा

निवडणुका आल्यानंतर त्याला हिंदीमध्ये उथलपुथल म्हणतात. तसा आयाराम, गयाराम प्रकार देशभरच सुरु झाला आहे. त्यात महाराष्ट्र अपवाद राहू शकत नाही. राजकारण हा सत्तेचा बाजार असल्यामुळे जिकडे जास्त भाव मिळेल तिकडे राजकारणातले हे व्यापारी आणि दलालफिरत असतात. ऐनवेळची संधी साधून वेगवेगळ्या पक्षात प्रवेश करणारे हे लोक म्हणजे तत्वाला किंवा विचाराला केराची टोपली दाखवतात. अर्थात राजकारणात तत्व आणि विचार शिल्लक राहिलेले नाहीत. अगदी पंतप्रधान नरेंद्र मोदी किंवा त्यापूर्वी अटलबिहारी वाजपेयी पंतप्रधान असताना राजकारणाचा असाच बाजार झाला. पक्षामध्ये बोटावर मोजण्याइतके नेते प्रामाणिक जरी असले तरी पक्षाचा कारभार हा त्यांच्या विचारानुसार चालत नसतो. सत्ता टिकवण्याकरीता जो कोणी उपयोगी पडेल त्याची मदत घेऊन पक्षाचे कामकाज चालू राहाते. सध्या महाराष्ट्रात अशीच उथलपुथल सुरु झाली. आणि प्रमुख विरोधी पक्ष असलेल्या काँग्रेसच्या म्हणजेच विरोधी पक्षनेत्याच्या मुलालाच म्हणजेच सुजय विखे पाटील यांना आपल्या पक्षात सामिल करून घेण्यासाठी भारतीय जनता पार्टीने प्रचंड आटापीटा केला. तर तिकडे गुजरातमध्ये काही काँग्रेस आमदारांनाच आपल्या पक्षात खेचून आणण्याचा प्रयत्न केला गेला. विखे पाटील घराण्याची एकूण परंपरा पाहिली तर पक्ष बदलणे हा त्यांचा सवयीचा भाग दिसून येतो काँग्रेसमध्ये असलेले बाळासाहेब विखे पाटील वाजपेयींच्या काळात शिवसेनेत आले. केंद्रातले सरकार पडल्यानंतर ते पुन्हा काँग्रेसमध्ये गेले. आता त्यांच्या निधनानंतर त्यांचे चिरंजीव राधाकृष्ण विखे पाटील विधानसभेवर निवडून आले. मंत्रीही झाले. त्यांनाच विरोधीपक्ष नेते पद देऊन त्यांची सत्तेची भूकही शमवली गेली. परंतु तेवढ्याने त्यांचे समाधान झाले नाही.हीच सत्तेची ज्यादा भूक शमवण्याकरीता त्यांच्या मुलाने भाजप प्रवेशाचा सोहळा घडवून आणला. सुजय विखे पाटील यांनी आपण वडिलांच्या निर्णयाविरोधात हा प्रवेश करीत आहोत परंतु तो देखावा असतो. राजकारणात बरीच वर्षे काढलेल्या राधाकृष्ण विखे पाटील यांनीच आपले साम्राज्य शाबूत ठेवण्याकरीता मुलाला भाजपा प्रवेशाची दीक्षा दिलेली आहे. कदाचित तेसुध्दा स्वतः पक्षांतर करून अन्यत्र स्थानापन्न होण्याची शक्यता आहे. एक जागा वाढू शकेल. आणि काँग्रेसला धक्का देता येईल या उद्देशाने भाजपाकडून ही खेळी केली गेली. परंतु यामुळे स्थानिक कार्यकर्त्यांवर होणारा अन्याय या पक्षासाठी तेवढाच डोकेदुखी निर्माण करणारा ठरू शकतो. सध्या भाजपामध्ये 30 ते 40 टक्केलोक काँग्रेस आणि राष्ट्रवादी काँग्रेसचे आहेत. त्यामुळे काँग्रेसमुक्त भारत असे म्हणणारा हा पक्ष आता काँग्रेसयुक्त भाजपा अशा टप्प्यांपर्यंत येऊन पोहचला आहे.

Sharing is caring!

You may also like

Read More

post-image
News महाराष्ट्र राजकीय

बीडमध्ये काकांच्या कारभारावर पुतण्याचा बॅनरबाजीतून निशाणा

बीड- बीडच्या राजकारणामध्ये पहिल्यांदाच काका-पुतणे आमने-सामने उभे राहणार असल्याने त्यांच्यातील संघर्ष गल्लीबोळातही दिसू लागला आहे. राज्याचे मंत्री जयदत्त क्षीरसागर यांच्या विकासकामांवर त्यांचे पुतणे संदीप...
Read More
post-image
News देश राजकीय

काँग्रेससोबत युती नको, स्वतंत्र लढणार – देवेगौडा

बंगळुरू- कर्नाटकामध्ये मध्यावधी निवडणूक होण्याची शक्यता आहे. जर तसे झाले तर कोणासोबतही युती न करता स्वतंत्र लढण्यासाठी तयार राहू, असे माजी पंतप्रधान आणि जनता...
Read More
post-image
News महाराष्ट्र

उरण वीज प्रकल्पाचा गॅसपुरवठा पूर्ववत

उरण- उरण ओएनजीसीच्या गॅस प्रकल्पाला लागलेल्या आगीमुळे गेल्या 10 दिवसांपासून बंद असलेला महानिर्मितीच्या उरण वीज प्रकल्पाचा गॅसपुरवठा कालपासून पूर्ववत सुरू झाला आहे. यामुळे एका...
Read More
post-image
News महाराष्ट्र वाहतूक

बोरोटी रेल्वे यार्डमध्ये ब्लॉक! कलबुर्गी-सोलापूर पॅसेंजर रद्द

सोलापूर- मध्य रेल्वेच्या सोलापूर विभागातील सोलापूर वाडी सेक्शनच्या बोरोटी रेल्वे स्थानक यार्डमध्ये उद्या बुधवारी ट्रॉफिक ब्लॉक घेण्यात येणार आहे. या ब्लॉकच्या काळात प्रवासी गाड्यांमध्ये...
Read More
post-image
News महाराष्ट्र राजकीय

इंदुरीकर महाराजांचा मलाच पाठिंबा! बाळासाहेब थोरातांची प्रतिक्रिया

अहमदनगर- संगमनेरयेथे मुख्यमंत्र्यांच्या व्यासपीठावर प्रसिद्ध कीर्तनकार निवृत्ती महाराज दिसल्यानंतर ते बाळासाहेबांच्या विरोधात लढणार असल्याच्या चर्चांना वेग आला होता. मात्र स्वत: इंदुरीकर महाराजांनी हे वृत्त...
Read More