वृत्तविहार – इतर धागेदोरेही तपासा – eNavakal
लेख

वृत्तविहार – इतर धागेदोरेही तपासा

पैशासाठी माणूस कोणत्याही थराला जाऊन काम करू शकतो किंवा शत्रू राष्ट्राकडून गोपनीय माहिती मिळवण्याकरीता कोणत्याही पध्दतीचे डावपेच खेळले जाऊ शकतात. याचे ताजे उदाहरण म्हणून नागपूरमध्ये निशांत अगरवाल या अभियंत्याला झालेल्या अटकेचे देता येते. आयआयटी रुरकी येथून मेकॅनिकल इंजिनिअरिंगची पदवी घेतलेल्या या
तरूणाची नागपूरमधल्या डिफेन्स रिसर्च अँड डेव्हलपमेंट असोसिएशन म्हणजेच डीआरडीओमध्ये नियुक्ती झाली होती. मुळचा उत्तरप्रदेशमधला हा तरूण गेली चार वर्षे ब्रह्मोस या क्षेपणास्त्राच्या प्रकल्पावर काम करीत होता. परंतु अतिशय गोपनीय स्वरुपाची माहिती तो पाकिस्तानच्या आयएसआय संस्थेला पुरवित असल्याची माहिती मिळाली. सतत चार महिने त्याच्या सगळ्या हालचालींवर पाळत ठेवली गेली. आणि त्याच्याकडून काम करताना गोपनियतेचा भंग होत असल्याचे दिसून आले. चारच महिन्यापूर्वी त्याचे लग्नही झाले होते. आयआयटीसारख्या प्रतिष्ठित संस्थेतून शिक्षण घेतल्यानंतर डीआरडीओसारख्या तितक्याच मोठ्या संस्थेत मिळालेली नोकरी या सगळ्या गोष्टी पात्रतेपेक्षा जास्त काही देणाऱ्या ठरल्या असाव्यात. साधारणपणे संरक्षण किंवा सुरक्षिततेशी संबंधित विभागात काम करणाऱ्यांवर शत्रूराष्ट्रातल्या गुप्तहेरांचेही लक्ष असते. कोणत्या तरी कारणाच्या निमित्ताने निशांत अगरवाल या गुप्तहेरांच्या संपर्कात आलेला दिसतो. आणि त्याला मोठे आमिष दाखवून गोपनिय माहिती मिळवण्यात हे लोक यशस्वी झालेले दिसतात. यातला महत्वाचा भाग असा आहे की निशांतच्या या सगळ्या काळ्या कृत्यांची माहिती सर्वप्रथम उत्तरप्रदेश पोलिसांना लागली. त्यानंतर महाराष्ट्र एटीएसच्या मदतीने पुढची कारवाई संयुक्तपणे केली गेली. काही दिवसापूर्वी सीमासुरक्षा दलाचा जवान अच्युतानंद मिश्रा यालाही पोलिसांनी अटक केली होती. एका महिलेच्या नावाने बनावट फेसबुक अकाऊंट तो काही माहिती गोळा करीत असे. अगरवाल देखील या मिश्राच्या संपर्कात होता. प्रामुख्याने क्षेपणास्राविषयीची माहिती स्वतच्या लॅपटॉपवर घेऊन ती त्याने आयएस आयला देण्याचा आरोप केला गेला आहे. पुढच्या काही दिवसात यासंदर्भातली बरीच माहिती बाहेर येईल परंतु आपल्याच देशातील माणसे अशा प्रकारची माहिती फोडू शकतात याचे आश्चर्य वाटते. चाळीस वर्षापूर्वी दिल्लीमध्ये अशीच हेरगिरी करणारे प्रचंड मोठे कारस्थान उघड झाले होते आणि त्यात संरक्षण खात्यातील बडे अधिकारी सहभागी असल्याचे आढळून आले होते. त्यातही ललित नारायण मिश्र नावाचा अधिकारी सूत्रधार होता. अमेरिकेच्या सीआयए संस्थेलाही काही माहिती विकल्याचा त्यावेळी गौप्यस्फोट झाला होता. बऱ्याच वर्षानंतर पुन्हा या अशा संरक्षण क्षेत्रातील हेरगिरीचे प्रकरण पुढे आले आहे. भारतीय तपास यंत्रणांनी ते शोधून काढले. ही गोष्ट निश्चितच कौतुकास्पद ठरते. भारत पाकिस्तानचे संबंध ताणलेले असताना पाकिस्तानला मदत करणारा असा जर प्रकार घडत असेल तर त्याचा तितक्याच कठोरतेने तपास झाला पाहिजे. आणि त्याच्याशी संबंधित
इतर धागेदोरेही शोधले गेले पाहिजेत.

Sharing is caring!

You may also like

Read More

post-image
आघाडीच्या बातम्या महाराष्ट्र

निम्म्या कोल्हापुरात आज पाणीपुरवठा बंद

कोल्हापूर – महापालिकेकडून कावळा नाका येथे पाण्याच्या टाकीखालील पाइपलाइनच्या दुरुस्तीचे काम आज सोमवारी हाती घेण्यात आले आहे. त्यामुळे या टाकीवर अवलंबून असलेल्या भागातील पाणीपुरवठा बंद...
Read More
post-image
आघाडीच्या बातम्या देश

आजपासून कुलभुषण जाधव प्रकरणी आंतरराष्ट्रीय न्यायालयात सुनावणी

नवी दिल्ली – कुलभषण जाधव यांना पाकिस्तानमधील लष्करी न्यायालयाने दिलेल्या शिक्षेविरोधात आंतरराष्ट्रीय न्यायालयात आज सोमवार 18 फेब्रुवारी पासून जाहीर सुनावणी सुरू होणार आहे. द हेग...
Read More
post-image
संपादकीय

(संपादकीय) अरे…सांत्वनाचे सौजन्य तरी पाळा

देशाच्या एकजूटीचे बळ कितीतरी प्रचंड असू शकते. हे अभूतपूर्वरीतीने दिसून आले आहे. सव्वाशे कोटीपेक्षा जास्त लोकसंख्येचा हा देश अनेक राज्य, अनेक भाषा, धर्म, पंथ,...
Read More
post-image
आघाडीच्या बातम्या व्हिडीओ

कसा आहे तुमचा आजचा दिवस ? (१८-०२-२०१९)

Sharing is caring!FacebookPinterestTwitterGoogle+ Related posts: कसा आहे तुमचा आजचा दिवस ? (०६-०१-२०१९) कसा आहे तुमचा आजचा दिवस ? (२९-०१-२०१९) कसा आहे तुमचा आजचा दिवस...
Read More
post-image
News मुंबई

मुलांच्या आरोग्याची विचारपूस करून डोस द्या! आरोग्य सेविकांना सूचना

मुंबई – पालिकेमार्फत घरोघरी जाऊन लहान मुलांना विविध औषधांचे डोस दिले जातात. या औषधांची अ‍ॅलर्जी मुलांना होऊ नये याची दक्षता घेण्यासाठी औषधांचा डोस पाजणार्‍या...
Read More