वृत्तविहार : अंदाजपत्रकाबाबतचे अंदाज                – eNavakal
लेख

वृत्तविहार : अंदाजपत्रकाबाबतचे अंदाज               

सरकारचा अंदाजपत्रकाचा हँगओव्हर अजून उतरलेला दिसत नाही. कारण अंदाजपत्रकात जाहीर झालेल्या अनेक घोषणांबद्दल लोकांच्या मनात बराच गोंधळ आहे. पाच लाखापर्यंत करमाफी हीदेखील एक गुगली असून त्यातल्या काही छुप्या तरतुदींमुळे थेट पाच लाखापर्यंतचे उत्पन्न करपात्र नसेल असे आता तरी म्हणता येत नाही. तीच परिस्थिती शेतकऱ्यांना दिल्या जाणाऱ्या सहा हजार रुपयांबाबत आहे. वर्षभरात शेतकऱ्यांच्या खात्यात तीनवेळा दोन दोन हजाराचे हप्ते जमा होतील. म्हणजेच दिवसाला साधारण सतरा रुपये दक्षिणा शेतकऱ्याला देण्याचा उदारपणा हाही तितका प्रामाणिक नसल्याचा शेतकऱ्यांचाच अंदाज आहे. कारण या योजनेसाठी नेमके कोणते शेतकरी पात्र असतील आणि या सतरा रुपयाने शेतकऱ्यांना कोणतीही मोठी मदत होणारी नाही. उलट शेतकऱ्यांची चेष्टा करण्याचाच हा प्रकार ठरतो.

ही रक्कम महिन्याला दोन हजार असली पाहिजे. म्हणजेच वर्षाला किमान चोवीस हजार रुपये अल्पभूधारक शेतकऱ्याला मिळू शकेल. त्यातही कोरडवाहू शेती करणाऱ्याला महिन्याकाठी किमान दोन हजार रुपये खर्चासाठी मिळू शकतील. आज आत्महत्या करणाऱ्या शेतकऱ्यांमध्ये कोरडवाहू शेती करणारे शेतकरी सर्वाधिक आहे. कारण सावकाराचे कर्ज घेऊन शेती करूनही त्यांना कोणताच नफा होत नाही. त्यावेळी स्वतःच्या कुटुंबाचा खर्चही तो भागवू शकत नाही. अशा अडीअडचणीच्यावेळेला ही महिना दोन हजाराची मदत उपयुक्त ठरू शकेल. यासंदर्भात सरकारवर चारही बाजूंनी टिका झाली. त्यावेळी या सहा हजाराच्या रकमेत वाढ होऊ शकेल अशी सारवासारव करायला सरकारने प्रारंभ केला आहे. एवढेच नव्हे तर प्रत्यक्ष पंतप्रधान नरेंद्र मोदी यांनी आता सादरझालेल्या या अंदाज पत्रकाचा हा तर एक ट्रेलर आहे असा उल्लेखकरून निवडणुकीनंतरच्या अंदाजपत्रकात आणखी घसघशीत सवलती दिल्या जाण्याची शक्यताच बोलून दाखवली आहे. म्हणजेच आताच्या अंदाजपत्रकामध्ये असलेल्या अनेक त्रूटी असल्याचे एकाअर्थी मान्य केले आहे. अंदाजपत्रक हा मुळातच आकडेवारीचा खेळ असतो. त्यामध्ये अनेक सुधारणा कराव्याच लागतात. आणि सर्वात महत्वाचे म्हणजे अंदाजपत्रकातल्या अनेक तरतुदी लोकांपर्यंत पोहचायला बराच काळही जातो. त्यावेळचे अंदाजपत्रक हे निवडणुक अंदाजपत्रक असल्याने लोकांची मते सहजपणे आपल्या पारड्यात पडावीत म्हणून त्या पध्दतीच्याच आकड्यांचे खेळ केले आहेत. आता जेव्हा प्रत्यक्ष त्याचे तपशिल समोर येतील तशतशा त्यातल्या त्रूटीही लक्षात येऊ लागतील. थोडक्यात सांगायचे तर घसघशीत सवलती देणाऱ्या अंदाजपत्रकाबाबत लोकांनाही अंदाजच लावावा लागतो आहे. म्हणजे त्यात दिलेल्या सवलती आपल्याला खरोखर मिळतील की नाही याचा त्यांना अजूनही अंदाज आलेला दिसत नाही.

Sharing is caring!

You may also like

Read More

post-image
महाराष्ट्र

जीवनविद्या मिशनतर्फे वर्सोवा चौपाटीवर स्वच्छता अभियानाचे आयोजन

पालघर – आज बृहन्मुंबई महानगरपालिकेच्या सहकार्याने जीवनविद्या मिशनतर्फे वर्सोवा चौपाटीवर स्वच्छता अभियानाचे आयोजन करण्यात आले आहे. आज सकाळी आठ ते दुपारी १२ या वेळेत...
Read More
post-image
मुंबई

आरेतील स्थानिक आदिवासी समाजातर्फे वृक्षपूजनाच्या कार्यक्रमाचे आयोजन

मुंबई – मेट्रो कारशेडसाठी आरेमधील वृक्षतोडीला मुंबईकरांकडून तीव्र विरोध होत आहे. सोशल मीडियावरून जनतेकडून प्रचंड रोष व्यक्त करण्यात येत आहे. आरेतील स्थानिक आदिवासी समाजातर्फे, मेट्रो...
Read More
post-image
महाराष्ट्र राजकीय

भाजपावासी झाल्यानंतर उदयनराजेंचे साताऱ्यात जंगी स्वागत

सातारा – राष्ट्रवादीचे खासदार उदयनराजे भोसले यांनी भाजपात प्रवेश केल्यानंतर ते साताऱ्यात परतल्यावर त्यांच्या समर्थकांकडून त्यांचे जंगी स्वागत करण्यात आले. भाजपावासी झालेल्या राजेंचे स्वागत...
Read More
post-image
आघाडीच्या बातम्या क्रीडा

आजपासून भारत विरुद्ध दक्षिण आफ्रिका टी-20 मालिकेला प्रारंभ

धर्मशाला – यजमान भारत विरुद्ध द. आफ्रिका संघातील तीन सामन्यांच्या टी-20 मालिकेला आज याठिकाणी पहिल्या सामन्याने प्रारंभ होणार आहे. पुढील वर्षी ऑस्ट्रेलियात टी-20 विश्वचषक स्पर्धा...
Read More
post-image
आघाडीच्या बातम्या मुंबई

अमित ठाकरेंसह शर्मिला ठाकरेही ‘आरे वाचवा’ मोहीमेत

मुंबई – मेट्रो कारशेडसाठी आरेमधील वृक्षतोडीला मुंबईकरांकडून तीव्र विरोध करण्यात येत आहे. या वृक्षतोडीला परवानगी मिळाल्यानंतर मुंबईकरांच्या रोषामध्ये अधिकच वाढ झाली आहे. आज रविवारी...
Read More