विराट कोहली ‘सर्वोत्तम क्रिकेटपटू’, बुमरा, पुजारा, रोहितही मानकरी! – eNavakal
आघाडीच्या बातम्या क्रीडा देश

विराट कोहली ‘सर्वोत्तम क्रिकेटपटू’, बुमरा, पुजारा, रोहितही मानकरी!

मुंबई – सीएट क्रिकेट रेटिंग (सीसीआर) आंतरराष्ट्रीय पुरस्कारांमध्ये भारताचा कर्णधार विराट कोहली याने वर्षातील सर्वोत्तम आंतरराष्ट्रीय क्रिकेटपटूसह सर्वोत्कृष्ट फलंदाज असे दोन पुरस्कार पटकावले. अन्य पुरस्कार विजेत्यांमध्ये रोहित शर्मा, जसप्रीत बुमरा, चेतेश्वर पुजारा, स्मृती मानधना आदी क्रिकेटपटूंचा समावेश आहे. माजी अष्टपैलू क्रिकेटपटू मोहिंदर अमरनाथ यांना जीवनगौरव पुरस्काराने सन्मानित करण्यात आले.

मुंबईमध्ये झालेल्या पुरस्कार प्रदान सोहळ्यामध्ये भारतासह जगभरातील अनेक आजी-माजी क्रिकेटपटू उपस्थित होते. 2018-19 वर्षांतील कामगिरीच्या आधारे विजेत्यांची निवड करण्यात आली. सीएट सर्वोत्तम आंतरराष्ट्रीय क्रिकेटपटूचा पुरस्कार सलग दुसर्‍या वर्षी पटकावणार्‍या विराट कोहलीने सर्वोत्तम फलंदाजाचा पुरस्कारही आपल्या नावे केला. वेगवान गोलंदाज जसप्रीत बुमरा सर्वोत्तम गोलंदाज ठरला. आघाडीच्या फळीतील फलंदाज चेतेश्वर पुजारा आणि फटकेबाज सलामीवीर रोहित शर्मा यांना अनुक्रमे वर्षातील सर्वोत्कृष्ट कसोटीपटू आणि वनडे क्रिकेटपटूचा पुरस्कार मिळाला. वर्षातील सर्वोत्तम टीट्वेन्टी क्रिकेटपटूचा मान ऑस्ट्रेलियाचा आरोन फिंच याला मिळाला. याच प्रकारातील सर्वोत्तम गोलंदाज रशीद खानने मिळवला.

सलामीवीर स्मृती मानधना हिला सर्वोत्तम आंतरराष्ट्रीय महिला क्रिकेटपटू म्हणून गौरविण्यात आले. चायनामन फिरकीपटू कुलदीप यादव (सर्वोत्तम कामगिरी), आशुतोष अमन (देशांतर्गत क्रिकेट सर्वोत्तम खेळाडू), यशस्वी जैस्वाल (सर्वोत्कृष्ट कनिष्ठ क्रिकेटपटू) तसेच श्रीराम वीरा आणि स्नेहल प्रधान (क्रीडा पत्रकार) यांचाही पुरस्कार विजेत्यांमध्ये समावेश आहे. राष्ट्रीय आणि आंतरराष्ट्रीय क्रिकेटमधील सर्वोत्तम योगदानाबद्दल माजी अष्टपैलू आणि ज्येष्ठ क्रिकेटपटू मोहिंदर अमरनाथ यांना सीएट जीवनगौरव पुरस्काराने सन्मानित करण्यात आले. आरपीजी ग्रुपचे चेअरमन हर्ष गोयंका यांनी सीएट पुरस्कार विजेत्यांचे अभिनंदन करतानाच पुरस्काराची वाढती लोकप्रियता आणि विश्वासार्हतेबद्दल आनंद व्यक्त केला.

 

 

Sharing is caring!

You may also like

Read More

post-image
आघाडीच्या बातम्या देश

राहुल गांधींनी लोकसभेत घेतली खासदारकीची शपथ

नवी दिल्ली – मोदी सरकार पुन्हा सत्तेवर आल्यानंतर संसदेचे पहिले अधिवेशन आज सोमवारपासून सुरू होत आहे. आज वीरेंद्र कुमार यांनी हंगामी लोकसभा अध्यक्ष म्हणून शपथ...
Read More
post-image
देश

#CycloneVayu २४ तासांत अनेक राज्यांत मुसळधार पावसाचा इशारा

नवी दिल्ली – वायू चक्रीवादळाने दिशा बदलल्याने गुजरात आणि मुंबईसह कोकणावरील धोका टळला आहे. मात्र हे वादळ गुजरातच्याच दिशेने पुढे जाईल, असे हवामान खात्याने...
Read More
post-image
विदेश

वादग्रस्त प्रत्यार्पण विधेयकावरून हाँगकाँगच्या प्रमुखांनी मागितली माफी

हाँगकाँग – वादग्रस्त प्रत्यार्पण विधेयकाला सरकारने स्थगिती दिली असतानाही काल रविवारी हाँगकाँगमध्ये लाखो नागरिक रस्त्यावर उतरले होते. या आंदोलकांनी हाँगकाँग नेत्याच्या राजीनाम्याची मागणी केली....
Read More
post-image
आघाडीच्या बातम्या आंदोलन आरोग्य देश

ममता बॅनर्जींसोबत चर्चेसाठी डॉक्टर रवाना

मुंबई – पश्चिम बंगालमध्ये निवासी डॉक्टरला रुग्णाच्या नातेवाईकांकडून झालेल्या मारहाणीचा निषेध म्हणून इंडियन मेडिकल असोसिएशनने (आयएमए) आज सोमवारी देशव्यापी बंदची हाक दिली आहे. त्यानुसार...
Read More
post-image
देश

एक देश, एक निवडणूक! मोदींनी बोलावली बुधवारी बैठक

नवी दिल्ली – प्रचंड बहुमत व देशाच्या सत्तेवर पूर्णपणे पकड निर्माण झाल्यावर पंतप्रधान नरेंद्र मोदी यांनी आणखी एक हादरवणारा निर्णय घेण्याचे ठरविले आहे. ‘एक...
Read More